السلام عليكم ورحمة الله و بركاته
حابة اليوم اخبركم تجربة بسيطة بس فرقت جدا معي
الي حصل
قبل فترة خبصت في الاكل شوي ... يعني شبس حجم كبير مو بالشطة وبس لا شطة حارقة كان مؤذي جدااااااا
لكن لاني احب الحراق اكلته كله كنت متوحمة عليه مع الحمل
وبنفس اليوم قليت همبرجر مع اني دايما بشويه بس المرة قررت اقليه وعارفين دسامته
وهادا كلو بالليل
نمت وصحيت ............. الله لا يوريكم شبه تسمم قيئ و اسهال الله يعزكم ودوخة و قرف ومعدة تعبانة وحرقة
وماقدرت اكل شيء ابدا حتى الماء اشربه احسه مر
تحسنت تاني وتالت يوم ولكن المشكلة كل يوم الصبح بصحا ومعي اسهال ومغص فظيع و هوة الحمل اصلا يخليكي
تصحي تعبانة في جهازك الهضمي مو ناقصة الشغلة
كان احساس تعيس متعب جداااا ومؤلم وضليت هيك اسبوع واكتر اصحا تعبانة واتنكد لاخر يومي
بحثت على النت على طريقة طرد السموم وتنظيف الجهاز الهضمي
قمت بالطريقة يوم
ماتتخيلو كم اراحتني
صرت اصحا عادي لا مغص ولا اسهال
وعاد مع الحمل احيانا كان يتكرر معي الامر
فكررت هالطريقة ونجحت
باختصار انا استفدت منها جدااااااا وكل مرة بعملها بشعر معها براحة تدوم ايام طويلة جدا ماشاءالله لاقوة إلا بالله تبارك الله
فصرت من فترة بسيطة اعملها بالاسبوع مرة منيح
طولت عليكم بس الوصفة هية
كوب ماء فاتررر في حرارة الغرفة لا بارد ولا حار
عصير ليمونة واحدة طازجةبدون سكر ولااي اضافات
وفقط
تخلطيهم على بعض تشربيهم على الريق اول شي يدخل معدتك الفجر او الصبح المهم ماتاكلي اي شيء قبله
وبس
طعمها مزعج شوي اشربي وراها مية
وشوفي ايامك السعيدة وجهازك الهضمي المرتاح بعد هيك
هاي وصفة من الطب الشعبي الصيني وانا عارفاها من زمان بس ماعمري خطر عبالي اعملها ليش مابعرف
هية لتنظيف المعدة والكبد والكلى خاصة الكلى والسموم المتراكمة فيها
روعة
يمكن كتير قرؤوها بس انا حبيت اطرح تجربتي لاشجعكو
مو ضروري تعانو من اشي اعملوها بالاسبوع مرة وخاصة ياحوامل ازا بتعانو من الاعراض اياها في الجهاز الهضمي والمغص المعدي الي من الاكل او تقلبات المعدة جربوها حترتاحو
دعواتكم لي بولادة ميسرة سهلة ورزق حلال عاجل غير اجل وتيسير اموري يارب
الروابط المفضلة