اخواتى الحبيبات ....



فى اخوات يعرفونى وفى اخوات اول مره يسمعوا عنى
علشان كدا اسمحولى اعرف بنفسى فى البدايه
وقبل التعريف طبعا كل المشرفات لهم الحق فى ترك الموضوع لفتره
او حذفه حسب رغبتهم غايه ما ارجوه هو نشر العلم لا اكثر ولا اقل

الاسم : Eng.E.M.K
المؤهل: بكالوريوس هندسه الحاسبات والمعلومات
تخرجت عام 2007
عملت لمده سنه كامله بعد التخرج كمهندسه شبكات
وحاليا انا فى منحه لدراسه هندسه البرمجيات

معلش دى اللى حاجات اللى معايا دلوقتى
لكنى اوعدكم انى هستمر فى العلم طول ما انا عايشه على الدنيا


انا مش هطول انا هدخل فى الموضوع
انا هدفى واللى سخرت جهودى له على الانترنت هو نشر العلم
ومش نشر العلم فى اى مكان لا
نشر العلم بين وسط النساء
علشان انا بنت وعايزه اعلم كل البنات
لان دا واجبى ودا اللى ربنا هيسألنى عنه يوم القيامه عملتى ايه بعلمى
هل جعلت النساء يستغنون به عن طلبه من الخارج او لا

الموضوع يا اخواتى اننا محتاجين نتعلم كتير
ومع تطور التكنولوجيا والانترنت محتاجين نتطور احنا كمان

نسأل نفسنا سؤال ... ليه لما بتقف مشكله امامنا ليه بنروح نرميها على غيرنا ومش بندور على حل لها ؟؟؟ طبعا انا اقصد المجال التقنى

ليه اول ما يعطل الويندوز نضطر اننا نخرجه للصيانه وعليه ملفاتنا وصورنا وحاجاتنا الخاصه ويشوفوها الاغراب ويمكن ينسخوها وتنتشر

ليه كدا والحل بسيط والخطوات معروفه ونقدر كلنا نطبقها هنغلط اول مره طبيعى
مفيش تجربه بتكون نسبه نجاحها 100% من اول مره

هى الحياه نفسها كدا نغلط ونقع ونقوم اكتر صلابه ....

ليه لما تظره مشكله فى الويندوز نخاف ونترعب ونقول خلاص الجهاز عطل مع ان المشكله ممكن تكون بسيطه وممكن تكون كبيره بس اللى لازم تعرفوه ان اى مشكله فى الجهاز لازم هيكون لها حل لو كانت مشكله فى الهاردوير مكونات الجهاز نغيرها
اما لو مشكله فى السوفت وير البرامج نشيله ونسطبه من جديد مفيش حاجه اسمها خوف

ليه لما حد يسألنا عن حاجه محتاجاه او برنامج نفسه يعرفه نقول مش نعرف
صحيح من قال لا اعلم فقط افتى ولكن الحاله دى جهل بدون عذر
لان فى وسيله للعلم

اللى محتاجينه بجد اننا نتعلم صح ونعرف من مشاكل غيرنا وحلولها ازاى نواجه المشاكل

الموضوع مش صعب الموضوع عايز عزيمه بجد للعلم والاحتراف سهل جدا
دلوقتى الانترنت سهل على الكتير انهم يتعلموا حاجات مقدروش يتعلموها على الواقع
او فى دراستهم

لو فى واحده منكم حاسه ان نفسها تكون كدا تعرف ازاى تتصرف وقت الازمات
تعرف ازاى تحمى اولادها من سلبيات ومخاطر التكنولوجيا
يبقى تتعلم والفرصه جت لحد عندها

الجاهل دلوقتى مش اللى مش بيعرف يقرأ ويكتب
الجاهل دلوقتى هو اللى مش بيعرف يطور نفسه
وبيستلم وبيقف عند نقطه معينه ويقول لا مشاغل الحياه وضغوطاتها بتمنعنى

انا عملت اول مرحله من الدورات فى ركن الكمبيوتر واتعرفت على شخصيات غايه فى الروعه والاصرار
نساء لم يمنعهم مشغولياتهم ومسؤلياتهم كربات بيوت وامهات صالحات على انهم يتعلموا علشان يبنوا جيل بجد
انا واثقه ان اولادهم اول ناس فخورين بيهم

المرحله الاولى من الدورات نجحت بحمدلله تعالى وفضله نجاح كبير جدا وتقدروا تشوفوا دا من الاستبيان اللى نزلته لعضوات الدورات واجابوا فيه بكل صدق عن اجابيات وسلبيات الدورات والمستوى اللى كانوا فيه واصبحوا بحمدالله تعالى فيه الان

الاستبيان للدورات

دلوقتى المرحله التانيه للدورات هتبدأ
بس انا نفسى اكبر عدد يشارك فيه
علشان الكل يستفيد
المرحله الاولى انا عملتها وكنت متفرغه لها وكان العدد فيها من رواد ركن الكمبيوتر
المرحله التانيه كان ممكن اكتفى بنفس العدد نظرا لانى الان فى منحه دراسيه ووقتى
سيكون مضغوط بس مش هو دا مبدئى بجد انا محتاجه الكل يتعلم ياريت بجد تستغلوا الفرصه

الكل يتطور يعرف ايجابيات التكنولوجيا وسلبياتها ويتعامل مع ايجابياتها ويترك سلبياتها

معلش انا عارفه انى طولت فى الكلام عليكم
بس انا حبيت اشرح واوضح كل شئ علشان القرار يكون على بينه
واللى محتاجه تتعلم تدخل على الموضوع دا وتسجل فيه

اضغطوا على الصوره

واى استفسارات انا فى خدمتكم فى ركن الكمبيوتر لانى تقريبا مش بقدر اخرج منه

روووووووووووعة
ربنا يجعله في مزان حسناتك وانا معاكم ان شاء الله

معك اختي
وكلامك صح مية بالمية