جهاز السير ينحف ولا( لا)

**دمعة حززززن** · 19-10-2006, 08:30 AM

حبااااااااااايبي.........
ابغى اعرف بالله عليكم اللى جربت (جهاز السير للمشي) اوتعرف عنه اي شي
امانة تقولى .....بالتفصيل
وهل صح انه ينحف
لاني انا شريته جديد وماستخدمة الا قليل
ماني عارفة كيف يحرق السعورات وكم كيلو امشي ووووو

==============
------------------
اكون لكم شااااااااكرة
وجزاكم ربي الف خير

**رشيقة للأبد** · 19-10-2006, 06:55 PM

هلا دمعة حزن

إن شاء الله تكونين دمعة سعادة يا رب!

جهاز السير مرررررررررررررة ممتاز!! وأنا أرشح استخدامه!!

أنا أمشي كل يوم على جهاز السير 45 دقيقة زي فرض الصلاة، بالاضافة الى الرياضة اللي اسويها في النادي! والنتائج مرة رهيبة، اهم شيء الاستمرار والمثابرة.

نصيحتي أنك تجربين تمشين ربع ساعة في البداية، وزيدي المسافة و الوقت كل اسبوع حتى توصلي 45 الى 60 دقيقة. وزيدي سرعتك شوي. في بعض الاجهزة تقدرين تعرفين فيها سرعة نبضات قلبك، للمعدل اللي يسمح بحرق الدهون، يعني من 75% الى 85% بالنسبة لعمرك. أنا مثلا عمري 24 ولازم تكون نبضات قلبي 157 في الدقيقة حتى اكون سويت الرياضة بشكل صحيح، ولمدة 30 دقيقة متواصلة.

ابحثي في تمارين cardio، حتى تعرفي السرعة اللي تناسب عمرك.

وخليها ممتعة عشان ما تطفشين، في البداية كانت صعبة، وكل شوي اشوف الساعة استنى الوقت يعدي، وبعدين صرت اتفرج على التلفزيون او ادردش مع البنات او اسمع برامج في الـ IPod. الآن الوقت يمر بسرعة، وما أحس بطفش، بالعكس اتضايق اذا ما لقيت وقت امشي

أما بالنسبة لعدد السعرات التي يتم حرقها، يعتمد على وزنك والمجهود اللي تبذلينه، أنا بالنسبة لي احرق 340 كالوري في 45 دقيقة، بس الاحلى انك حتى بعد ما تخلصي مشي، جسمك يستمر في الحرق على مدى اليوم

بعض الاجهزة تحسب لك السعرات اللي تحرقينها بالنسبة للوزن والجهد.

أنا اشجعك وبقوة! عطي نفسك وقت يعني لا تستعجلي النتائج، وامشي 6 ايام في الاسبوع، وراح تشوفي الفرق بإذن الله!

دعواتي لك بالتوفيق! وبشريني عن أخبارك الحلوة!

تحياتي
رشيقة للأبد

**دمعة حززززن** · 22-10-2006, 11:57 PM

مشكوووووووررررررررة رشيقة للأبد:::::::

""""""":ولو تحقق اللى في بالي حغير اسمي من دمعة حزن الى دمعة سعادة""""""""""

وجزاكي الله الف خير على هذه النصيحة الغالية جدا (وجعلها ربي في موازين حسناتك)
وان شاء الله راح اخذ بنصيحتك
واذا حصل اي خبر حلو اخبركي

**summer colours** · 23-10-2006, 07:41 AM

انا جـربت جهـاز المشي .. ومفيد جدا للجسـم ..
طبعا اهم شي المثابره عليه ولا مابيفيد بشي
انا الحينه امشي ساعتين ع الجهاز واحرق 800 سعره يوميا
خلال شهر رمضـان خسرت 14 كيـلو بس بسبب المشي وتقليل الأكل
بالتـوفيق

**رشيقة للأبد** · 23-10-2006, 03:24 PM

هلا والله Summer

حركتات والله!! ما شاء الله تبارك الله!!

ألف مبروك على هذا الانجاز الرائع، فعلاً ما فيه أبداً زي المشي والتخفيف! أنا اليوم اللي ما أمشي فيه أحوس أدور شيء أسويه

تحياتي
رشيقة للأبد