السلام عليكم ورحمة الله وبركاته

اولا بأشكر كل القائمين على هذا الموقع المتكامل ماشاء الله
ربنا يبارك لكم فيه ويجعله منارة للمسلمين



انا بحب الرياضة جدا بحبها موووووووت
وكنت بقول دائما ياريتني ولد علشان اقدر امارس الرياضة براحتي
ومن غير ما اتخلى عن حجابي
فالحمد لله ربنا يسر لي
ولقيت مركز للنساء فقط
وفيه مدربة وكله تمام الحمد لله
والتحقت بالمركز دا لمدة نصف شهر
كنت في قمة الحيوية والنشاط
كنت بمارس التمارين مع المدربة وكانت معجبة بيا جدا وكانت بتخليني ادرب اي حد لو هي مشغولة
بس علشان المبلغ الشهري ما كانش متوفر معايا
بطلت اروح تاني
والان الحمد لله متوفر معايا
بس الناس كلها بتخوفني من ممارسة التمارين الرياضية
وبيقولوا اني لو بطلت التمارين جسمي هيزيد تاني واكتر من الاول , وانا شفت فعلا ناس بطلت التمارين وجسمها زاد تاني
فأنا مش عارفه
هل الكلام دا صحيح ولا لا ؟؟؟
لاني لو مارست الرياضة دلوقت مش هقدر امارسها بعد زواجي
انا زواجي بعد سنة ان شاء الله
هعمل ايه بعد كده هل فعلا جسمي هيرجع اكتر مما كان عليه
ولا ايه
انا وزني 74
وطولي 165
وعمري 21
عايزة حد يفيدني الله يكرمك
وجزاكم الله خيرا
معلش طولت عليكم

و عليكم السلام و رحمة الله و بركاته

أهلا يا سومة

ماشا ءالله عليكي و على نشاطك الله يبارك فيه

طيب انا مش مختصة لكن ممكن أفيدك ان شاء الله

الرياضة المهم ماتكون رياضة عنيفة يعني رياضة عادية و خلاص
صحيح بعد التوقف عن الرياضة يرجع الوزن قليللا قليلا لكن لو مارسنا مثلا المشي لمدة نصف ساعة يوميا نحافظ على اللياقة و الوزن ان شاء الله


و أنت بعد الزواج ان شاء الله
حاولي تكوني كثيرة الحركة و ممكن تخرجي تمشي و لو مش بشكل يومي أو تشتري جهاز رياضي في البيت لو ممكن يعني لا تقلقي

الله ييسر لك أمورك ان شاء الله


ان شاء الله يفيدوكي البنات أكثر

و عليكم السلام و رحمه الله وبركاته

حبيبتى الفكره دى فكره خطأ و كان الاعتقاد السائد تركت الرياضه وزنى يزيد

تصححيها تركت رياضه رفع الاثقال و اكلت بشرهه او بنفس معدلى و انا امارس الرياضه وزنى يزيد بفظاعه

او لو تركت الرياضه و افتريت فى الاكل

امسكى العصايه من النص العبى مع نفسك تمارين من اللى اتعلمتيها فى المركز ونوعى فيها زهقتى نزلى تمارين من على النيت وبكده تبقى استمريتى فى اللعب و لم تتكلفى فلوس و بعد زواجك تستمرى

هل تعتقدى اننا جميعا ننزل نلعب فى نوادى او مراكز صعب مع البيت و العيال بس ربك بيعين و بنشجع بعض بنلعب اغلبنا فى البيوت

وعلى فكره وزنك زائد قليلا المفروض تلعبى ولا تتوقفى عن الرياضه ابدا مهما قالوا لكى

ان شاء الله متوفقه