رشيقات طووول السنه ( 8 )

**nada77** · 28-10-2009, 10:19 AM

يلا بنات مابقى شىء على عيد الاضحى كل عام وانتم بخير
مش نفسكم تكونوا فى لووك جديد امام الاهل والاقارب والاهم امام نفسك
جاهدوا مع نفسكم , قاوموا , زودوا الحماس وانظروا دايما لكل رشيقه عرفت توصل لهدفها ( بعد قول بسم الله ماشاء الله مش عاوزين نموتها هههههههههه) وشوفوا هي وصلت ازاى وليه هى احسن منك وعرفت توصل وانتى لسه بتشتهى اكل يضر بصحتك وكمان جيبك ههههههههههه
وليه حتفضلى طول عمرك شايله حمل وزنك الزياده على اكتافك وركبك وعظمك
تخيلواكده كل واحده فينا لو حسبت وزنها الزايد حتطلع شايله : يا طفل عمره 7 سنوات او جدى او معزه ممكن كمان يبقى خروف وكله ده على جسمها ازاى تقدر تمشى وتتحرك وتشوف شغل البيت يااااااااااااه حد فى الدنيا يقدر على كده احنا ليه ساكتين على نفسنا ومستحملين الوزن الزياده ايه الجمال فى كده ليه متبقيش شايله غير نفسك و بس
يلا بنبدأ بدايه جديده وقويه عاوزه كل واحده تدخل تكتب وزنها الجديد تكتب كمان هدفها فى الشهر القادم كام كيلو وتحاول جاهده انها توصله
والحمد لله الجروب كله بنات متعاونه وبتشجع بعض يبقى فاضل ايه تانى غير ارادتك واصرارك وقبل كل ده توكلى على الله واعقدى العزم ان مفيش اكله او اى حاجه حتقف امام تحقيق حلمك اللى بتتمنيه
شعارنا الاسبوع ده من الاخت انوس (شكرا ليكى )
استقبلى العيد برشاااقه
انا عارفه انى رغيت كتير وعارفه انى طولت عليكم بس كان لازم منها المقدمه ده علشان نزود حماسنا ( اللى احس انها مقرتش الكلام ده يبقى يا ويلها منى

)
وكفايه كده ايدى وجعتنى هههههههههه
حنكتب الشروط تانى علشان دايما نفتكرها والبنات الجديده تعرفها

اولا الاجبارى

الالتزام 100% بالدايت ( مفيش سماح المره ده او معلش معزومه كل ده مش حيمشى معايا )
المشى 4 ساعات فى الاسبوع قسميهم براحتك ( اللى مش ناويه تلتزم بالشرط ده متدخلش احسن )
شرب الماء كتير ( رايحه جايه تشربى صحيتى من النوم تشربى رايحه تفطرى اشربى تتغدى اشربى تضحكى اشربى الخ الخ الخ عاوزاكم بالونات ماااااااااااء )
الميزان كل عشر ايام ( مفيش تزويغ )

ثانيا الاختيارى

تصوير الميزان وتحميله فى المنتدى ووضعه فى الرد
شرب سوائل تساعد على الدايت ( جنزبيل بالليمون جريب فروت او برتقال شاى اخضر يا سلام عليه ) كل على حسب ظروفك وتقبلك للمشروبات ده
قياس ( البطن - الارداف - الخصر ) مره كل شهر

زدت عليهم اللى حيزيد وزنها حتكتب فى التوقيع ( انا دبدوبه كبيره ) بالبنط العريض

وكمان لكل مجموعه قائده تشجعهم وتحمسهم وتكون قدوه ليهم
شعار الاسبوع وهو

استقبلى العيد برشاااقه

**nada77** · 28-10-2009, 10:21 AM

بيرووووووووووووووووو
وحشتينى جدااااااا
الف مبروك الحمل وماشاء الله شاطره انتى كمان وزنك نزل بسم الله ماشاء الله
حافظى على صحتك وكلى صحى متجوعيش الواد حرام عليكى

**مرموقة** · 28-10-2009, 10:21 AM

مبروووووووك على الجزء الجديد

انا اول وحده ترد اليوم من الصباح ماشاء الله علي نشيطه ههههههههه

وقريت كل اللي كتبتيه يا ابله بالحرف الواحد ولو تبين بسمعه لج هههههههه

هدفي اوصل ل ال 50 كيلو فقط واقول الحمدلله وما ابي شي غيره هههههههههه

وانا مثل ما كتبت وزني كان 54.8 والحين 53.8 يعني الهدف قريب انشاء الله

**annoos_2010** · 28-10-2009, 10:26 AM

مبرووووووووووووووووووووووووووووووووووك الجزء الجديد

مبرووووووووووووووووووك الحمل بيروووووووووووووووووو

مبرووووووووووووووووووووووووووووك لكل من نزل وزنها

**bero333** · 28-10-2009, 10:28 AM

صباح الخير يا أحلي رشيقات

الف مبروك علي الموضوع الجديد
و كمان مبروك الميزان لكل البنات اللي نزل وزنهم

روزاناااااااااااااااااااااااااااااااااا

ازيك يا قمر وحشاني موت أخبارك ايه؟
انا فرحت اوي لما لقيتك لسة فاكراني
ادعي للنت مش يفصل تاني بقي

نداااااااااااااااااااااااااااااااااااااااا

وحشتيني اوي و الله يبارك فيكي
و بالنسبة للواد (ان شاء الله بنوتة) انا قلت أعمل له ريجيم من دلوقتي أحسن
هههههههههههههههههههههههههههههههههه
شفتي بقي انا شاطرة ازاي؟
بس ما علقتيش علي الغلاسة بتاعتي ههههههههههههههههههههههههههه

**bero333** · 28-10-2009, 10:30 AM

أنوووووووووووووووووووووووووووووس

الله يبارك فيكي يا قمر
و مبروك الموضوع الجديد علينا ( غلاسة صعبة اوي)

**برافو** · 28-10-2009, 10:43 AM

صباح الخيرلاحلى قمرات

وحشتونى جداااااااااااااااااا
معلش اعذرونى على الغياب اكم يوم اللى فاتوا
السبت والاحد كنا عند ناس قريبنا
يوم الاثنين عمر ابنى وقع على رجلة
وكنا راحين جاين على المستشفى
تحاليل واشاعات علشان يتاكدوا ان مفيش فيها كسر بس الحمد لله مفيش كسر بس اتشرخت ومنعوة من الحركة كم يوم بس انتوا عارفين استحالة تقنعى طفل عندة سنتين ونص انة ما يتحركش علشان كدا كنت مشغولة بية

انا الحمد لله كنت ماشية تمام التمام
على الرجيم+الرياضة+المياة+الشاى الاخضر

والنهاردة وزنت لقيتنى نازلة كيلو
كنت 113 بقيت 112
الحمد لله احسن من الثابت او الزيادة
وانا مبسوطة بية اهو يشجعنى اكمل

بيرو
الف الف مبروك على الحمل وربنا يكملك على خير ويرزقك بالذرية الصالحة ويارب النت ميفصلش تانى وسلمى على مؤمن كتيررررررررر

ندى
وحشتنى ياكبير معلش بقى اعذرينى

على فكرة ام ماية ملتزمة بالرجيم احنا طلعنا مش ساكنين جنب بعض بس اخدنا ارقام التليفونات وبنكلم بعض وهى بتسلم عليكوا بس المشكلة عندها فى الجهاز بس هى ماشية تمام

مبروك لكل لبنات اللى وزنهم نزل واللى ما نزلش ما تزعلش انشاء الله تعوضها

اسيبكوا بقى احسن الدكتور عمر صحى هروح اشوفة وافطرة وهبقى ارجع تانى

وحشنى الرغى معاكوا

**annoos_2010** · 28-10-2009, 10:48 AM

اليوووووووووووووم الميزاااااااااااااااااااااااااان

ايوة

يوم تسود وجوه وتبيض وجوه
ووجوه بتكون رماااااااااادي

هههههههههههههههههههههه

مبروووووووووووك لكل الي نزل وزنهم

طاااااااااطس

لمسة

حواااا

مرموقة

اكليل

بسملة

والباقي؟؟؟

مين فيكم عاملة كداااااا؟؟؟!!!!!

مش طلعت مش انا يا ندووووووش الحمد لله

انا كنت خايفة اكون بالموقف دة بس ربنا ستر!!!!

هههههههههههه

المهم

انا وزنت اليوم الصبح

ووزني

كاااان 78.5

وصااااااااااااار

75.9

لولولولييييييييييييييييييييييييييييييييييييييييش

يعني انا نزلت 2.6 كغم

انجاااااااااز صح؟؟؟!!!!

الحمد لله رب العالمين

على فكرة تقبل التهااااااااااني ابتداءً من اليوم

سلااااااااااااااااام

**asma_mg** · 28-10-2009, 10:49 AM

صباح الخير يارشيقات ياحلوين
انا بصراحة تشجعت اكون معاكم و انشالله بنفذ شروطك
انا بديت معاكم اليوم و شربت الصبح خلطتي المفضلة للتنحيف و هي مزيج من الزنجبيل الاخضر و الشاي الاخضر و الليمون و النعناع
و اكلت حبوب نخالة وشربت كاستين مي
و فطور الى الان مافطرت بس ناوية افطر برتقالة و تفاحة و اتغدى علبة تونة و اذا جعت حبة كريفون
انا بصراحة دبدوبة بس انشالله مع الاصرار بنزل وزني شوي شوي اصلي سمنت على الرضاعة كثير
يالله شجعوني يابنات