عاوزة اعرف الوزن المثالى عند الاطفال بيتحسب ازاى من سن 4 الى 12 سنة
لاننى اعتقد ان اكبر من كده بيتحسب زى الكبار
ياريت راجية تشرح لى الموضوع ده باستفاضة
للبحث في شبكة لكِ النسائية:
|
عاوزة اعرف الوزن المثالى عند الاطفال بيتحسب ازاى من سن 4 الى 12 سنة
لاننى اعتقد ان اكبر من كده بيتحسب زى الكبار
ياريت راجية تشرح لى الموضوع ده باستفاضة
السلام عليكم
بضم صوتى ليكى نفسى الاخت راجيه تشرح لنا ازاى نعرف وزن اولادنا المثالى حتى 12 سنه
وجزاكم الله خيرا
وانا معااااااااااااااااااااااااااااااااااااااااكو وازاى نحافظ على اولادنا انهم ميصابوش بالسمنه وميتعبوش زينا
الاخت ام اسيه المشكله مش سمنه بس ده ممكن يكون اطفال نحاف زى بنتى كده ومش عارفه وزنها مثالى ولا ايه طبعا العبره بالتحاليل بس الوزن بيبقى مؤشر للحاله الصحيه
موضوع جميل
وسبحان الله كانكم بدماغي وعارفين بشو بفكر
اليوم لاحظت مجموعو من البنات بالمدرسة عندي يعانين من السمنة
فكرت بمساعدتهن ولكن ماعرفت من وين ابدا
تحياتي
واكيد الاخت الراجية رح ترد علينا وتساعدنا
السلام عليكم ورحمه الله وبركاته
ربنا يكرمكم سؤال جميل الموضوع فى لفه حبتين بس سهل لو ركزنا مع يعض
الطفوله مراحل ولكن كتغذيه لحد 19 سنه نعتبرهم اطفال ( على اساس انهم فى مرحله نمو و يحتاجوا عنايه فى التغذيه مش اطفال اطفال يعنى ) ده موضوع
بالنسبه لقياس الوزن المثالى فى الطفوله مش بس الوزن لأ الطول كمان مهم لانهم مؤشر على نمو الجسم ككل
ومؤشر كتله الجسم يعمل لهم ولكن ليقارن بالجدول وليس كالكبار ارقام وخلاص
وهناك منحنيات للنمو خاصه بالاطفال والطريقه لمعرفتها سهله ( لو عندكم زى حالاتى استجماتيزم ) هاتى ورقه او مسطره وقفى على العمر بالطول وباصبعك اشرى على الوزن او الطول فى الرسم البيانى لتعرفى مناسب للعمر ولا لأ
الطول للبنات
الوزن للبنات
نسبه مؤشر كتله الجسم للبنات
الطول للاولاد
الوزن للاولاد
نسبه مؤشر كتله الجسم للاولاد
تفسير الجداول
تحت ال 5% نحيف بشكل مؤكد
ما بين 5 % الى 15 % فى خطر ان يكون نحيفا
ما بين 15 % و 85 % وزنه مثالى
ما بين 85 % و 95 % فى خطر ان يكون بدين
فوق ال 95 % زائد الوزن بشكل مؤكد
طريقه تفسيره
اتمنى يكون واضح
الخط العريض هو المثالى وما تحته اقل من الطبيعى وما فوق اكثر من الطبيعى
وهذه المقاييس هى المثاليه ممكن اطفالنا اوزانهم ليست مثاليه تماما ولكن لا تكون فى اقصى المنحنى
ويبقى مراجعه طبيب الاطفال تعرفنا الكثير عن نمو اطفالنا لا تتوقعى ان يكون ابنك فى الطبيعى اذا كان مبتسر او مولود اقل من الطبيعى
اذا عانى من اى متاعب صحيه فى الصغر او لا زال يعانى
اذا كان حجم احد الابوين او كليهما اقل من الطبيعى منطقى الوراثه تلعب دورها
كل الجداول السابقه منقوله من مواقع متخصصه فى طب الاطفال
الحمد لله الحمد لله الحمد لله زالت الغمه
صباح نسائم الحريه و الديمقراطيه
احبكم فى الله
على اسم مصر التاريخ يقدر يقول ما شاء ** انا مصر عندى احب واجمل الاشياء
شكرا يا راجية يا قمر
شرح رائع للموضوع
جزاك الله خيرا
طيب انا بنتى وزنها هو الحد الاقصى السليم لطولها وسنها
احاول اخفف لها شوية ولا اسيبها زى ما هى
جزانا الله واياكم
لأ و لا تلمسى اكلها ابدا
لعبيها رياضه اشتركى لها فى لعبه او لعبيها معاكى تمارين متنوعه
الاكل فى هذا السن التعديل فيه لازم يكون مدروس لانه يؤثر على النمو طالما ربنا يتم عليها العافيه بس فى الحدود المسموح بيها يبقى لعبيها رياضه
والله انا الاطفال حتى اللى وزنهم زايد بافضل الرياضه على الريجيم متعرفيش التغذيه الغلط ممكن تضر قد ايه وتؤثر عليهم قدام ربنا يحميهم
التعديل الوحيد اكليها خضار من 3 الى 4 مرات فى اليوم الفاكهه 3 مرات فى اليوم
طبعا الماء من لتر الى 2 لتر بدل العصاير ميه
الاكل اما التلفزيون ممنوع بخلاف الخضار حطيه قدامهم وكميته مفتوحه ( ما عدا الجزر )
بس
ربنا يبارك فى ابنائنا جميعا
الحمد لله الحمد لله الحمد لله زالت الغمه
صباح نسائم الحريه و الديمقراطيه
احبكم فى الله
على اسم مصر التاريخ يقدر يقول ما شاء ** انا مصر عندى احب واجمل الاشياء
جزاكى الله خيرا يا احلا مشرفه
طمنتينى ربنا يطمنك
وانا فعلا مستنيه بنتى تبدا تركز شويه كده وانتظم انا وهى فى رياضه لانى حاسه انها هتطلع زى امها دبدوبه
بارك الله فيك أختي الرجية
فعلا موضوع مهم بس عند طلب ممكن تعدلي مؤشر الوزن عند البنات
لأنك حاطة مؤشر الطول مرتين
ومشكورة مرة تانية
الروابط المفضلة