تكفووووووووون ادخلو وساعدوني وماراح تكلفكم غير كلمه وحده ........!!!!!!!!!

**بدويه وكلي شموخ** · 07-07-2007, 01:13 PM

مرحبا حبايبي .....
اخباركم عساكم بخير .....؟؟؟
اماااااااانه تكفووووون ساعدوني انا دمي 8 وصار لي سنه ونص على هالحاله ابي مساعده قبل لايصير فيني انيميا حاده وتفقدوني وتفقدون مواضيعي <<< اتغلى بتشوف انتو تحبونها هههههه

ابي منكم كل وحده تكتب لي اسم حبوب حديد ترفع الدم باسرع وقت ممكن
وياليت تكون عن تجربتكم او تجربت خواتكم او احد من قرايبكم
وكم المده وارتفع الدم ؟؟؟ وشنو شكلها اذا امكن لان الاسماء اتشابه ؟؟؟

ومشكوووورين مقدما ويارب يفوق اللي بترد علي ويسعدها ويحقق لها اللي في بالها
ويزوجهاااااااااا << على هذي كلكم بتجاوبون هههههههههههههههههه

يالله انا بانتضاركم وياويلكم لو ماجاوبتو << عصبت شكلها حست ان محد راح يرد عليها

دمتم بود

**منوله33** · 07-07-2007, 01:36 PM

هلا بدويه

سلامااااااااااااااات ماتشوفين شر يارب

وراه دمك نزل؟ لايكون من كثر الريجيمات ؟

شوفي حبيبتي اخذي اي نوع حبوب حديد من الصيدليه يافيفول او فروز او اي منتج
بس الله الله بالتغذيه الزينه

يعني شوفي بقولك على كم شغله مجربتها وحده كان عندها الدم 7 وكان يغمى عليه لو تمشي
او تسوي مجهود بسيط

شوفي قلبي عليك الاكثار من:
الورقيات وخصوصاً البقدونس والجرجير
اكثري من اكل الزبيب الاسود (ممتاز لنقص الدم)
ايضاً القرع (الدُبا) ومن الفلفل الرومي (الاخضر والاصفر والاحمر) طبعا البارد مو الحار ثم تروحين فيها خخخخخخخخخ
واشربي في اليوم كوب مشروب القرفه (اغلي ملعقه متوسطه مع شوية سكر وكوب ماء مغلي ثم اشربيه)
تناولي العسل الطبيعي
ايضاً عليك باللحوم الحمراء والكبده لانها ترفع معدل الحديد بالجسم

وبالعافيه على قلبك واتمنى اني افدتك بس والله هذي مجربه ونفعت وزادت معدل الدم عند صاحبتي

وماتشوفين شر يابدويه بسم الله عليك

**صفا22** · 07-07-2007, 01:37 PM

حبيبتي بدويه ....
قبل شهرين بنتي كان دمها 9 و وديتها للدكتور و عطاها 4 ابر ( حقن ) وقال لها اكلي برتقال و يوسفي
وكرافس و كبد خروف وبعد ما خلصت العلاج والاكل صار دمها 13 وان شاء الله تتعافين
تحياتي ...

**محمد118** · 07-07-2007, 02:55 PM

السلام عليكم ورحمة الله وبركاته يا أختي جربي اللي نصحتك فيه صفا

**جورية حمرة** · 07-07-2007, 04:40 PM

السلام عليكم
والله انا ما اعرف وايد اشياء بس اللي اعرقه
ان لازم تاكلين جرير او بروكلي
هذا اللي اعرفه
سامحيني
راح احاول ادور

**ذكريات الماضى** · 07-07-2007, 04:48 PM

عزيزتى شفاك الله
شوفى اختى بالنسبة لحبوب الخاصة بالدم استعملى جلفار فهو مممتاز جدا لضعف الدم حتى انه يعطى للحوامل فى الشهور الاخيرة لتزويد نسبة الدم لديهن خوفا من حدوث نزيف اثناء الولادة
وهى شكلها طويل مثل نصفها ازرق والاخر احمر تجية فى الصيدليه معروف جدا
وانا اقول لكى ذلك وانا متاكده منه بصفة تخصصى لاننى ممرضة خاصة فى النساء والولادة
وعليكى من اكل السبانخ لانه كله حديد
وكذلك شرب عصير العنب الاحمر روعة جدا للدم

بعد شهرين اخبرينى ما حصل معك و لاتنسينى من الدعاء امانه

***دموع الصمت*** · 07-07-2007, 05:28 PM

مساء الخير (بدويه وكلي شموخ)
أنا دمي 7
أختي دمها 4
بقولك على شي إن شاء الله ينفعك
حلييييييييييييييب السعويه مع نصف ملعقه صغيره سكر (الصبح ويكون دافي)
{تفاح ،عنب،جرجير،بقدونس، شبث،سبانخ،خس،طماطم،سمك}
بقولك على شي يحطم الدم {المشروبات الغازيه،الشاهي بعد الأكل مباشره}
تراني مجتهده معك وأنا الله أعلم(يامعلم الناس علم نفسك)

**لبنان وحبايبه** · 07-07-2007, 06:10 PM

أختي، في الصيدلية يوجد حبوب حديد ولكن أنا أنصحك بزيارة الطبيب لأنه أحياناً يكمن سبب وراء انخفاض الهيموغلوبين والطبيب وحده باستطاعته معرفة الأسباب وذلك بطلب بعض الفحوصات الإضافية وإذا رأى أنه لا داعي وهو سوف يحدد ذلك بعد الإضطلاع على فحوصاتك الأخيرة فعندها باستطاعته إعطاؤك الجرعة المناسبة من الحديد لأن الجرعة الزائدة سوف تسبب لك بعض حالات التسمم.أيضاً،الطبيب وحده يمكنه معرفة أسباب فقر الدم وهي 3:

1- نقص مادة الحديد
2- نقص فيتامين B12
3- نقص في حمض الفوليك B9

اما فيما يخص التغذية، فهذه الأطعمة فيها الكثير من الحديد:

- لحم العجل
-الدجاج (الفخذ)
- الكبدة
-البقوليات (عدس، فاصوليا، حمص...)
-سبانخ
-المشمش المجفف والزبيب

وهناك أطعمة تأكلينها بجانبها وهي تزيد من امتصاص الحديد كالحمضيات والقرنبيط، الفلفل الحلو والإجاص وكل ما يتوافر به فيتامين C وأيضاً.
غنتبهي يا أختي هناك أيضاً أطعمة تمنع امتصاص الحديد بالدم مثل الشاااااي (لا تشربينه مع الأكل أو بعده فوراً) والقهوة.

يا رب كون أفدتك أختي...طمنينا عليكي.

بأمان الله.

**ذكريات الماضى** · 07-07-2007, 09:26 PM

المعذره عزيزتى الحبوب نصفها اخضر والنصف الاخر احمر
واسمها جلفار واكيد لو استشرتى الطبيب راح يوافق انك تاخذيهم
والله الشافى

**بدويه وكلي شموخ** · 08-07-2007, 03:45 PM

مشكوووووووووووووورين فديييييييييييتكم وعساني مانحرم منكم

هلا حبيبتي منوله مشكوره ياقلبي على اسم الحبوب بس دمي مدري شفيه نزل فجأه حتى من غير مايبين على شكلي او وجهي ومن ناحية الرجيم ماعمري سويته بحياتي انا الحمدلله راضيه بشكلي ومابي وزني يزيد ولا ينقص
ويسلمووووو على المرور

مشكووووووووووره ياقلبي صفا انا سمعت عن الابر بس راح اجرب الحبوب اول واذا مانفعت راح اجرب الابر انشالله وتسلمين على المرور

يسلموووووووو اخوي محمد على المرور ولاهنت

هلا جوريه حمره عادي ياقلبي اهم شي كسبت مرورك

مشكوووووووووووره حبيبتي كندا وماقصرتي ومادام انك ممرضه اجل بتبع اللي قلتي وتسلمين

هلا ساره ياعمري مشكووووووووووره على المرور وبعدين اقول صفي معي يالله ونفذي الكلام اللي البنات قالوه ههههههه

مشكووووووووره يالغلا لبنان وحبايبه على المعلومات المفيده وانشالله راح اجربها

دمتوووووو بووووووود حبايبي