أهلي والريجيم

**غريبة دنيا** · 23-07-2006, 08:46 PM

مشكلتي إن أهلي ما يشجعوني على الريجيم يا جماعة

بالعكس تماماً محبطيني

وأولهم أمي والله إن أمي طيبة وتحبني أنا عارفة بس طريقتها في احباطي وتحطيم معنوياتي غريبة

يعني كل ما أبدأ ريجيم تقول إنها حتساعدني وفعلا والله إنها تبذل جهدها في توفير الأكل الرجيم لي

بس من ناحية ثانية لما أشوف أحد نحف في التلفزيون مثلاً _ اللي نحفوا قبل فترة في برنامج الرابح الأكبر-

أنا لما شفتهم تأثرت جداً وقلت يا الله شوفي كيف صاروا

قالتلي : السنة الجاية يرجعوا أفيال ......... !

وضحكت لأنها عارفة إني فهمتها لأنها داااااااااااايماً تكرر هالكلام

المتين عمره ما ينحف ... المتين ينحفله شوية وبعدها يرجع أكثر من أول

والله إني يحز بنفسي هالموضوع وأصلاً نفسيتي سيئة تكون مع الريجيم وأبي أحد يشجعني وهي بدل ما تقدمني خطوة ترجعني مليون

دحين أنا بدأت عمل جلسات تخسيس في أحد المراكز

تخيلوا إن واحدة من أخواتي ايش تقول ؟؟

تقول إيه هذي اللي يتركها يرجع أكثر مما كان

أنا زعلانة جداً مابغى أحد يحطمني كذا أنا عارفة إن الواحد لو ترك الريجيم أو الرياضة أو كل شي كان يسويه حتى لو مشي يرجع مرة ثانية في الوزن

بس ايش أعمل ؟؟ أنا وزني مرة كبير وقاعدة أحاول أنزله لأن زواجي قريب يعني لازم أنحف 30 كيلو على الأقل

وما قدامي غير كذا

ايش أعمل عشان ما أهتم بكلامهم وما يزعلني وما أتحسس منه ؟؟

ايش أعمل وهم حواليني وأنا عايشة معاهم ... ؟؟

**ع ــبير }~** · 23-07-2006, 10:27 PM

هلا حبيبتي غريبة دنيا
اول شي لما قريت محتوى الموضوع ضحكت مو عليك طبعا
ضحكت لأنك تبي تخسي وانا ابي ازيد شوووي موكثير بس خمسة كيلو

بس مو مشكلة عندي حتى لو ما زدت لان وزني طبيعي و بعد الزواج ان شاء الله اكيد بيزيد

ثاني شي انا مره سمعت في محاضرة للدكتور ابراهيم الفقي
جاه واحد بيترجاه عشان يقوله على طريقة ينقص بيها وزنه اللي سبب له عدة مشاكل في حياته
قال الدكتور : استغربت من طلبه

وسأله:
لو ساعدتك و انقصت من وزنك شنو راح تسوي حتى تحافظ عليه ؟؟؟؟؟؟؟؟؟؟؟؟؟؟
قاله الرجال : راح اعمل كل الطرق للحفاظ عليه , راح اسوي رياضة كل يوم بما فيها الجري والمشي و ..
و ابتعد عن الوجبات اللي تزيد الوزن واسوي واسوي .... الخ
وضحك الدكتور ابراهيم الفقي وقاله : تدري انك بكلامك هذا عطيت نفسك برنامج فعال للتخسيس؟؟
قاله روح طبق هالكلام و قولي النتيجية
وفعلا قال ان الرجال نقص من وزنه لانه كانت عنده ارادة و عنده طموح لما بعد التخسيس
وطموحه هذا هو اللي ساعده يحصل على الوزن اللي يبي

حبيبتي اقول حتى العامل النفسي بيلعب دور كثيير كبير
خصوصا لما انتي تكوني مقبله على عمل شي مثلا برنامج تخسيس
وتلاقين كلمات من اهلك ولو عن طريق المزاح الا انها تأثر عليك سلبيا
و تكسر طموحك
انتبهي حبيبتي من الرسائل السلبية اللي تتلقينها من المحيطين بك ولو عن حسن نية

ابيك اختي غريبة دنيا تقعدين مع نفسك وخدي ورقة وقلم و تخيلي انك حصلتي على الوزن المثالي
وسجلي شنو راح تسويين حتى تحافظين عليه ...
وبعدها مثل ما قال الدكتور راح تكوني سويتي برنامج تخسيس خاص بك انتي

وياريت تلغي كل الراسائل السلبية اللي تتلقينها من المحيطين بك ... لازم لا تسمحين لها تأثر على نفسيتك
ولازم يكون عندك دوافع حقيقية ومشتعلة للوصول الى طموحك
اسفة على الاطاله واتمنى تستفيدين من كلامي لأن التغلب على المشاكل العضوية اهمه العامل النفسي ... لأن العقل البشري باستطاعته
تلبية كل ما يريد منه المرء ولكن عبر برمجته ايجابيا

**غريبة دنيا** · 23-07-2006, 11:46 PM

ياعزيزتي مشكوووورة جداً على تواصلك وياي

بس تدرين أنا قاعدة أعمل ريجيم وشادة حيلي فيه والله

بس أنا أبي إن كلامهم ما يأثر فيني وهو غصب يزعلني ويخليني أفكر إنه صح ممكن يصيرلي اللي يقولون عنه

ممكن أنزل شوية وأرجع مرة ثانية

خايفة حتى من الجلسات التخسيس اللي أروح أعملها إنها تعطيني بعدين لما انحف نتايج سلبية وترجعني الدبل فهمتي عليا ؟؟

أنا مابي هالشي يوقف بطريقي أبي أستمر أنحف وأبي أنحف بقوة أنا محتاجه أخسر نص وزني تقريباً

لازم أنحف 58 كيلو و30 على الأقل عشان أصير يعني هه

فأنا مشواري طويييييييييييييييييل أحسه وكلامهم يضايقني فهمتيني ؟؟؟

مابيه يضايقني مابي كلامهم يكون صح أبي تكون خطواتي أنا هي اللي صح وأبي تكون الجلسات والريجيم مرضيين لي آه بس الله يعين

عموما مشكورة ياأختي الله يوفقك ويسعدك في حياتك يااااااارب

*** اليازية *** · 24-07-2006, 12:35 AM

السلام عليكم ورحمه الله وبركاته
هلا ومرحبا فيكِ أختي غريبة دنيا ...

غاليتي غريبة دنيا تعالي معي بارك الله فيكِ
لركن التغذية و الصحة و الرجيم ...
وإن شاء الله الأخوات هناك راح يساعدوكِ أكثر ...
ويمدونك بنصائح قيمة و ان شاء الله راح تفيدك ...

**crazy_noda1987** · 24-07-2006, 04:48 AM

حبيبتي غريبة دنيا ما تخلي كلامهم يأتر عليكي أبدا
بالعكس لازم يكون تشجيع الك مش احباط... لو أنا محلك ما يأثر علي الحكي كله و لا يهمني
لازم تتحديهم و تورجيهم انهم غلطانين.. يلا حبيبتي ثشجعي كلنا معك

[/COLOR]

**-سمر-** · 24-07-2006, 12:47 PM

شوفي حبيبتي
واصلي ولا يهمك كلامهم

بس لمن تنحفي هتسمعي كلام غير
وهيعترفوا انهم كانو غلطانين

**طيـــف** · 24-07-2006, 05:01 PM

بتعرفي انا صار لازم اجي لامك واجيب لها صوري القديمه
مين قال هلاحكي
!
بالعكس السمان لما ينحفو بتذوقو حلاوه النحف بخافو وبيصير عندهم هاجس مايرجع الوزن الزائد

لاحبيبتي بالعكس انحفي واصيري على النحف ووري للكل الواقع انه السمين لما ينحف مابرجع وبحافظ على وزنه

**غريبة دنيا** · 24-07-2006, 07:15 PM

إليزا ..

الموضوع مو هذا مكانه الصحيح مكانه الصحيح في القسم اللي أنا اخترته لأنه مشكلة " اجتماعية "

مش أبغى نصيحة حول الريجيم !

ولا أبغى دعم عشان أقدر أكمل

أنا أبغى حل لمشكلة تأثر على نفسيتي بشدة

أستغرب إنك نقلتيه هنا !!!!!!!

عموماً جزاكي الله خير اختي ..