اخواتي الكويتيات وبلا مهانة لكل حبايبي في المنتدى بس بغيت اسأل عن الدكتور يوسف الخضر اخصائي تغذية ....



قروا خواتي له في جريدة يا الانباء او الرأي العام قبل يومين او ثلاثه عن وحدة كان وزنها 168 وصار بعد 16 شهر وزنها 63 ....

بغيت بس اللي تعرف شيء عن هالدكتور او وين عيادته غالي موغالي ...... اللي شافت المقال وتقدر تسويله سكان او تكتبه وتخلي الكل يستفيد ويعرف ............


امانة اللي تعرف شيء عنه او سامع عن ناس راحوا له او استفادوا منه تقولي ..........................

حبيبتى أنا رحلتله كان يعالج بمستشفى الصباح وعطانى ريجيم بس ما كملت معاه و ما أدري أحين وين صار عنوانه ؟؟؟؟

هلا قلبي..

والله انا شفت المقال وشفت البنت اللي كان وزنها 145 وصار 64 ماشالله عليها..
وحاطين صورة الدكتور... وانا فكرت بعد اني اروح له بيني وبينج ...


يعني اذا جذي ممتاز يكون...
بس ما ادري عن عنوانه... بس ممكن تسالين الجريده نفسهم يعني تدقين على جريدة الانباء وتاخذين منهم معلومات عن الدكتور يوسف واهما يعطونج رقمه وعنوانه اكيد حبيبتي...


ولما يعطونج الرقم والعوان دقي على العياده وسالي عن اساعرهم وبس


لو تبين اسالج من عيوني حبوبتي...


سلام

تصدقين صابرينا ذكرته .....

طاع انا كنت رايحتله قبل 4 سنين قبل اتزوج وعطاني ريجيم وموعد بعد اسبوعين وبصراحة ما ارتحتله ولا ارتحت لاسلوبه وكان بالصباح وانت تعرفين حبيبتي الدكاترة في المستشفى العام غير وبالعيادات الخاصة غير يهتمون زيادة ...

بس ما أدري هو لليلحين بالصباح ولا صار له عيادة خاصة .... بس بأمانة الله كان ما يريح وانت بالأساس كنت ابي طالب الشمري لأنهم كانوا ماديحينه لي ....


مشكلتي اني ما اقدر امشي على ريجيم معين يعني اكل معين وما احب أي شيء يعني اللي احبه واقدر آكله هو الاكل اللي ما منه فايدة اما الفواكه والخضار الخضراء اغصب نفسي عليهم .....

الله كريم ويرزقنا الارادة نفس البنت وبصراحة انا لعبت فيني الهرمونات بسبب اجهاضي ثلاث مرات في سنة واحدة بعيد الشر عنكم كلكم ........

ادعولي انه الله يرزقني بالذرية الصالحة واني ما اتعرض للاجهاض مرة خامسة ويثبت الجنين اللي راح يجي لأني راح احمل خلال الشهرين الجايين اذا الله راد انشاءالله .....

مس بيوتي :::

مشكورة بعد قلبي وما قصرتي وانا بصراحة استانس وايد من مواضيعك وردودك ماشاءالله عليه وللأمام دايما .....

سويت بيبي غلاتي الله يرزقج بالذريه الصالحه ويثتب الجنين هالمره وتشوفين البيبي حلو وعسل على امه انشالله بس ارقي نفسج ياقلبي اقري كل يوم سورة اليقره وختميها لمده 40 يوم.. يعني كل ختميها لمدة ارعبين يوم : كل يوم ختمه بالمعنى الاصح... واقري اذكار الصباح والمساء واقري المعوذات الصبح وبالليل... وانشالله تشوفين قدرة ربج باذن الله


حبيبتي انشالله دوم مستانسه موبس لما تشوفين مواضيعي حياتي والله.. الله يكتب لج الذريه الصالحه ولا تياسين وصج الهرمونات تلعب دور والله.. اعااااااااااااني وكم اعاااااني بس الله كريم..


شوفي اهوا حتى لو الدكتور موشي بس ماعليه انا نفسج ترى اذا دكتور ما عاملني عدل بس افل عنه.. بس روحي حق عيادته وشوفي المعالمه الحلوه ...
ميخالف حتى لو معاملته مو حلوه احنا نبي بس ينزل الوزن لان لما شفت الجريده والبنت اشلون نزل من وزنها انصدمتتتتتتتتتتتتت والله.. صرت جذي ربع ساعه.. ابوي يقولي اشفيج امبلمه وانا جذيييييييي ربع ساااااااعه



وعلى سالفة الاكل والله انا نفسج بس لازم شويه تجبرين نفسج على الاقل لفتره وبعدين لما تنزلين يصير خير... يعني تحملي قلبونتي



الله يكتبلج السعاده والذريه الصالحه ويتمم لج حملج على خير يااااااااااااااااااااااارب


سلملم

عيادته بالتغذيه بمستشفى الصباح وماعنده عياده خاصه

صديقتي كانت عنده ونزلت 15 كيلو وعندي ريجيمها

تبونه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

باي

بعد عمري والله مس بيوتي :::

الظاهر انك وايد طيبة ..... انا عزيزتي عندي بنت يعني الاجهاض غالبا بدون اسباب وانشاءالله باتبع نصيحتك وللعلم في المرة الاخيرة رقيت نفسي وكنت اتابع قراءة اذكار الصباح والمساء ولكن قدر الله وما شاء فعل ......

شكرا عزيزتي وجزاك الله خير انا وزني زايد 20 كيلو تقريبا واغلب الزيادة لحم مو ماي ولا شحم يعني صعب انزل بسرعة وانا ناوية انشاءالله احمل بعد شهر او اكثر على حسب الظروف وعشان جذي باخفف وان رزقني الله وولدت راح اروحله بالصباح .... لأنه تقول الاخت بنت الكويت ماله عيادة خاصة ...


بنت الكويت ...... وكلنا بعد بنات الكويت اشكرك وجزاك الله الف خير ويمكن انا ما ارتحت من اسلوبه مو من رجيمه يعني بصراحة مادري سئلي صديقتك واكيد راح تعلمك هو فيه شيء غثيث والله بس ناسية .....

على العموم وانا شراح اسوي بغثاه اهم شيء ريجيمه ياريت تكتبينه بس اهم شيء انه ما يكون وزنها السابق اكثر من 80

....... مشكورة بعد قلبي ....

هلا حبايبي..

تسلمين سويت بيبي والله يرزقج انشالله وهذا من طيبج حبي


بنت الكويت حياتي قوليلنا الرجيم .. بس يمكن اهوا وصف لها اهيا على حسب جسمها يعني مو حق اي وحده يعني يمكن هذا الرجيم مخصوص حقها والا عادي؟؟؟

انزين اشكثر نزل وزنها ؟؟ خلال اشكثر؟؟

ممممممم انزين عيادته بالصباح يعني مو خاص معقوله؟؟؟


حياتي انطر ردج قلبونتي



سلملم