تويت
في درب الرشاقة مكملين .. ومش هنستسلم ..وبكره بإذن الله أحلى .. الجزء 14
والصلاة والسلام على سيدنا محمد
وعلى آله وصحبه ومن تبعه بإحسان إلى
يوم الدين
مش هتكلم عن مخاطر السمنة ولا عن الوزن الزائد لأننا كلنا عارفين ده كويس وفاهمينه
كلنا قرفنا وملييينا من شكلنا ده
مش ناقصنا الفكرة قد ما ناقصنا الحافز والحماس اللي يخلينا نستمر وما نستسلمش
وعشان حبينا فكرة المجموعة اللي فيها حبينا بعض وساندنا بعض وحتى هزقنا بعض هههههههههههههه
جات فكرة المسابقة دى
مسابقة حماسية لذيذة دمها خفيف هتجمعنا على مدى 5 أسابيع (والمدة قابلة للتجديد )
المسابقة هتبقى بالشكل ده
فريق القوة يكتب باللون الأزرق
وفريق التحدي يكتب باللون البنفسجى
واللي مش هتلتزم بالدايت أو الرياضة
أو شرب كمية كافية من الماء
هتاخذ إنذار
ولو اتكررت المخالفة مرة تانية هتنزل فريق الهزيمة
وتكتب باللون الرمادي
أهم حاجة
مطلوب الالتزام والجدية في كتابة اليوميات كل يوم بيومه ومش هسامح ابدا في اي تهاون في الموضوع ده
بالذات
الالتزام بالحضور والتفاعل مع البنات
عدم الغياب واللي تغيب 3 أيام تفصل من المسابقة الا لعذر قهري
واللي تغيب وترجع أهلا وسهلا بيها .. بس خلي بالك بعد 3 غيابات متكررة مافيش رجعة لأن أكثر حاجة تسبب
الإحباط ليكي ولغيرك
الغياب الكثير
الالتزام كمان بما لا يقل عن لتر ونصف مية
واهم حاجة الرياضة مطلوب منك 40 دقيقة رياضة يوميا ايا كان نوعها عدا يوم الجمعة
الوزن هيبقى يوم الخميس الصبح و يتبعث عالخاص وليكى وجبة فري يوم الوزن او اليوم اللي بعده بالكتير
كل أسبوع هتبقى فيه فكرة جديدة هعلن عليها في وقتها
كل فريق هيبقى ليه قائدة ونائبة
العمل هيبقى جماعي وأي واحدة تتكلف بعمل مش مسموح انها ترفض
هتبقى معانا مدربة رياضة
هيبقى فيه تحديات ومسابقات لذيذة حماسية
وهيبقى فيه كمان شعارات
لكل الانجازات المميزة
شعار اليوميات كل فريق بلونه
تسهيلا على القائدات المتابعة
واليوميات اللي من غير شعار مش هيتعلق عليها ولا هتتاخذ بعين الإعتبار
شعار المجموعة
كل فريق بلونه
شعارات المجموعة من تصميم الغالية ليندا
من قسم التصاميم
جزاها الله عنا خيرا
يالا نبتدي مشوارنا بعون الله وإخلاص النية لله
بالحفاظ على صحتنا اللي هي أمانة من رب العالمين هنتحاسب عليها
وإننا نبقى قدوة لأولادنا وقرة عين لأزواجنا
يالا نفتح صفحة جديدة
نبدأ حياة جديدة كلها صحة ونشاط
نعلي همتنا ونقوي إرادتنا
وأحلى حاجة اننا كلنا سوا مع بعض أحلى صحبة
وأحلى أخوة في الله
وبكره بإذن الله أحلى وأحلى
كل فريق يكتب بلونه
اللون الأحمر للقائدات لما يبقى فيه تعليمات أو شيء مهم
فمن فضلكم أي واحدة مشغولة ومش قادرة تقرا اللي فات
ياريت تمر مر سريع على الصفحات وأي كتابة باللون الأحمر ضروري تنتبه لها
اليوميات تتكتب بدري أقصى أجل ساعة 10 تانى يوم بتوقيت المنتدى
قبل نهاية اليوم ألاقي تقرير بالغياب والحضور من القائدات
ويتابعو البنات المتأخرين في تنزيل اليوميات وممكن تتعاقب بأي عقاب هما يشوفوه
كل قائدة لازم تكون حريصة على مستوى فريقها وإنه يكون الأفضل
أي مخالفة تاخذي كارت أصفر
تاني مخالفة تنزلي فريق الهزيمة الرمادي
كل أسبوع كل قائدة ترشح بنت من فريقها تمسك القيادة لمدة أسبوع تحت إشرافها
هيبقى فيه شعار لأكثر واحدة نزلت وزن وشعار لأكثر واحدة لعبت رياضة
وشعار لأول واحدة تنزل فريق الهزيمة
والنتيجة هتبقى بالنسبة
آخر الأسبوع الوزن يتبعث على الخاص ضروري وممنوع ذكره على العام
الوزن يتبعث يوم الخميس بدري عشان نلحق نعمل النتيجة بدري
ونعلن عن تحدي الأسبوع اللي بعده
مش هتسامح في الغياب نهائي
بعد 3 غيابات متكررة مالكيش رجعة معانا
بالتوفيق جميعا
تعليق