بنات مصر او اخواتنا من الدول العربية اللى جربوا دكاترة مصر فى الدايت

عايزيين نعرف تجاربكم مع دكاترة الدايت علشان كلنا نستفيد

انا حقولكم على تجربتى مع 2 دكاترة جربتهم

اولا دكتورة اسمها

ريموندا حنا ودى عيادتها فى العجوزة والكلام ده كان من سنة 2006

المهم هى العيادة نظيفة جدا وبتاخدى ميعاد بتدخلى فيه بالظبط ولوحدك مافيش حد تانى معاك بس المرة الأولى دفعت 250 جنية...بصراحة انصدمت

المهم اديتنى الدايت وكمية ادوية مهولة مش فاكرة منهم غير بايو كات

خسيت 5 كيلو فى عشر ايام

رحت المتابعة دفعت 75 جنية

ومش عارفة ليه مستمريتش معاها .... المسافة كانت بعيدة جدا غير انى بصراحة حسيت انها غالية قوى انى اروح كل اسبوع ادفع 75 جنية علشان عشر دقايق وورقة فيها الدايت


بعد كدة شفت دكتورة منى راداميس كتير قوى فى التليفزيون واتصلت بالدليل وسالت على تليفونها وعنوانها

رحت الأول عيادة مصر الجديدة ...لاقيتها فى بيت قديم ومش مجهزة خالص نقلت رحت عيادة مدينة نصر ..بصراحة انظف كتييير ومجهزة

وبتدفعى 100 جنية اول مرة والمتابعة 20 جنية

بصراحة كنت رايحة 87 كيلو تابعت معاها لمدة سنتين بس مش متابعة دائمة

يعنى كنت ساعات بسافر بالشهور مع زوجى وارجع اطخن واروحلها تانى وارجع اخس ... المهم وصلت معاها 73 كيلو

بس برده ما استمريتش معاها .... انا عارفة ان المشكلة فيا انا مش فى الدكتورة بدليل انى خسيت معاها

اللى معجبنيش عند دكتورة منى الزحمة الفظيعة اللى عندها وبتوصل ساعات الأنتظار علشان تدخلى يمكن 3 ساعات وبتدخلنا 10 مع بعض او اقل شوية وساعات اكتر ...على حسب الزحمة

وفى الأخر بتحسى انك مش واخدة اهتمام من الدكتورة بتاعتك ...

وساعات كتير بتدينى دايت مكرر يعنى اخدتة قبل كدة

غير ان الأستاف بتاعها بيتعاملوا مع الناس بشكل مش لطيف نتيجة الزحمة والضغوط اللى عليهم وكل شوية واحدة تقولها انا حدخل امتى ؟؟؟

ودلوقتى انا وزنى 81 كيلو ... وزهقت من الدايت والدكاترة ...بس حعمل ايه لازم اخس علشان صحتى وشكلى امام زوجى وبنتى

ياريت يا بنات تشاركوا فى الموضوع ده علشان نعرف الدكاترة الكويسة من الدكاترة اللى واخدة سمعة على الفاضى

وشكرا

ح اقولك اللى دايما باقوله و ربنا المعبود الموضوع ابسط من كده بكتييييييييييييير يحتاج بس شويه تركيز و قرايه و كل الريجيم ممكن تعمليه مع نفسك و وزنك برضه ينزل

بصراحه انا كمان اتصدمت واحده ب 250 جنيه ليه خير ان شاء الله
والتانيه بتدخل 10 مع بعض ( ح تلحق تبص فى وش كل واحده امتى مش ح نقول تتفاهم و فين علم نفس المرضى اللى درسناه ) الله المستعان على ما يصفون

حبيبتى انا اخصائيه تغذيه ومعايا ماجيستير تغذيه و شغلى غالى قوى قوى انتظر اجره من الله اتمنى يشفع لى يوم القيامه ويكفر عن ذنوبى

تحت امرك فى اى سؤال

كتبت بواسطة الراجيه عفو ربها

ح اقولك اللى دايما باقوله و ربنا المعبود الموضوع ابسط من كده بكتييييييييييييير يحتاج بس شويه تركيز و قرايه و كل الريجيم ممكن تعمليه مع نفسك و وزنك برضه ينزل

بصراحه انا كمان اتصدمت واحده ب 250 جنيه ليه خير ان شاء الله
والتانيه بتدخل 10 مع بعض ( ح تلحق تبص فى وش كل واحده امتى مش ح نقول تتفاهم و فين علم نفس المرضى اللى درسناه ) الله المستعان على ما يصفون

حبيبتى انا اخصائيه تغذيه ومعايا ماجيستير تغذيه و شغلى غالى قوى قوى انتظر اجره من الله اتمنى يشفع لى يوم القيامه ويكفر عن ذنوبى

تحت امرك فى اى سؤال

الله على الجمال وكنت مستخبية فين كل ده

ربنا يأجرك الخير يا حبيبتى ان شاء الله

هو الدكتور بالنسبة لى واعتقد بالنسبة لبنات كتير ما هو الا عامل نفسى

يعنى تحسى انك رايحة تتوزنى ورايحة لدكتور وحاجات كدة بقى

بس الواضح ان محدش فى المنتدى راح لداكاترة غيرى

معقولة يا بنات ولا واحدة فيكم جربت دكتور او دكتورة رجيم او تغدية او دايت

تحكيلنا عن تجربتها معاه ؟؟

السلام عليكم ورحمه الله

انا جربت اربع دكاترة ومن كتر الزحمه عمرى ما انتظمت
اولا مصطفى سارى من اكتر من 10 سنين
وكان الانتظار عندة بالخمس ساعات ويدخل مجموعه كبيرة مع بعض
بصراحه رحتله مرتين وزهقت وقلت لو الخسسان متوقف على الزحمه والاعده دى ان شاء الله ما خسيت

تانى واحد
دكتورة وفاء فى مدينه نصر
بصراحه كانت كويسه ومواعيدها مظبوطه وخسيت معاها كتير
لانى كنت بعملجهاز اسمه سلندر وخفف البطن
بس نقلت عيادتها مصطفى النحس وما بقتش اروح
وحملت وخلفت وتخنت

ودكتور خالد دراهم
هو روحه حلوة يعنى بيتكلم بطريقه تديكى امل
لكن ما انتظمتش عنده
وكان بيدخل مجموعه مع بعض وعنده زحمه بس عيادته كبيرة

وفى دكتور تانى فى ارض الجولف اسمه روؤف ده بقى لو اتاخرتى 5 دقايق يدفعك الفرق
هو كان كويس بس بردوا ما استمرتش
وفى الاخر اقولك نمرة واحد فى نزول الوزن هى الارادة وانك تعرفى ايه الى تكليه وايه لا

واختى خست 40 كيلو من يوم ما بطلت الدكاترة

وبالتوفبق

بصي حبيبتي انا روحت لدكاتره كتير
مره دكتور محمد حجاج في جامه دكتور محمود مصطفى وخسيت جدا بس كنت لسه في الكليه ولاني خسيت بسرعه رجعت الي خسيته اسرع
وبعدين روحت لدكتور في الهرم كان بيديني ريجيم كيميائي فسبته ومخستش معاه
وبعد كده واحده صاحبتي دلتني على عياده دكتور عبد العزيز حجازي وكنت بتعامل فيها مع دكتور اشرف وخسيت بس مكملتش
زهقت من كتر الدكاتره والريجيمات
بعدها عملت لوحدي تقليل في الاكل وخسيت لوحدي بس مش كتير طبعا
وبعدين حسيت اني لازم اروح لدكتور عشان اخس خالص روحت لدكتور اسمه عادل عبد المنعم ابو المعاطي في الجيزه عمارات الاوقاف وبيطلع في قناه الصحه والجمال
خسيت معاه 12 كجم في 4 شهور على ريجيم كيميائي واتبهدلت دلوقت بسببه الله يسامحه
بشرتي جفت جدا وجالي انيميا وتقصيف شعر ودوخه وحاجات من دي وكان بيديني دوا
حرام عليهم الدكاتره الي بيتاجروا بصحه البشر
المهم سيبته دلوقت ومش هروح لدكاتره تانيه لما دخلت عالموقع لك استفدت كتير وهقلل في اكلي وامشي ان شاء الله
وربنا معانا كلنا

اعذرني اختي بس الحل في ايدينا مو عند الدكاترااااااااا.....واليك تجربتي ...ان شاء الله تستفيدي من الموقع والمنتدى الرااااااائع


سلاااااااااااااااااام اختي انا نزلت من83الى........................................... .................................................. .................................................. ........68ماشاء الله لا دكتور ولا دكتورة بس مع الجماعة الحلوة ....ادخلي كل يوم بلووووووووشي والله باذن الله تصيري رشيقة واحلى صحبة في الله ولادواء ولا حاجة تانية زوجي دكتور ماشاء الله عمرو ما قالي روحي دكتور ولا بتاع حاجتين يقولي الرياضة وتخفيف الاكل وهو اسلوب حياة وماشية على راحتى اخفف وادلع نفسي مراات الله يجازي المنتدى واهله وكل ناس الموقع الللف خير وكله ببلاش بس الله لا يحرم كل ناسو من مشرفين واعضاء ومسؤووووولين عليه الاجر........والله اكبر نعمة .الموقع .......ما تلخميش نفسك بالدكاترة الحل بايدك وطريقة اكلك وحركتك...لا عصى سحرية ولا حاجة عندك الحل في ايدك ياعسل .انوي وادعي اول نقطة وتوكلي على الله وادخلي في حملة من الحملات في اخواااات شعلة نشاط منهم سالميتا الله يفتح بكل خير عليها ويحميها بس لازم لك زقة كل مرة اختي وببلاش ادخلي وتشوفي البشاير...من تحب لك الخير........اختك ......بالارادة بس وشوية حركةوانضباط تصيري رشيقة ولا دكاترة ولا يحزنوووون انا اتابعهم على التلفزيون بس ما اروووح .....لان الحل ما في ايد احد غيري اعرفي جسمك وحبيه ولا تلخبطي في الاكل واتحركي كثير واشربي ماء كثير ما اتصور نفسي مع دكتور لان المفتاح معي
موفقة اختي بس جربي الله يفتح لك بكل خير خبي فلوسك وهز بدنك وعدلي اكلك تنالي مطلبك هههه والكل على رشقتك يسالك ....اسفة طولت بس للفائدة اختي موفقة

انا بنت اختي متابعة مع دكتور أحمد دياب انا كنت شفته في التلفزيون وقولتلها عليه وواتصلنا بالقناه وطلبنا العنوان واخدتها وروحناله وبصراحة دكتور مهذب جدا وبيعامل الناس بكل شياكة و وارتحناله اوي وهي وزنها نزل 12كيلو ونصف في شهر بالظبط والحمدلله لسه بتكمل معاه وسعر الكشف اول مرة ب75 جنيه والمتابعة 15 حنيه و وبصراحة هو دكتور فظيع وشاطر لان اصلا بنت اختي كانت متعقدة من الدكاترة بس الحمدلله لما ان شفته ارتحاتله واقنعتها ان هي تجرب والحمدلله هي مبسوطة وطبعا الفضل لربنا سبحانه وتعالي والدكتور احمد وانا كمان فرحانة لان بنت اختي دي انا بعتبرها بنتي وفرحانة اوي ان جسمها استجاب للرجيم وبئي شكلها احلي بكتير

موضوع حلو اوى انا كمان جربت كثيررررررررررر منى راداميس ومها وغيرهم
ودلوقتى مع حد تانى خالص لو نفعت هقولكم

السلام عليكم
انا متابعه عند دكتور اسمه دكتور هشام محمد حسن في اسيوط وهو برضوا دكتور العلاج الطبيعي لفريق بتروجيت وده فريق كرة قدم مصري
المهم عرفته من واحده قريبتي وكان اخويا بيتعالج عنده علاج طبيعي لاصابات الملاعب
وهو زوووق جداا ومحترم بس لو لقي الوزن بتاعك مش نقص بيزعل جدااااا
المهم رحت عنده
الكشف الاولاني 50 جنيه والمتابعه بعد كده 12 جنيه بس
العياده مرتبه والبنات اللي شغالين في العياده ذوق جدااااا
اوقات تبقي زحمه اوي بس مش بستني كتير لاني بكون حاجزة قبلهااا
وبدخل لوحدي طبعا او لو معايا حد اخويا مثلا يعني كل شخص بيدخل لوحده اه لومعاه اخوه باباه وكده يعني مش بندخل جماعات وكده
المهم تابعت عنده وكان وزني 105 اداني نظام لمدة 10 ايام نزلت عليه 3 كيلو قالي احنا هدفنا ننزل كل شهر 6 كيلو لان انزول البطي في الوزن احسن من سريع
بس ومتابعه معاه لغاية دلوقتي وانا وزني وصل 71 وهرحله ان شاء الله بعد نص رمضان علشان يغيرلي نظام رمضان مرة تاني
ويارب اكون كسرت ال 70 ودخلت في ال 60
ودي حكايتي مع دكاترة الدايت