سؤال عن جهاز السير الكهربائي ضروري ضروري

السلام عليكم



انا وزني 77 ويبيلي تقريبا 12 كيلو للوزن المطلوب وعامله دايت بس مو دايت معين وبالنتظام لا انام الساعه 10 صباحا واقعد الساعه 8 مساءا اشرب ماء وبعدين قهوه عاديه وبعدين الساعه 1 او2او3 بالليل اكل روب خالي الدسم او برتقاله وبس هذا اكلي واشرب عصيير اناناس طبيعي بعض المرات وبالنسبه للمشي انا عندي جهاز الجري امشي عليه بالليل بس امشي عليه 20 الى 30 دقيقه والسرعه تكون بين 4و5و6 يعني 3 كيلو تقريبا وارتاح وبعد ساعه او ساعتين امشي نفس الطريقه

السؤاااااال هل رجيمي هذا زين ولاتقولون اكلي لحم او دجاج اوسلطات مااشتهي اكل ويقولون فيه اكلات اذا اكلتيها تساعد عالتنحيف صج ولا لا وشنو هالاكلات او المشروبات



وسؤالي الثاني هل طريقتي بالمشي زينه ولا ماتفيد ورجوكم قولولي الطريقه الصح لاني موقاعده انزل وزهقت ورانا رمضان

ويعطيكم العافيه

مرحبا حبيبتي محظوظة

بالبداية احس ان رجيمك كثير قاسي واذا استمريت عليه فترة ممكن تزهقي او تصيدك امراض لان الجسم يحتاج الى الفيتامينات الضرورية واللي هي موجودة في الاطعمة المختلفة

انتي لما بتستمري بشكل هذا جسمج راح يتعود عليه ويمكن هذا السبب اللي يخليه ما ينزل
انا انصحج باتباع رجيم معين ممكن ينزل وزنج

وثانيا انصحج تشربي فيتامينات تشتريها من الصيدلية مثل ديناميزان علشان يعوضج عن الحرمان اللي انتي عاملته في جسمج

بالنسبة للمشي انا اشوفه ممتاز لان نص ساعة مشي او حتى 20 دقيقة مفيدة وتنزل الوزن بس الاكل غلط

بس حبيت اسألج انتي جم صار لج مدة تتبعين نفس هذا الاسلوب من الاكل والرياضة ؟؟؟ ياليت تردين علي
ووممكن تقولين لي شنو الاكل اللي تحبينه وممكن ادور لج على دايت مناسب ؟؟؟؟؟

بالنسبة للاكلات اللي بتنزل الوزن
عندك الجريب فروت وكمان الاناناس والكيوي ممكن تعملي خلطة الاناناس والكيوي كعصير وكمان الملفوف وعندك شوربة التخسيس واذا حبيتي تعرفين عنها ممكن اكتبها لكي

واي خدمة انا حاضرة لك

هلا فيك اختي


انا كان وزني 103 وطولي 164 بديت الرجيم من شهر 4 واستمريت عليه للحين رجيمي اول شي سلطات خاصة سلطة الروب بالخيار واشرب مااااااااي بكثره وتوست اسمر واجبان قليلة الدسم بس كنت امشي يوميا كيلو الى 2 كيلو مو بالجهاز بالممشى اللي عندنا وكنت ارقص شرقي يعني مرتين بالاسبوع على حسب المزاج وقلتلج اكلي مو منظم كلش يعني مافيه وجبات لان نومي متخربط بس برايج ماتحسين نزولي بطئ وخاصة الحين

وانا عادي عندي الاكل اكل اي شي مو مشكله بس ابي اكلات تنحف والعصير اشربه يوميا ولا لا وانا مو حارمه نفسي غصب لا انا احس معدتي تعودت عالاكل الخفيف لو تشوفيني قبل اكل الخضر واليابس


ومشكوره حبيبتي عالرد

وياليت تقوليلي حبيبتي مكونات الشوربه ومتى اشربها وبرايج اقدر اخليها وجبة عشا

وانا ماابي شي يسد الجووووووووع لا ابي شي ينحفني اكثر اكل سوائل اي شي

هلا والله حبيتي
ترى انتي نزلتي وايد من 103 الى 77 يعني 26 كيلو في اربع شهور يعني تمام
انتي طولك 164 يعني المناسب انك تكوني من 64 الى 60

الحين انتي محتاجة تنزلي قلتي 12 كيلو ليش ما تمشي على نظام ؟؟؟؟ بقولج ليش لان الجسم لما يتعود خلااص ما يفقد بسهولة انتي لازم تكسري النظام ولو يوم واحد تأكلي فيه وجبة اشوي تكون دسمة واليوم اللي بعده تواصلي رجيمج المعتاد

بالنسبة للشورية التخسيس
شوربة الكرنب ...للناوية تودع التخن

هذا الرابط فيه الموضوع

اهلين حبيبتي

حراااااااااااااااااااام عليك نظامك جدا" قاسي


وبعدين وين وجبة الغدااااااااااااااء لاتها مهمة جدا" حبيبتي



نظامك جدا" سيئ وخطير على صحتك

اما المشي نص ساعة يوميا" ممتاز جدا"

ولاتمشين مرتين على السير عشان ماتتعب العضلات

مشكوره بحرينيه عسل عالرد الوافي وانشالله بجرب الشوربه

ومشكوره لومييييييييييييييييه

هلا حبيتي محظوظة

لا شكر على واجب
وياليت تخبرينا بالنتايج وانشاءالله تكون مرضية بإذن الله

صراحة اللي سويتيه أكبر غلط؟!

فالبرنامج الذي تتبعيه يفتقر إلى العناصر الأساسية التي يحتاجها الجسم ليقوم بعمله بكفائة

أهم شرط للريجيم أن يحتوي على جميع العناصر الغذائية

برنامج متوازن مع الرياضة (طبعا المشي جيد لكن يجب أن يضاف له مثلا الدراجة أو السباحة)

تذكري
الغرض من الريجيم هو تعلم طريقة الأكل الصحية وتخليص أجسامنا من السموم مع تخفيض الوزن

أخيرا أتمنى لك الصحة والعافية

شكرا اينشتاين عالنصيحه فعلا مرات احس بدوخه مو طبيعيه وانشالله بحاول انوع من كل شي صحي

ثانكيو للجميع

تقبلوا تحياتي