ارجوكم افيدوني !!!!!!!!!!!

**سوسو 1** · 28-08-2002, 03:16 PM

بسم الله
اولاً انا عضوه جديده ارجو القبول
ثانياً عندي إستفسار عن جهاز وهو عبارة عن حزام وشورت لتخفيف الوزن وفي الحزام والشورت اجهزه صغيره تعمل على البطاريه.
ما ادري هل له اضرار ام لا ؟
اسم الجهاز (ENERGYM)
ارجوكم افيدوني الله يجزاكم عني الللللللللللللللللف خير

**she** · 28-08-2002, 04:41 PM

اهلا بك سوسو
عضوة واخت عزيزة
انا ماصدق الاشياء هذي الي تطلع في الدعايات كلها كلام فاضي
احسن حل لتنزيل الوزن الرياضة العادية وتقليل الاكل وبس
لاتصدقين ان فية شي ينزل الوزن غير هذا
ويهلا فيك مرة ثانية

**مرايم** · 28-08-2002, 06:06 PM

انا مع اختي She ما ينفع إلا الريجيم والرياضة ..

**aroma** · 28-08-2002, 06:28 PM

صحيح كلام البنات

**aroma** · 28-08-2002, 06:29 PM

ايه ونسيت ماقولك سوسو مرحبا فيك منوره المنتدى

**سوسو 1** · 03-09-2002, 11:10 AM

اشكر الاخت she على ردها السريع واكيد مافيه غير الرياضه بس انا حبيت اسأل عن المنتج لأني شريته واخاف من اضراره وعموماً انا لست سمينه بل نحيفه جدا ً بس الكرشه الله لا يبلانا وعموما ً مشكوره على الرد .
وكذالك اشكر الاخوات مرايم و aroma.
وللي تعرف عن الجهاز شي لاتبخل علي اوتقدر تسأل اهل الاختصاص واكون لها شاكره وادعي لها اليل والنهار إن الله يوفقها .............

**بشاير** · 03-09-2002, 11:47 AM

اختي سوسو1 .. أهلا فيج عضوة جديدة ومنوره المنتدى ... سؤالك عن الشورت والحزام ..صحيح ان مو كل شي نشوفه بالدعايات يثبت مفعوله لكن بصراحه آنا اعتقد ان السالفه كلها تعتمد على طبيعة الجسم ، لأن في ناس فعلا حصلوا نتيجه من بعض المنتجات المنحفة وفي ناس لا....... والمداومه على المنتج والأستعمال الصحيح لحد ما يوصل الشخص للنتيجه اللي هو يبيها مع التقليل من كمية الطعام .. اعتقد ان شاء الله بتكون في نتيجه وبدون رياضه بعد ....وكلامي معتمد مو على تجربتي الشخصية ، لكن وحده من قريباتي كانت عريضه عند الحوض وايد وبعد فترة من استعمال الشورت الكل لاحظ انها خست شوي بس مو وايد وكانت ما تاكل اي شي دسم يعني تاكل الاشيا الخفيفه بس.., وآنا بصراحه مادري شنو اللي لعب دور في الموضوع اكثر الرجيم ولا الشورت ... بس اعتقد ان الشورت يساعد على الحصول على نتيجه اسرع مع الرجيم ، لانها ( يعني قريبتي ) كانت اتسوي رجيم قبل الشورت بس ماكانت تلقى نتيجه ، بس الكل لاحظ النتيجه السريعه للرجيم بعد الشورت .... الخلاصه ما طول عليج بالكلام (( هذه المنتجات في النهايه لابد تحتاج لرجيم ليكون مفعولها اسرع)) يعني الرجيم شر لابد منه ههههههه... وانت مثل ما فهمت مو محتاجه رجيم لأنج اصلا نحيفة بس عندج كرش ونصيحتي لج جربي هاطريقة :

__ كل يوم الصبح خلي عندج إرادة ومارسي تمارين للبطن لمدة 10 دقايق.
__ دايما وانت تمشين أو وانت جالسه أو حتي تعملين بالبيت ( اشفطي بطنج للداخل ) وبهالطريقة تكونين تسوين شد وتمرين لبطنج بدون تعب وفي ناس وايد كانو يسون طريقة الشفط للداخل ونجحت معاهم وايد..ولا تغفلين عن هالموضوع .. وبنفس الوقت حاولي انج ما تضغطين وايد على نفسج اثناء الشد او الشفط عشان ما يأثر هاشي على ظهرج بعد..

اتمنى اني ما اكون ضيفه ثقيله وطولت عليج واتمنى انج تستفيدين ونصير صديقات ان شاء الله.

**سوسو 1** · 04-09-2002, 01:12 PM

اشكرك اختي بشاير
والله فرحتيني بردك لأني استعملت المنتج وبعدين وقفته لأني خفت من اضراره لكن الآن طمنتيني الله يجزاك اللللللللللللللللف خير ويسعدك دنيا وآخرة ياربي .

وبالنسبة لنصائحك رح اجربها بإذن الله .

وانت صديقتي من اليوم ( إذا قبلتي )