الــسـلام عـلـيكم ورحمة الله وبركاته
بـسم الله الرحمن الرحيم

يا بنات محتاجه مساعده ضرورى انا من سيدى بشر وبدور على جيم قريب ويكون فيه اجهزه لإنى دورت كتير والأغلبيه فيهم ايروبكس بس
والأجهزه طالع عنيها وكلها قديمه وماتنفعش اصلا
وسمعت ان المحروسه حلو وفى بيقولو فى الديب مول
فالو حد يعرف او حتى اماكن تانيه يقولى ويقولى الاشتراك كام
وجزاكم الله خيرا

السلام عليكم
انا من سيدى بشر
انا روحت سالت فى المحروسة قالولى لازم يكون ليكى حد قريبك فى الشرطة او القوات المسلحة والاسعار انا شيفاها غالية
يعنى الاجهزة ب 7 جنيه الساعة
الايروبكس ب 5 جنيه كده ومفيش اشتراك فيها
واعرف مكان جيم تانى بس بصراحة مش سالت فيه لو انتى ساكنة قريب من جمال عبد الناصر
هو فوق نفق سيدى بشر وفى واحد عند مجمع الكليات اسمه معهد فؤاد للتخسيس فى كتير بس اضمن واحد هو بتاع المحروسة لو ليكى قرايب فى القوات المسلحة
واتمنى اكون افدتك

انا بقى ساكنه عند النفق , اهاا عارفه اللى انتى قصدك عليه اللى فوق النفق اسمو
ليدر انا كنت بروح فيه بس هو ايروبكس بس وكان فى مدربه اسمها ايات كانت فوق الممتازه بس المشكله ان حصلى التهاب فى الاربطه وبعد كدا جالى التهاب فى العظام فا قولت اشوف واحد فيه اجهزه اهى هاتبقى احن من الأيروبكس بس شكلى هالف هالف وارجع فيه تانى
بس بردو سمعت ان فى واحد فى اجهزه حلوه وشيك فى الديب مول بس مستبعداه بصراحه لإنى هاروح لوحدى
وميرسى يا قمرايه على ردك

اه كويس انك عرفاه
يصى خدى واحدة صحبتك وروحى اسئلى وزى ماقولتلك برضه على بتاع المحروسة كويسة فى مدربة اسمها ياسمين هناك
والعفو ياقمر ان شاء الله تتوفقى

مساء الخير
فيه جيم فى الشارع اللى فيه ابو فارس وكنتاكى انا مش فاكره اسم الشارع ( زهايمر معلش ) هو فى الرصيف المقابل ليهم وهو بيبع ملابس رياضيه كمان
جوزى كان بيروح السنه اللى فاتت على الاجهزه هناك وبيقول عليها كويسه جربى اسالى فيه لانى عرفت ان فيه مواعيد للسيدات

سرسوره ياقمر

المحروسه مش عايزه قرايب اى حد بيروح وبيدفع انا كنت بروح هناك

الايروبكس هناك حلو جدا وكان ب 5

اما الاجهزه ب7

اول مره اعرف ان لازم يكون ليكى قرايب

وبردو اسالى

وفى فى سموحه بس بيكون بعيد عليكى جيم اكتر من رائع اسمه افلويشن بس غالى

وطالما انتى من سيدى بشر فى عند اسواق الشريف جيم فى اجهزه

حاجه اخيره

حتروحى بعيد ليه

اسالى فى كليه التربيه الرياضيه فيها كل حاجه اجهزه وايروبكس

ربنا يوفقك

ربنا يخليكم يابنات على الردود وانا هاسأل فى المحروسه لان كتير بيقولو انه كويس