بســـــــــــم الله الرحمن الرحيــــــم
***
ياهلا ومرحبا فيكم عزيزاتي باول مشاركه لي في القسم وفي المنتدى
اغلبنا مشترك برشيقة شهر صفر
موضوعي اليوم بيعطيكم دفعه من الحماس لانه من تجربتي وبالصور
وهو عباره عن كم عشبه جربتها بنفسي لتنحيف الخصر
ان شاء الله كلكم تستفيدون مثلي وماابغى منكم الا دعوه بصالح اولادي
** الكمون**
ناس تسميه الشمر وفيه خلاف هل الشمر هو اليانسون او الحبه الحلوه
بس انا سمعت من دكتور اعشاب ان الشمر هو الكمون وبعد بحث وتقصي تأكدت من هالشي
المهم طريقته ملعقه صغيره تصبي فوقها كوب ماء مغلي وتتركيها عشر دقائق
والافضل انك تاخذي ملعقه صغيره مطحونه 3 مرات باليوم على كوب ماء
وهذا اللي انا سويته والله العظيم بعد ثلاث ايام انه نزل خصير اكثر من 15 سم مع تمارين الشد وهالشي كان الاسبوع اللي راح حتى اني كل شي اتاكد من القياس شي خيااال انصحكم لاتفوتوه
**الميرميه **
وهي سمعت خبير اعشاب عراقي نصح فيها ملعقه صغيره مطحونه قبل النوم وملعقه الصبح على الريق
انا ماجربتها لاني ارضع بس زوجي الحين يستخدمها وبان عليه انه بدا ينحف يمكن قرب يكمل اسبوع
طبعا الميرميه تنحيف كامل الجسم من فوق لتحت بعكس الكمون وباقي الوصفات
** القشر **
هو قشر البن طبعا بعد تحميصه قليلا على النر شربه بدون سكر جداا رائع لازلة الكرش وعن تجربه بعد ماجبت بنتي شربته وبعد ثلاث اسابيع اختفت الكرش كنت اشرب دله كامله طوال اليوم عليها شويت قرفه ويانسون وللاسف كالعاده مليت فصرت احليه بالسكر لان طعمه احلى وراح مفعوله يعني لازم يكون بدون سكر
هذي الاشياء اللي تنشرب اما الاشياء الخارجيه
** خل التفاح **
من تجربتي لخل التفاح حسيت فرق بس للاسف مادومت عليه كنت احط كميه متساويه من الخل وزيت الزيتون وادهن فيه جسمي واحيانا مع ماء الورد لحضت ان بشرتي مفتحه بعد السمار اللي جاها من الحمل
واعرف بنات كثير استمروا عليه وقالوا لي انه شد جسمهم وفيه وحده الله يجزاها خير قالت لي انها بعد اي وجبه ان شاء الله قطعت حلى صغيره تاخذ بعدها فنجان ماي فيه شويت خل تفاح وماكملت شهر الا وزنها تحت الميه
** زيت الزيتون بالفلفل الحار والزنجبيل**
اكيد بتقولون هذي جنت هههههه لا والله حبيباتي هذي وصفه مجربه مني شخصيا
زيت الزيتون افضل زيت يمتصه الجسم وصية حبيبنا محمد صلى الله عليه وسلم عن الزيت الاكل والدهان
طبعا اذا اضفتي الفلفل والزنجبيل بتنشطي الدوره الدمويه وحرق الدهون اللي تحت طبقة الجلد بتحسي بحراره شوي بس عادي
وانا انصحكم تدهنوا فيه بعدين تمشوا او تعملوا رياضه انا جربته بس 4 ايام حسيت فرق بس بنت في منتدى ثاني قالت لي انها استغنت عن الرجيم معه واستمرت شهر انحت جسمها انا ان شاء الله بكمل هالشهر عليه
بأذن الله ماينتهي شهر صفر الا وجسمي مثل مااتمنى
تحياتي لكم جميع ان شاء الله تستفيدوا من تجربتي
وبالتوفيق حبيباتي ...
الروابط المفضلة