هلا بحبيباتي
جبت لكم اليوم رجيم انا جربته واستفدت منه وااايد بس والله العظيم يوم جربته ضعفت وايد ولي احلى من جذيه اني لاحظت من ملابسي صارت وسييييعه بدون مبالغه و الناس اللي حوالي قالولي ضعفانه وايد وايد وجسمي صار روعه و الحمد الله
نبدأ بالرجيم العجيب
يوم السبت
الافطار : جبنه قليله الدسم + 2 قطعه توست اسمر او الابيض + شاي مع سكر الرجيم
الغداء : نص دجاجه مشويه + خضار مسلوقه ( اللي تنباع بالجمعيه مثلجه وجاهزه بس سلقيها )
العشاء : كوب كبير عصير برتقال بعد ساعه روب قليل الدسم
يوم الاحد
الافطار : 2 بيضه مسلوقه + شاي مع سكر الرجيم
الغداء : سمكه مشويه كبيره + صحن سلطه
العشاء : شابوره + قطعه جبنه قليل الدسم + شاي مع سكر رجيم
يوم الاثنين
الافطار: 1 بيضه مسلوقه + برتقاله + شاي مع سكر رجيم
الغداء : لحم مشوي او دجاجه مشويه + حبه طماطم او خيار
العشاء : كوب حليب قليل الدسم + شابوره
يوم الثلاثاء
الافطار : شريحه جبنه قليل الدسم + توسته + شاي مع سكر رجيم
الغداء : نوع واحد من الفاكهه
العشاء : لبن قليل الدسم + توسته بس انا ابدلها بالشابوره
يوم الاربعاء
الافطار :7 حبات تمر + قهوه او شاي ( بس انا اشرب كوب لبن قليل الدسم )
الغداء : دجاجه مشويه بدون جلد
العشاء : 3 بيضات مسلوقه + توسته او شابوره + جبنه قليلة الدسم
يوم الخميس
الافطار : اختاري اي افطار من فطور رجيمي
الغداء و العشاء : اختاري اي نوع وجبه من رجيمي
يوم الجمعه
الافطار : جبن قليل الدسم + نص خبزه + كوب عصير برتقال
الغداء : لحم مشوي او دجاجه مشويه + لبن قليل الدسم
العشاء : اختاري اي وجبه من وجبات رجيمي
ملاحظاتي
ممارسه رياضه المشي لمده ساعه
شرب الكثير من الماء
صعود الدرج او السلم كل يوم لمده 10 دقايق
واي استفسارات انا حاضره حبيياتي
الروابط المفضلة