بكل الحب نلقاكم

وبكل الود اتلهف لرؤيتكم
قطعنا مشوارنا لنمشى خطوات جميلة ورشيقة
وها نحن فى مجموعتنا الغالية
نشعر ببعض
ونفضفض كأخوات
لنصل الى حلم راودنا كثيرا باذن الله

ليكن شعارنا فى كل مكان وزمان

الأكل الصحى المتوازن المعتدل

وعدم الحرمان وشرب الكثير من الماء

ارادة وعزيمة قوية تهز المغريات
ونداء للجميع التخفيف من الحلوياااااات
والاكثار من الفاكهة والخضاروتنظيم طعامنا
ليس الهدف من هنا
هومجرد كتابة وعدم التزام
ثم الرجوع الى نقطة الصفر من جديد

ولكن قرار داخلى وعزيمة قوية
حتى نكسر ونقاوم الاغراءات والهفوات التى
قد نقع بها
لنكن جميعا سد منيع امام السمنة وامراضها

الى كل أخت مهتمة وزائرة عزيزة

رابط الموضوع السابق
http://www.lakii.com/vb/showthread.php?t=747014

وسنصل معا الى القمة

فلننطلق على بركة الله

الف مبرووك التجمع الجديد
وان شااء الله يكون فال كويس علينا جميعنااا

ميسو منوره التجمع كيفك وكيف معمولتك اللي مو راضيين يخلصوو

حبيت ابشرك ام يزن خلص المعمول واخيراا
اجووني نااس وضيفتهم من المعمول والحمدلله خلصنا منه

على بركة الله نبدأ معا ..
ويا رب تقوي إرادتنا حتى نصل للرشاقة والمثالي على خير وسلامة
جزاك الله خيرا أم يزن

يا رب خير وفاتحة خير والله يعطينا خير هالملف ويبعد عنا شره

انا كنت حابة يكون ردي في اخبار حلوة بس قدر الله وما شاء فعل


ربي اني مسني الضر وانت ارحم الراحمين
ربي اني مسني الضر وانت ارحم الراحمين
ربي اني مسني الضر وانت ارحم الراحمين

السلام عليكم ورحمة الله وبركاته

خوووواتي

الحمد لله انا رجعت من عند الدكتورة من شوية والحمد لله العملية اتكنسلت يعني التغت قدر الله وما شاء فعل

اللهم ارضني بقضائك وبارك لي فيما قدر لي حتى لا حب تعجيل ما أخرت ولا تأخير وا عجلت

الحمد لله الشهر هذا طلع ما عندي تبويض والله اعلم شو السبب مع انه كل فحوصاتي تمام وما عندي اي مشكلة بس سبحان الله ما بعرف شو اللي صار وكمان طلع عندي البطانه اقل من 8 وهذا القياس ما بنفع معاه يصير ترجيع اجنة لهيك قالت لي هذا الشهر خلاص وتعالي ع تاني يوم من الدورة اللي جاية والحمد لله

مش لاقية كلام يوصف مشاعري الحمد لله على كل حال ممكن تكون مايا اكتر وحدة حاسة في لاني انا واياها بنمر نفس الموقف والحمد لله

سامحوني حاسة حالي مخربطة فوقاني تحتاني والحمد لله بكرة ان شاء الله برد ع الجميع

جزاكو الله كل خير على دعائكو لي ومساندتي بس لا نقول الا ما يرضي ربنا انا لله وانا اليه راجعون

السلام عليكم ورحمة الله وبركاته

مبروووووك علينا الجزء الجديد و ان شاء الله فاتحة خير على الجميع و نصير احلى رشيقات قبل عيد الاضحى باذن الله

بشكر كل من رحب فيني من الصبايا وحدة وحدة و خاصة ام يزونة الغالية و كلامك خجلني ياقمر ياريت كون متل مابتقولي يا حبيبة القلب

وسلام خاص للشفاعه سمعت الكثير عنها من ام انس وحابه اتعرف عليكي اكتر نورتي
ومبارك مااجاكي

الله يبارك بعمرك يا ام مالك و عقبال ما تقومي انتي بالسلامة و تجيبي احلى بيبي و يجعلو ربي من الصالحين البارين و من حفظة كتابه الكريم

و يسعدلي ياكي انتي و ام انس الغالية الها مكانة خاصة عندي <<<<<< الله يستر يلا خبريني شو سمعتي ههههههه

بتصدقي انا بعرفك من حوالي سنتين ههههههههه من مطبخ لك خخخخخخخ

اي انا من متابعات قسم الطبخ مع اني هون بقسم الريجيم بس بحب اتفنن بالحلو و هوايتي المعجنات و طبقت اشياء لا تعد ولا تحصى

الك و لاام البنات و ام ليانة و الكل


هلا بطاقتي الشخصية هههههه

اسمي سارة و عندي 4

بنتين وولدين و الحمد لله

فاطمة الكبيرة 8 سنين و آية 7 سنين و محمد 5 و الجديد يوسف 40 يوم خخخخ


عمري 24

اصلي فلسطينية و حياتي كلا كانت بالشام وولادتي انا و بابا و ماما بالشام

و بس اي سؤال انا بالخدمة ووزني لسا ماعرفتو ان شاء الله عندي امل على اخر الاسبوع

اختي يقيني بالله

معليش اختي خيرها بغيرها و عسى ان تكرهوا شيئا و هو خير لكم

ان شاء الله كل بيها كل الخير و ربي يعوضك و يرزقك بالطفل السليم المعافى لا تزعلي اختي

هبهوبة و شيمو لاحتقكم وين مارح تروحوا ههههه وراكم وراكم

اسفة بلسم رد طويل عريض من اولها بس شو ساوي لازم رد عليهم ان شاء الله المرة الجاي بختصر

يلا بانتظار الريجيم اللي رح تبعتيه و انا هلا عم اتبع التخفيف لانو لسا مابعرف وزني

و انتي شوفي اليوميات و حكمي علي بس مو مؤبد ههههههههههه

و انا سجلت يومياتي بريجيم النقاط الي يومين اذا بتحبي بعمل نسخ الو و حطو هون مشان تشوفيه و تشوفي اذا عم امشي صح

مشان كمل على هالحال لبين ما جيب ميزان ؟؟

مبااارك الجزء الجديد وان شاء الله بكون فاتحة خير على الجمييع
وربنا يعطيك ليرضيك ام يزن على مجهودك وصبرك علينا

بالنسبة للكفتة مش مقلية وان شاء الله بخفف الرز
كملت باقي اليوم اخدت على العشا تفاحة واكلت فستق محمص وشربت مية كمان
وربنا يقدرني بكرة العب ريااااضة

يقيني بالله,, ربنا يصبرك ويعينك ويرزقك من حيث لا تحتسبين وتشوفي ولادك وولادهم كماان
يااارب الشهر الجاي يصير عندك حمل بتوأم وما ذلك على الله بعزيز وربنا يفرح قلبك يااارب عاجلاا غير اجل انه على كل شيء قديير

شفووعة نياالنا فيك وين ما بنروح ورانا وهادا الاشي بسعدنا وان شاء الله بنوصل معا للمثالي والرشاقة ويلا اوزني علشان نشوف اكم صرتي

سلام عليكم

اخباااااااااااركم

الف مبروووووووووووك الجزء الجديد

ام يزونه بشترك معاج من يوم السبت الجاي

ان شاء الله الي مكان بينكم

وبوزن السبت قبل الفطور ان شاء الله

في انتظارج

السلام عليكم ورحمة الله وبركاته

مبروووك عليكم الجزء الجديد والله يوفق الجميع وينزل وزنكم بكل الصحة والعافية

تحياتي لك ومحبتي ام يزن الغالية

منورة شفاعة الله يحميكي ويرضى عنك

مبروووك رجعتك ام مالك وحمدا لله على سلامتك

تقبلي مروري ام يزن

بارك الله بجهدك والله يوفق الجميع

سلام

السلام عليكم ورحمة الله و بركاته

كيفكم صبايا مع الريجيم ؟؟ سلامي للكل وحدة وحدة معليش اعذورني اذا قصرت معكم بس دايما مشغولة بفوت وبطلع بسرعة

بلسمي هي يوميات مبارح و اليوم مشان كون مبلشة معكم من بداية الاسبوع اللي هو الاثنين

ياريت ماتبخلي علي بتعليقك لانو انا هون ماشية على نظامك يعني ممكن يكون بيختلف عن رايي و نظام النقاط

مثلا حابة اعرف رايك بالنسبة للتمر بما اني مرضع كم حبة بتفضلي اخد باليوم

و كمان الحليب انا بحبو كتير يعني ممكن اشرب 3 كاسات باليوم ولا مابصير ؟؟

و النشويات كمان قديش بيطلعلي يعني الرز مثلا 4 معالق حتى لو مرضع ؟؟

لانو بنظام النقاط بيختلف الوضع

يلا بانتظارك من اولها بسال و بتشرط خخخخخخ

و هي يوميات الاثنين و الثلاثاء سوا

بسم الله الرحمن الرحيم

اول يوم على بركة الله

يوم الاثنين

الفطور : رغيف صغير جدا خبز اسمر + قطعة جبنة + بيضة + كاسة حليب قليل الدسم + خيارتين

سناك : كاسة حليب قليل الدسم + 3 تمرات + كاسة زهوراات ( يانسون + شومر + حلبة )

الغدا : قطعة صدر دجاج بدون جلد + خضرة مشوية مع الدجاج (بطاطا و كوسا و جزر و فطر و بندورة + بصل و توم و فليفلة )+ خبز اسمر + خس

سناك : تفاحة و زهورات + كاسة حليب قليل الدسم و تمرة

العشا : 1 توست اسمر + خيارة و قطعة جبنة +نص كاسة عصير برتقال

و قبل مانام يمكن اكل بطيخ

الماء : لتر ورح كمل قبل مانام ان شاء الله

الرياضة : ساعة كاملة مشي + نط حبل 270 مرة + 20 دقيقة تمارين للذراعين

و ان شاء الله كل يوم رح ركز على قسم معين من الجسم اليوم كان للذراعين و الكتف و بكرا ان شاء الله للافخاد و الارداف و بعد بكرا ان شاء الله للبطن

يعني كل يوم لمنطقة معينة باذن الله


تقيمي ليومي 95 % لانو بعتبر الخبز كتير بيومي لازم اقلل الخبز باذن الله

و طبعا قاومت كتير كتير لاني جعت و اشتهيت حلو هههههههههه

بس الحمد لله يومي مشي على خير

دعواتكم ياغاليات اي ملاحظة ياريت ماتبخلوا علي

ملاحظة : انا دايما اكلي بملعقة زيت زيتون او بدون زيت مابستعمل لا سمنة ولا زيت عادي الا ناااااااااااااااااااااادرا و بالطوارئ بس

و الحليب دايما قليل الدسم او خالي

و الخبز اسمر

يعني بلسمي مافي داعي تسالي ولا تفكري اذا اكلي مقلي ولا لا لاني مابقلي شي الا كل سنة مرة و اذا كان مقلي رح اذكر هالشي باذن الله و الخبز اغلب الوقت اسمر

يوميات الثلاثاء

بسم الله

الفطور :بصراحة بالفجر كنت جوعانة وبنفس الوقت حسيت مافي حليب شربت نص كاسة حليب قليل الدسم

بعد بساعتين اكلت كورن فلكس صحن صغير و كاسة حليب قليل الدسم + تمرتين صغار

سناك : تفاحة + لبن قليل الدسم صحن صغير + كاسة زهورات ( حلبة و شومر و يانسون ) بسكر دايت

الغدا : 7 معالق مقلوبة ( طبعا متل ماذكرت مافي شي مقلي يادوب معلقتين زيت و كل الخضرة مشوية مافي قلي ) +خس و خيار + و 7 معالق لبن قليل الدسم

سناك : كاسة حليب + بسكوتين + تمرتين

العشا : 1 توست اسمر+ معلقة جبنة صغيرة + خيارة و كاسة زهورات من دون سكر

الماء لتر ورح خلص لترين قبل النوم ان شاء الله

الرياضة : ساعة كاملة مشي نص ساعة مشي سريع و نص ساعة مشي عادي + نط حبل 300 نطة و كنت ناوية كمل تمارين للجسم تبع بنت الاحرار بس ماخلاني يوسف مابعرف شبو اليوم ان شاء الله بكرا بعوض

و بس ان شاء الله ماكون مزودة بالنشويات حاسة كاني زودت شو رايك ؟؟

السلام عليكم
يوميات يوم الثلاثاء
الصبح بكير كاسه نسكافه مع سكر دايت وحبه معمول اخر حبه خلص عندي المعمول
الفطار شوي متاخر
بيضه مسلوقه وحبه فليفله وكاسه شاي مع سكر دايت
السناك خسه
الغداء
صحن ملوخيه وشرحتين توست وربع دجاجه
السناك حبه منجا صغيره
العشاء
بيضه مقليه بمعلقه زيت زيتون وشريحه توست وحبتين بندوره وخيارتين
الماء قليل لتر وشوي
الرياضه لا يوجد لاني تعبانه علشان علي الدوره ان شاء الله اليوم بعوضها