السلام عليكم ورحمة الله وبركاته
كيف حالكم أخواتى العزيزات .. ان شاء الله تكونوا جميعا بخير
أنا كنت عايزة أسألكم عن حاجة وياريت اللى تعرف حاجة عن الموضوع ده يقوللى
أنا متزوجة وعندى بنت عمرها 11 شهر .. من حوالى ثلاثة شهور تعبت تعب غريب
حسيت بألم شديد فى العظم وارهاق عام كأنى كنت شايلة جبل
وأيضا بعض الصداع وعدم تركيز وأذا عملت مجهود بتعب جدا.. مثلا فى يوم عملت
مشوار وأنا شايلة بنتى رجعت نمت ف البيت مش قادرة أتحرك
فى الاول كنت فاكرة أنى حامل وعملت تحليل دم ومطلعش حمل ولا حاجة
وبصراحة كنت حتى محتارة جدا لغاية ما أخت زوجى قالت لى أنها كانت عندها
أعراض مشابهة وطلع عندها ميكروب السبحى عالى وبتاخدبنسلين علشان النسبة تنخفض.. وفعلا سمعت كلامها وحللت ميكروب سبحى وبروتين تفاعلى زى ما قالتلى
.. ونسبة ميكروب السبحى طلعت قليلة أوى يعنى ملهاش أى تأثير
لكن البروتين التفاعلى هو اللى طلع عالى .. يعنى النسبة المفروض تكون من
0 الى 8 أنا طلعت عندى 24
ولما رحت للدكتور مفهمتش منه حاجة وادانى مسكن وشوية فيتامينات ومنبه عصبى وقالى أكل حاجات خفيفة بعنى مسلوق ومشوى وبلاش الحاجات التقيلة على المعدة
وأخدت الدواء وأتحسنت لفترة وبعدين حاليا رجع التعب تانى وأنا عملت بحث على النت و بصراحة النتيجة قلقتنى لأن البروتين التفاعلى كان مرتبطا دائمابأمراض القلب والجلطات ولذلك حبيت أسألكم أذا كنتم تعرفوا حاجة عن هذا المرض وخاصة الاخت الراجية عفو ربها أذا أستطاعات أن تساعدنى فى هذا الموضوع مع العلم أنى كنت دائما أعانى من السمنة منذأن كنت صغيرة أما الان فطولى 152 سم
ووزنى 69 كجم وانا لا أمارس الرياضة أطلاقا ما عدا شغل البيت
سامحونى أذاكنت أطلت عليكم
وجزاكم الله خيرا

سبحان الله
لا حول ولا قوة الا بالله

وعليكم السلام ورحمه الله وبركاته

حبيبتى الف سلامه ان شاء الله خير

حبيبتى اسماء التحاليل تعرف اكثر بالانجليزى انا بصراحه مكنتش فاهمه يعنى ايه بروتين سى التفاعلى هو اسمه C-Reactive Protein C R B
و الاهم عمر التحاليل ما تبين الاصابه بمرض القلب تدل او تشير لاحتمال الاصابه
و التحليل اللى ذكرتيه دليل على وجود التهاب فى الجسم ممكن يكون مجرد دمل مش شرط القلب

دلوقتى انتى لو لسه تعبانه حللى كل التحاليل الاساسيه و مفيش داعى للتحاليل المتقدمه الا لو طلبها الدكتور لانها تقلقك و بس

حللى الاول صوره دم كامله + سكر صايم وبعد ساعتين + وظائف كلى + وظائف كبد + كوليسترول ودهون ثلاثيه وورى تحاليلك لدكتور يطمنا عليكى

و اللى قالت عليه اخت جوزك قصه مختلفه خالص ده على وصفها بتتعالج من اثار الحمى الروماتيزميه بتكون ناتجه عن ميكروب سبحى كما ذكرتى موضوع تانى خالص و لو عندك كان الدكتور عرف من الاول ( لانها غالبا حاله تصيب الاطفال او المراهقين صراحه لم اراها فى الكبار الى الان و منتشره فى مصر قوى قوى )

عايزه رأيى الاكثر ترجيحيه لانها الاكثر انتشارا بيننا كنساء انك كل اللى عندك انيميا هى سبب الارهاق العام و الالم فى الجسم و ممكن فقدان الشهيه

خلينا نفترض انها انيميا وحللى و ان شاء الله خير

بس امانه عليكى تطمنينا

السلام عليكم ورحمة الله وبركاته
أختي في الله
انا عندي نغس المشكله وأنا اعيش في المانيا والطب هنا متطور من بعد ربنا طبعا
ولكن لم يجدو لي حل لحد دلوقتي
الدكاتره عملو لي كل التحاليل وما لقوش حاجه تخلي نسبة ال CRB ترتفع
انا كان عندي 140 إنتي عندك 24
دلوقتي نزل عندي 118 بعدين 103
وادوني مضاداة حيويه إكتير وبدون نتيجه
وانا إعملت امبارح كمان نحاليل دم ونتيجه إنه رجع يرتفع تاني
وانا عندي نفس الأعراض الي عندك بضبط وقالو يمكن الحمى الروماتيزميه ولسه مشعارفين
الدكتور قال لأ مش الحمى الروماتيزميه تحليل دم بقول كده والمرض ده مش سرطان والعياز بالله ولكن المرض ده نادر
أرجوكي إزا وجدتي الحل تقوليلي أنا كمان متجوز وعندي اولاد
ان شاء الله تكوني وجدتي الحل وتساعديني شكرا

ما تنسيش تتوكلي على الله في كل حاجه والشفاء من عند الله عز وجل والدكاتره ربنا علمهم الطب ده كرامه من الله عز وجل
أرجو من الله عز وجل الشفاء لي ولك ولكل مرضى المسلمين آمين آمين آمين
وما تنسيش الدعاء لله وتيقني أنه هو وحده الشافي
والحمدالله على كل حاجه

اخى فى الله

شفاك الله و عافاك و جعل ما تعانى فى ميزان حسناتك يوم لا ظل الا ظله انت وكل مرضى المسلمين

كما ذكرت الاطباء مجرد سبب ويبقى العلاج والشفاء بيد الله عز وجل

اختي الله يشفيك شفاء لا يغادر سقما الله يطمئن قلبك وتعرفي سبب الالامك وتجدي انه اشي بسيط ويا ريت تطمنينا عليكي