سؤال لبنات مصر الحلويين

سؤال لبنات مصر مين يعرف اماكن لبيع السير الكهرباء واي نوع احسن والاسعار

وياترى هو بيتعب الركبة ومامعنى مانع للصدمات ربنا يجازيها خير اللى ترد علىا

وانشاء الله يكتبلها فى ميزان اعمالها

حبيبتى صباح الخير الاول
بصى يا قمر انا جبت المشاية بتاعتى من اعلان شركة كان فى الجريدة بس ده مش مضمون علشان السونا جبتها من اعلان جريدة وباظت بسرعة وهما قفلو الشركة بس الحمد لله المشاية كويسه بقلها سنتين
اماكن بيع الاجهزة الرياضية اعتقد ان كل الاجهزة الرياضية موجودة فى منطقة اسمها باب الخلق تقريبا واعرف ان فى شارع هناك مخصوص للاجهزة الرياضية فقط ده غير المحلات
واعرف كمان فى مصر الجديدة بس بصراحة مش فاكرة فين بالظبط
ده بالاضافة للصيدليات الكبيرة زى صيدليات سيف
وكمان فى صيدليات كبيرة فى روكسى بتبيع الاجهزة الرياضية بس ديه هتلاقيها غالية قوى
المشاية بيبقى فيها صمام امان مربوط بمشبك بتشبكيه فى ملابسك علشان لو هتوقعى على غفلة او حاجة تشديه فتقف تلقائيا بسرعة
هيا ما بتتعبش الرجل ولا حاجة هيا كويسه جدا بس انا اللى كسلانه بصراحة بس لما بستخدمها بحس بنشوة جميله
وبيبقى موضح عليها عدد السعرات والسرعة والمسافة اللى مشتيها وممكن تعرفى دقات قلبك
حبيبتى انا قلبت الدنيا علشان اشوف رقم تليفون الشركة اللى اشتريت منها مش لقيه الفاتورة علشان اعرف منها
بس الكتالوج مكتوب فيه نوع المشاية والمشاية نوعها
shumeite
لو لقيت التليفونات بتاعه الشركة هكتبهالك ان شاء الله

انا كمان كان نفسي اعرف فين بتتباع الاجهزة الرياضية

انا متشكرة قوى ياماى ياحبيبتى غلى ردك الجميل دة واهتمامك بالموضوع

وعلى المعلومات اللى فعلا قيمة وانا تعبتك معايا وياريت لو وصلتى لتليفون الشركة

تقوليلى وربنا يجازيكى خيررررررررر

كتبت بواسطة اثار100

انا متشكرة قوى ياماى ياحبيبتى غلى ردك الجميل دة واهتمامك بالموضوع

وعلى المعلومات اللى فعلا قيمة وانا تعبتك معايا وياريت لو وصلتى لتليفون الشركة

تقوليلى وربنا يجازيكى خيررررررررر

حبيبتى والله انا من امبارح وانا قلبه عليه الدنيا واضح انى نسياه عند حمايا
ان شاء الله لو وصلتله صدقينى والله مش هتاخر عليكى
وربنا يوفقك يا قمر

اهلا يدورا بيكى وخليكى معايا فى الموضوع ويارب حد يقولنا فين نلاقية وانا

خايفة من الاعلانات زى ماقالت ماى وقلت مافيش احلى من بنات منتدايا الحبيب


لكى هما اللى هايقولولى وعلى فكرة انا وزنى 85

شكرا ياماى على الرد السريع اسعدينى وياترى انتى وزنك كام

• معقولةيابنات 54رد وماحدش رد غير 2 يالا بنات ربنا يعطيها الجنة اللى ترد علية

انا معاك يا قمر و خاصة انا عاوزة اشتري الجهاز الاصلي مش التقليد

لأني لعبت قبل كدة على الاوربت تراك الاصلية و التقليد

لقيت التقليد دي زي الزفت و الله نفسي اعرف مكات الاصلي فين ؟

ممكن اللى يفيدك صاحب جيم لانه بيكون على صله بشركات الاجهزه الرياضيه