صباحكم فل ..
سبق وتكلمت في رد لاحد المواضيع عن رجيم البروتين وقصتي معاه
المهم ..
ولأني ماحب الاطالة .. رجعت له ثاني وبثلاث ايام فقدت كيلوين بدون رياضة ولا حتى جوع مؤلم !
كل اللي عليك تركزي على كل حاجة تحتوي على البروتين >> خاصة البيض المسلوق
نظامي اللي مشيت علية كالآتي :
فطور ..
بيضتين مسلوقة + ربع رغيف خبز بر أو نخالة متوسط + خضار خاصة الخيار + حليب منزوع الدسم او عصير طازج
غداء ..
صدر دجاج مشوي أو أي طريقة تحبيها بس بدون زيوووووت + خضار مطبوخة أو سلطة + زبادي منزوع الدسم + خبز كما سبق بالفطور أو قليل من الرز المطبوخ على البخار
عشاء ..
الأفضل خفيف قدر الإمكان
زبادي منزوع الدسم + سلطة واذا حابة خبز
أو شوربة العدس بدون زيوت طبعا
الخيار ممتاز لحرق الدهون فلو أصبح زبادي بالخيار(السلطة المعروفة ) تكون كعشاء أفضل
مابين الوجبات هذي لابد من بعض السناك !
إما فاكهة قريب فروت أو تفاحه
ساعات عصير
أو زبادي
آخر الليل (وقت الجوع القارص عندي انا) كوب حليب منزوع الدسم مع حبة أو حبتين شابورة بر
وطبعا حاولي تشربي بين الوجبات من كأسين لكأس على الاقل في اليوم شاي أخضر مع نعناع وزنجبيل طازج
ولاننسى الحرص على شرب الماء خاصة أن البروتين يسبب نوع من الامساك!
فيه عدة نقاط مهمة بأبينها لكم قبل أختم موضوعي :
* الكميات من البروتين والخضار لاتتقيدي فيها تقدري تأكلي اللي ترغبين فيه
*البيض المسلوق والزبادي جدا جدا مهمين .. لأنه طبيا أثبت بدراسة طبية طبقت على سيدات أنه يساعد في حرق دهون البطن خاصة والسلولايت اللي هو أكبر مشاكلنا كنساء عامة
فأثبت أنه يستهدف الشحوم الغير مرغوب فيها لجسم المرأة >>وهذا المطلوب
*صفار البيض نحاول نقلل منه لان كثرته ترفع الكلسترول بالدم ممكن نكتفي بصفار واحد أو نستغني عنه للي يخافون من الكلسترول
*القريب فروت أيضا أثبت أنها تحوي على عناصر تحفز حرق الدهون بشكل أسرع تحملوا مرارتها وحاولا تكثروا
* هالنوع من الرجيم كغذاء يناسب لذوي فصيلة الدم O >> ولكن ينصح به النساء عامة للسبب اللي يخص حرق الدهون الغير مرغوب فيها كإمرأة
لذلك أنصح ذوات الفصيلة O الا انا منهم يستمرون على الحرص على البروتين والفواكه والخضار مستقبلا لضمان صحة أفضل
إذا حابة معلومات زيادة لايردك الا لسانك ..
لأني حاليا بديت هالرجيم مع والدتي وعندي حماس عشانها
لازم تسوي عملية جراحية في الركب ولابد من تخفيف الوزن ..أدعو لها تكفون
والحمدلله .. في ثلاث أيام فقدنا كيلوين بالضبط مع بعض !
وانشالله انتو بالمثل
إذا حابين تبدأو معانا يالله أنضموا وسجلوا الوزن المفقود يوميا هنا
أبدأ أنا :
البداية >> 87 كيلو
هدفي من 80الى 75 لان طولي 170
بدأت الأثنين 25\2
الوزن الحالي >> 84 ونصف
واعذروني على ركاكة الكتابة
لاني على عجل دائما وأحب العامية
بانتظاركم ..
الروابط المفضلة