تجربتي في انقاص وزني 6 كيلو ومشكلتي
السلام عليكمكيفك يا بنات والله زمان عنكم
حابة احكيلكم عن تجرتبتي وبنفس الوقت بدي مساعدة
انا طولي 162 ووزني 61 بعد ما كان 67 يعني نحفت 6 كيلو صح 6 كيلو مش كتير بس كان تأثيرهم واضح جدا يعني الكل ملاحظ والكل بحكولي ما احلى جسمك هيك وبدنا نعمل متلك...انا الحمد لله وصلت لهاده النتيجة من خلال الريجيم والرياضة خلال شهرين عملت اسبوع تمر ولبن وباقي الاوقات كنت اكل كل شي بس تقريبا ثلث الكمية اللي كنت اكلها زمان وكنت اروح على نادي رياضة بس عندي مشكلة الاوراك والافخاد موجودة صح اخف بكتير من قبل لكن ما زالت موجودة وصرت لما اعمل ريجيم ينحف جسمي من فوق ووجهي كان يضرب المثل في جمال وجهي وخدودي هلا راااااحو وجهي صار نحيف وما عاد حلو متل قبل بس معلش كرمال جسمي ينحف موافقة انه يصير وجهي هيك بس ما بدي اكتر انا هلا مش عارفة كيف اتخلص من مشكلة الاوراك والافخاد دون ما يأثر على وجهي وجسمي من فوق انا حاليا ما بعمل ريجيم ولا شي يعني باكل عادي واخف من ايام زمان طبعا واكتر من فترة الشهرين اللي نحفتهم وبعمل رياضةلوحدي بالبيت مركزة عالافخاد والاوراك صارلي يومين هيك ولهلا طبعا ما في نتيجة ان شاء الله بعد اسبوع بتطلع معي نتيجة بس مش واثقة كتير.....يا ريت يا صبايا اللي عندها حل او مرت بنفس مشكلة الاوراك ولقيت حل تحكيلي اياه
صح انا هلا جسمي حلو وبشكر الله مليون مرة انه وصلت لهون بس في اشياء ما بعرف البسها بسبب مشكلتي وانا مصممة باذن الله انها تنحل لو شو ما كلفتني من جهد ويا رب التوفيق للكل
تحياتي
نور فلسطين
رد مع الاستدلال
الروابط المفضلة