السلام عليكم اخواتي العزيزات
دخل فصل الشتا و الله يبعد عنكم شر الأنفلوانزا و همها
المهم حبيت احكيلكم عن خلطة للرشح و الزكام و الأنفلوانزا ... و الله جربتها لقيت حالي تحسنت في يومين و اقل مع العلم انا بتقعد عندي الانفلوانزا اسبوعين و يمكن اكثر
الخلطة :
عصير نصف ليمونة + معلقة صغيرة من العسل + عصير ثوم ( حاولي تبشري درس ثوم و صفيه و خدي منه بضع قطرات )
سخني الليمون على النار دون الغليان و بعدين ضيفي عليه العسل و الثوم
تناولي الخليط قبل النوم مباشرة حتشعري انه مسكن و بعد ما تنامي حتحسي بالتحسن انشاءالله
هادي الخلطة انا عملتها اول يوم مرتين بعدين في الايام التانية عملتها مرة وحدة و الله حسيت حالي اتحسنت كتير الحمد لله بدون ما اخد مضاد حيوي ,, بس اخدت مسكن عشان الصداع
والله انا حبيت احكيلكم على هادي الخلطة عشان انا ما بحب الدوا و هادي الأشياء الطبيعية اذا ما بتفيد اكيد ما بتضر و على فكرة انا سعات بعمل الخلطة بس ليمون اسخنه و اشربه دافي بدون عسل او توم و بلاقي نتيجة كويسة
والله يعافيكم جميعاً
اختكم سهر
الروابط المفضلة