اشلونكم بنات وينكم ما قلتوا لنا شصار وياكم
انا لى الحين 3 اسابيع وما انقطعت عن هذا الرجيم والحمدلله عال العال
ضعفت وايد وصار ملحوظ بس قلت مراح اوزن نفسي الا عقب شهر او شهرين لانى ناويه استمر عليه 3 شهور بإذن الله بس نبي تشجيعكم وهمتكم ويانا
انا ايي من الدوام الساعه 2 ظهر ارتاح اكل وصفه الرجيم ارتاح ساعه بعدين اروح اسوى رياضه نص ساعه او ساعه يوميا طبعا رياضه مشى على اله المشى وبعد ما اخلص مشى اعمل رياضه المعده اخذتها من هذا المنتدى اللى فيها ست وضعيات ووايد ضعفت وبطنى نحف ومبين على بس بعد يبيلى وقت وصبر بس انا ارتاح بس يوم وايد بس واتغدى فيه بس اما العشى سلطه او فواكه فى ذاك اليوم
ووايد تعود جسمى على النظام واحس انى مرتاحه فيه
يالله يا بنات نبي نعرف شو سويتوا

ماشاااااااااااااء الله عليك
فعلا" الارادة والعزيمة مهمة للاستمرار وتحقيق الهدف
واصلي حبيبتي واحنا معاك
بس
المفروض انك تقيسي خصرك كل اسبوع وتكتبي الرقم لانه اوضح من الميزان وراح تلاحظي الفرق




والله اسعدني نتيجتك
بالتوفيق

ما شاء الله عليج عيني عليج باردة الله يعطيك الوزرن اللي في بالك
بس بغيت اعرف ما هي رياضه المعده ومن اي قسم اخذتية

ما شاء الله عزيزتى الله يوفقك
ولى سؤال فقط تاكلين الشوربة ام هناك افطار
ومشكورة مقدما

هلا اخوتى وشكرا على المرور

بالنسبه لسؤالج ميمي وريري
تلقين موضوع بعنوان والله نسيت عنوانه بس ما لقيته لانه قديم
موجود اهنى بقسم التغذيه
وفى ست تمارين وايد اوكى
بحاول اوصف لج اياهم
1- تنامين على بطنج وترفعين ريولج وادينج بنفس الوقت بس طبعا يدينج تكون على مستوى جسمج.
2- نفس الشى تنامين على بطنج وترفعين ادينج وريولج بس تكون ادينج امام بجانب راسج .
3- تنامين على ظهرج وتكون ادينج على الارض وترفعين ريولج مع ثنى الركبه
4- تنامين على ظهرج وترفعين ريولج بشكل مستقيم
5- تنامين على جنبج وترفعين رجل وحده بس وبعدها تنامين على الجنب الثانى وترفعين الرجل الثانيه
6- توقفين وتحطين ادينج بخصرج وتنزلين وتطلعين

ملاحظه تسوين كل تمرين 8 مرات يوميا ويفضل بعد رياضه المشى

واى سؤال ثانى احنا حاضرين

هلا اختى بنسبه لسؤالج عن الشوربه انا بصراحه ما اسويها كل يوم احيان بس اكتفي بالفواكه والسلطات
بس تقريبا اسويها 3 ايام اذا احتجت لها- وثانيا اكل خبز مرات بس الخبز الاسمر واخر يوم طبعا اسوى الرز البنى اللى اهو اليوم السابع واهو وايد يشبع تاكلين شوى تشبعين

اما بالنسبه للرياضه عندى جهاز مشى امشى عليه عادى مو كهرباثي امشى عليه نص ساعه او ساعه او ساعه الا على حسب .

واى سؤال اختى انا موجوده

هلا نسيت اجاوبج على الافطار اليوم اللى يكون فواكه يكون الفطور فواكه بعد واليوم اللى يكون سلطات اكل سلطه الصباح ويوم المشويات اكل فواكه يعنى فطورى بس كله فواكه وسلطات واحيان ويا شاى بدون سكر او قهوه
وقبل لا انام اعصر ليمون واحط عليه ماي دافئ واشربه وانا سمعت انه اوكى للبطن بس بديت فيه من يومين ومستمره فيه مع الرجيم

واى شى تبينه انا حاضره

ايش مكونات الشربه وايش هو الرجيم ممكن احد اساعدني؟؟
وكم انزل في الاسبوع؟؟

هلا اختى هذا اهو النظام

اليوم الاول
فواكه ماعدا البطيخ والشمام والموز + شوربه الملفوف اللى تساعد على انزال الوزن والقضاء على الشحوم ووباى وقت تاكلى فواكه او تشربين شوربه على حسب الرغبه وكافى وشاى حسب الرغبه بدون سكر باى يوم من ايام البرنامج على حسب الرغبه

اليوم الثاني
سلطات مع شوربه الملفوف طول اليوم لا تأكل فواكه فى هذا اليوم وممكن فى العشاء تأكل حبه بطاطس مشويه مع الزبده

اليوم الثالث
فواكه وسلطات وشوربه الملفوف

اليوم الرابع
8 حبات موز وحليب خالى الدسم وشوربه الملفوف مره واحده فقط
اليوم الخامس
تناولى ما يعادل 280 الى 500 جم من لحم البقر واضافه قليل من الملح والبهارات حسب الرغبه ويكون مشوى طبعا او دياي مشوى واشربى بهاليوم 6 الى 8 اكواب ماى واشربي شوربه الملفوف مره وحده

اليوم السادس
لحم او دياي مشوى مع سلطات ولكن احذرى البطاطس فى هذا اليوم اشربي الشوربه مره واحده على الاقل يفضل المشاوى تاخذ على الغدى والعشاء سلطات او شوربه

اليوم السابع الختامى الاخير
تأكلى الرز الاسمر مع عصير برتقال خالى من السكر والسلطات والفواكه ودياي مشوى او لحم مشوى

اذا اتبعتى هذا النظام بالضبط سوف تخسرين من 3 الى 5 كج فى 7 ايام والله الموفق وبعد اليوم السابع اخذى راحه يومين وبعد ذلك كررى البرنامج مره اخرى

تحذير ابتعدى كلش عن المشروبات الغازيه
اما بالنسبه لمكونات شوربه الملفوف
هى ملفوف وفلفل بارد وبقدونس وعصير ليمون وبصل وطماطم
تحطينهم بماى وتسخنينهم 10 دقايق تحطين بعدها ماجى بس حق الخضار واذا حبيتى تحطى ملح حطى قليل جدا وبهارات وفلفل اسود واشربيها وبالهنا والشفاء

الف شكر اختي الغيوم
لكن هل طعمها لذيذ؟؟يعني مسموح احط ماجي الخضار ؟؟؟