كتبت بواسطة
lose_weight
بصو يا جماعه انا اتصلت بصيدليه العزبي عشان اسأل على ادويه التخسيس و الدكتور فادني جدا و قالي ان الادوية بتنقسم لثلاث انواع
1. ادوية زيادة سرعة الحرق و دي مهمة جدا في الدايت عشان اصحاب الوزن الزايد سرعة الأيض عندهم منخفضة فالأدوية بتزودها و دي اللي بتحتاج معاها رياضة عشان تحرق اسرع بس لو اخدتيها من غير ما تتحركي مش هتعملك حاجه. و أهمها و دي دكتورة الدايت بتاعتي كتبتهولي اسمه هاي كروم و مش مضر خالص و حتى الرياضين بيستعملوه مش للخسيه فقط و ده تمن لاعلبة في مصر 25 جنيه فيها 30 حبه
2. أدوية الأمتصاص زي الزنيكال و شيتوكال و سيبوتريم و هي الأدوية الل بتحتوي على مادة السيبوترامين و دي بتمنع امتصاص الدهون في الجسم و دي بتاثر على الخلايا العصبيه في جسم الأنسان و أضرارها كبيره جداً و بنصحكو بلاش تستخدموها عشان لما بنكون بنعمل دايت المفروض طبيعي منكلش دهون كتيير و نكتر من الخضار و الفاكهة و الألياف بمعني اصح فالدوا مش هيلاقي حاجه يمتصها و هيضرنا أكيد.
3. النوع ده هو قابض للشهية و طبعا فيه منه ادوية كتييره مستودرة زي ميريديا و ده تمنه 15 جم الشريط ب 60 جنيه في مصر و فيه 7 حبات و محلية زي دايت ماكس و تمنه الشريط ب 18,5 جنيه و فيه 10 حبات و ده اللي انا بستعمله و بحس انه كويس جداً حتى لو لخبطت مش بقدر الخبط اوي و سعره مناسب بس بلاحظ حاجه في ادوية سد الشهية أولا لازم تستمري عليها على الأقل 6 شهور حتى لو حسيتي انك مش بتجوعي كملي فيها متوقفيش غير لما تخلصي الدايت و تبتدي مرحلة التثبيت و تاني حاجه بتعطش جداً فلازم تشربي ميه كل شويه و ده شيء كويس عشان كل ما تشربي ميه كل ما هتخسي
يارب اكون افدتكو بحاجه
الروابط المفضلة