السلام عليكم ورحمة الله وبركاته

ممكن أطاب منكم طلب؟


لو فى حد يعرف برنامج كمبيوتر لمراقبة الوزن و إيجاد أفضل رجيم مناسب

طلب غريب مش كدا

لو وحدة تعرف ياريت تديهولى

جزاكن الله خيراً

شكراً

وعليكم السلام ورحمه الله وبركاته

اختى ما تطلبيه عجيب قليلا شخصيا كأخصائيه تغذيه لم اسمع به

اولا لم اسمع عن برنامج يراقب الوزن لان اى برنامج يحتاج لان يكون له مدخلات من الشخص نفسه

ثانيا حتى وان وجد سيكون عباره عن وصفات و انظمه لا تلائم نمط استهلاكنا الغذائى
( يعنى ح يكون عباره عن كورن فليكس مع توت برى فى الصباح والغذا بروكلى و سلمون مشوى والعشا سوشى حاجه مالهاش اى دخل باكلنا احنا )

والانظمه التى تعتمد على اغذيه الغير من الناحيه الغذائيه منتهى الفشل لاى نظام لعدم سهوله تطبيقه او اتباعه

والله الموفق

جزاك الله خيراً حبيبتى (الراجية عفو ربها)

بما إنك أخصائية تغذية عايزة أستشيرك إستشارة

أنا طولى 156 و وزنى الحالى 57 كج و سنى 23

فى شهر فبراير كنت 63 كج

فقللت أكلى (1200) و عملت رياضة و خسيت فى شهرين 6 كيلو لغاية ما وصلت 57 كج

من ساعتها و أنا وزنى تاعبنى مش نافع معايا طريقتى القديمة ما بنزلش خالص عليها

جربت و مكنتش حابة أعمل نظام رجيم لمدة أسبوع تعبنى جداً نزلت فية كيلو و نص و وشى

بقى أصفر و حصلى إغماء و تخنت تانى بعد 2 كيلو

أنا الحمدلله لسة مستمرة على رياضة

بس نفسيتى تعبت لأنى مش لاقية نتيجة مع تعبى

أنا عايزة أوصل ل (51) كيلو يعنى محتاجة أنزل 6 كيلو

تنصحينى بإية؟

أنا فى إنتظارك بارك الله فيك

حبيبتى جزانا الله واياكم

وزنك وقف نزول لانك واخد سعرات غلط المفروض مؤشر كتله جسمك 22

طالما من 20 الى 22 يبقى ما تحتاجيه 2200 سعر مش 1200 ابدا

طيب حللتى و عرفتى سبب الاغماء ولا مطنشه

انصحك بايه تاخدى سعراتك وتستمرى على الرياضه وزنك ح ينزل

واقرى المواضيع دى

خدعوكى فقالوا ....... مفاهيم خطأ عن انظمه انقاص الوزن

أستفتاء: هل نظامك نظام صحى للتنحيف حقا ؟ هل انتى متأكده ؟

باركولى سأتبع ريجيم سريع لكى ازيد وزنى

خطوره فقد ماء الجسم ( من مضاعفات بعض انواع الريجيم السريع )


انتظر ردك عملتى تحاليل ولا لأ ؟

جزاك الله خيراً حبيبتى الغالية

بسراحة أنا معملتش تحليل

جزانا الله واياكم

لآ روحى حللى صوره دم لان ما ذكرتيه مع اتباعك نظام 1200 سعر وبعدها اغماء الارجح عندك انيميا مهم جدا تتعالج

لان بدون علاجها تقليل الاكل مش صح

مع ان اى اكل ح اوصفه اكيد ح يكون اكتر من اللى انتى كنتى بتاكليه

اكتبى اكلك ليوم كامل من غير ريجيم العادى بتاعك بتاكلى ايه بكميات تقريبيه ممكن نعدله بما ينفع الريجيم وتبقى ما بعدتيش قوى عن اكلك

إن شاء الله ضرورى لازم أروح أحلل

أكتب أكلى : هقولك يا ستى

الفطار :كوب شاى بلبن +جبنة و نصف رغيف ممكن أخد فاكهة لو موجود مبحبش البيض

الغدا : طبق صغير رز أو طبقين مكرونة عشان بحبها و أى نوع بروتين ساعات باكل سلاطة و ساعات لأ أو قطعة كبيرة مكرونة بالبشمل

بعد الغداء بشوية المشكلة بس الصغيرة :بحس إنى جعانة باكل حاجات غريبة مكسرات

أشريي عصير توست وجبنة

العشاء و ما بعد العشاء المشكلة الكبيرة جداً بحس إنى جعانة باكل أى حاجة

حلويات بيتزا الغدا تانى طبق كبير مكرونة ممكن تشكيلة من إللى فى الثلاجة أو ممكن أطلب حاجات مخصوص من تحت