السلام عليكم
اليوم بداية ان شاء الله جديده لنظام جديد في حياتي وارجوا من الله التوفيق

انا قسمت اهدافي الى 6 اهداف وكل هدف لتحقيقه يبدا بخطوه والله يثبتنا

طبعا ما ابي اسبق الاحداث
المهم هي 6 اهداف واليوم بداية
الهدف الاول

واخترت رمز لهذا الهدف وهو اللون الاحمر لانه هدف خطير ومهم وضروري وهو البدايه

الهدف الاول هو عباره عن نزول 8 كيلو ان شاء الله
وكل 3 ايام راح اقيس الوزن ان شاء الله ( هذي معلومه مهمه )

طبعا هناك نظام ثابت راح امشي عليه في هذي المرحله
النظام هو
لي باليوم 10 حصص فواكه + 4 اكواب لبن قليل الدسم
تقريبا هذا النظام ممكن ينزل بين 2 - 3 كيلو بالاسبوع
انا طبعا دخلت الرجيم المركب بالموضوع ومعروف ان الفواكه لازم تتاكل لوحدها بدون اي عصر اخر
يعني النظام حايكون فواكه بالنهار واللبن بالليل
وطبعا الماء شي مهم جدا اقل شي لتر ونص ماء باليوم يعني 6 اكواب
وفي هذي المرحله ما اشترط الرياضه لانها البدايه خلي الوزن يخف شوي

يعني مثلا
الفطور 2 كوب ماء + 7 تمرات عجوه
وبعدها بساعه او بساعتين
2 كوب ماء
وناخذ اي نوع من الفواكه
وعلى هذا الحال الين نخلص حصص الفواكه اللي عندنا
وبعدها بساعتين وهاي المده ضروره عشان نبدا بالالبان
طبعا نختار اما حليب او لبن قليل الدسم وانا افضل يكون كوبين حليب وكوبين في الليل لبن لانه يساعد على ازالة الكرش
وكذا يومنا بيكون خلص
ونستمر الين ماتنزل 8 كيلو ان شاء الله
والبدايه اليوم
والله المستعان دعاوتكم اخواتي

بالتوفيق

أعآنكم الله أخوآتي .,

السلام عليكم
انا اليوم بديت صيام لان علي قضا وان شاء الله اخلصه
عشان كذا كل يوم بالليل حايكون تقريري جاهز ان شاء الله

السلام عليكم بنات
شكرا على مرورك اختي همم وعلى دعاوتك

طبعا اليوم كنت صايمه وفطوري كان 7 تمرات عجوه وماي
وبعدها تميت اكل فواكه الين خلصت الحصص المفروضه
واكيد كنت اشرب ماي
المهم خلصت الساعه 9 ونص وعشان بدأ اشرب لبن لازن اتم ساعين
المهم تميت ساعتين على الساعه 11 ونص سويت لي كوبين حليب وعقب ان شاء الله بشرب كوبين لبن قليل الدسم طبعا
وبكمل على الماي الين الامساك
وكذا اليوم الاول خلص
ملاحظه كل مرحله تقريبا 23 يوم او اقل او اكثر بس بهل الحدود

بالتوفيق يااااااااااااااارب

السلام عليكم بنات
جزاكي الله كل خير يا جبال الثلج
على العموم انا كل يوم نفس اللي قبله مافي شي مميز عشان كذا انا راح اغيب وماراح ادخل الا يوم الميزان ان شاء الله وان شاء الله اكون نازله
يوم الميزان هو يوم الثلاثاء بإذن الله

بالتوفيـــق الكم يارب...

بالتوفيق عزيزتي

السلام عليكم
شكرا بنات على دعواتكم ومروركم الكريم

اما انا بالنسبه لي ماقدرت اصبر الين بكره عشان اشوف الوزن
الحمدالله نزلت 3.6 الحمدالله يعني باقي 4.4

وهذا نزول جيد بس هذي اول الايام لازم يكون النزول شوي سريع
وعقبال الباقي

طبعا الحمدالله كل الايام مثل ما كتبت اول اليوم واليوم بعد نفس الشي
وراح استمر على هذا النظام ان شاء الله 18 يوم يعني الباقي 15 يوم وبعدها اخذ اجازه 3 ايام عشان ادخل للمره الثانيه او الهدف الثاني ان شاء الله

السلام عليكم
اليوم كان اجازه وبكره ارجع ثاني لنفس النظام
وعملت شوية تعديلات
يوم الاثنين حا يكون فري ويكون يوم الوزن ان شاء الله