السلام عليكم ورحمة الله

كان ليا سؤال بعد اذنكم لو تقدرو تساعدونى فيه يبقى جزاكم الله خيرا

انا عندى 22 سنة و طولى 156 و وزنى 50 وساعات بزيد كيلو او 2 وارجع تانى وكدة مش ثابتة يعنى

بس انا هقولكم انا نظامى ايه وقولولى انا كدة صح ولا غلط لانى خايفة موت اتخن خصوصا بعد الجواز

انتو عارفين بقى البنات بعد الجواز خصوصا فى مصر بيزيدو بعد الجواز ومع الحمل والولادة بيزيدو اكتر ومش بيعرفو يرجعو تانى زى ماكانو

انا مش بتقل فى الاكل يعنى لا فى فطار ولا غدا ولا عشا ساعات العشا بيبقى فيه نشويات لكن مش كتير وبيبقى فى الغالب فاكهة بس والمياة بحاول اشرب اكتر من لتر ونص فى اليوم والرياضة بلعب تقريبا كل يوم نص ساعة تمارين بعمل تمارين للبطن والارداف وكلالجسم تقريبا من كل نوع تمرين 20 مرة وبنط الحبل 100 او 200 مرة فى اليوم

ده غير انى بشتغل فى البيت كتير يعنى مش من النوع اللى قاعد طول اليوم ادام التليفزيون ياكل وينام

بس بصراحة متعقدة وعندى عقدة مكلكعة ااااااااااااااااااااااد كدة ان كل اللى حواليا بيقولولى انتى هتتخنى بعد الجواز ماتفتكريش انك هتفضلى كدة كلنا كنا زيك ولما اتجوزنا تخنا وزى مانتى شايفة كدة

انا خلاص اتعقدت وخايفة من الجواز بسبب الكلام ده بس بقول انا ان شاء الله هفضل محافظة على طبيعة اكلى ونظامه و هواظب على الرياضة برده حتى لو مش كل يوم بس على الاقل 3 مرات فى الاسبوع ولو ربنا كرمنى و حملت وولدت هنزل تانى بعد الولادة

وكمان متعقدة اكتر من التخن لان ماما تعبانة جدا من الوزن الزايد ورجلها و ضهرها وجعها بسببه وكل اللى وزنهم زايد فى عيلتى تعبانين جدا وانا مش عاوزة ابقى زيهم

سؤالى بقى هل صحيح ممكن بعد كل ده اتخن خصوصا ان انا جسمى قابل للزيادة لانى فعلا كنت اكتر من 60 كيلو بس خسيت مع الدراسة والحركة بدون ريجيم ولا حاجة وكمان العامل الوراثى متوفر جدا مافيش حد فى العيلة رفيع خالص

حد يقولى ويطمنى الا انا خايفة موت هل ممكن بعد الجواز اقدر احافظ على وزنى وشكلى ولا هتخن يعنى هتخن ولو عملت ايه ؟؟؟؟؟؟؟؟؟؟؟

وجزاكم الله خيرا

دمتم رشيقات

يا ايمان يا حبيبتي
حاولي تثقي اكتر بان ربنا مش بيضيع تعب حد واكي كل الناس اللي تخنوا وفضلوا كدا معندهمش اراده وانتي ما شالله عليكي عند العزيمه دي يبقى خليكي واثقه بانك هتحافظي على وزنك وشكلك ان شاء الله

مساء الخير ايمان
حرصك على الرشاقه جميل بس ميبقاش لدرجة الهلع
ناخد كلامك واحده واحده
اولا بالنسبه للعيله والسمنه الوراثيه وتعب ماما فى الوزن الزائد
على ما اظن وقتنا ده غير زمان يعنى مكنش فى حاجه اسمها دايت والاكل كله بسمنه بلدى دلوقتى كل الناس عارفه الاكل الصحى وزيت الزيتون انتشر استخدامه ومحدش دلوقتى بيعمل المفتقه والاكل الى انتى عارفاه ده
ثانيا طالما اتعودتى على كميه معينه من الاكل خلاص معدتك بتصغر وبتتعود وبيبقى نظام حياه مش حتعرفى تخرجى عنه
وكذلك الرياضه اعرف اللى اتعود عليها ميعرفش يبطلها ويحس ان فيه حاجه نقصاه
وانتى بتقولى انك من الناس اللى بتتحرك كتير
بلاش قلق وخليكى منتبهه انك تاكلى صحى وطالما انك متابعه وزنك اول باول يبقى اى زياده حتبقى كبيرها ايه كيلو او اتنين اكيد حتعرفى تلحقيهم بسرعه
وربنا يوفقك ويتمملك على خير ويسعدك ويهنيكى

جنى

جزاكى الله خيرا ياحبيبتى على مرورك وردك
الله المستعان ربنا ييسر الحال واقدر احافظ وربنا يارب يستجيب دعاكى يارب واقدر احافظ فعلا

بيج بوس ندى

جزاكى الله خيرا على اهتمامك وردك ربنا يعزك

بس بصراحة انا مش بستخدم زيت الزتون فى الاكل خااااااااااااااااااااالص جربنا زمان بس بصراحة طعمه مش حلو وحرمنا من ساعتها انا بطبخ بزيت عادى و ساعات كمان سمنة بس بلدى مش مصنعة اوامر ماما بضطر اعملها فى الاكل بس بحاول اقلل منها

بس ماكدبش عليكم انا باكل من كل حاجة بس لو حاجة دسمة ماكلش منها كتير

يعنى مثلا انا لسة سامعة امينة شلباية النهاردة بتقول لو عكينا شوية فى الرجيم يعنى مثلا كلنا مكرونة ...................
انا توقفت عند الجملة دى بقى يعنى لو كلت مكرونة حتى لو معقولة ده ضد الريجيم

لا انا باكل رز ومكرونة واى نشويات بس بكميات معقولة مش بتقل منها

انا اللى خايفة منه ان حتى فى تقليلى للاكل الدسم على المدى البعيد يتخنى

مانا لو كلت جلاش مثلا او مكرونة بالبشاميل او اى حاجة دسمة مش هتخن منها تانى يوم لكن على المدى البعيد ممكن اتخن

فحد يفهمنى بقى انا باكل عادى الاكل المطبوخ عادى اللى فيه دهون معقولة بس فيه ومع التقليل والرياضة ممكن اتخن ؟؟؟؟؟؟؟؟؟

معلش انا حاسة ان انتو عاوزين تحدفونى بحاجة بس معلش استحملونى وريحونى اللى يريح قلبكم

لا مو شرط عندي قريبتي بقيت محافضه ع ووزنها وشكلها
هو الا ما يزيد بالحمل والولاده شي طبيعي لكن الست الشاطره هي الي تلحق نفسها وتخسهم وتضلها محافضه ع الرانج للووزنها
بالنسبه الي انا لسه مرحلتي طووووووووويله بس الي خلاني التزم بجد بالايام الي مضت واخس بجد هوو نفس سبب والدتك
انا عندي بالعيله بعانوو من نفس المشاكل وكله بسسبب السمنه لهيك هو فعلا شبح ومرعب
وان شالله الله يبعدوو عنك ويخلصنا منه
بالتوفيق

حبيبتى مونى
هى امينه شلبايه ممكن تتحسب عامله ريجيم انتى مش شايفه عضمها عامل ازاى دى مش بتاكل خالص
من وجهة نظرى دى مش مقاييس جمال ابدااااااااااااااااااااااااااااااااااااا
والاكل الصحى اننا منحرمش الجسم من اى نوع من انواع الاكل نشويات دهون وفيتامينات
الطبيعى ان جسمك حيتعود على كمية سعرات محدده فى اكلك ويثبت الوزن عليه ويبتدى يحرقها كلها مع حركتك
يعنى مش معقول حتتخنى
وبعدين ربنا يتمم زواجك على خير ابقى غيرى طريقة طبخك فى بيتك بدهون صحيه طبعا ماما لازم نسمع كلامها فى بيتها انتى بقى فى بيتك اعتمدى زيت الزيتون انتى ممكن تبحثى عن فوايده على النت فى الاكل مع ان البعض بيشكك فى صلاحيته للطبخ ممكن يستبدل بزيت الذره واديها توابل تديكى طعم حلو ( على فكره انواع زيت الزيتون دلوقتى بقت ممتاز والطعم الرزل اللى بتقولى عليه تقريبا راح ) ( ولو مراحش نقنع نفسنا انه رااح ) طبعا امهاتنا مش مقتنعين بكده لانهم متعودين ومسستمين على كده
بالتوفيق
يظهر انا اللى حتحدف من شباك الركن على الرغى ده كله

ازيك يا ابلة ايمان الموضوع عجبنى جامد