مساء الفل والياسمين
مساء تغمره السعاده والمحبة بيننا
اليوم راح اتكلم عن تجربتي مع الرجيم
بعد مالقيت قبول من البنات ويريدوا يستفيدوا من تجاربنا
بعطيكم نبذه مختصره عني قبل الرجيم وبعده
نبدا بسم الله ....
قبل الرجيم ماكنت اهتم بشكلي اي شي عادي عندي
لما كنت ادرس بالمتوسطه والثانويه ماكنت اخذ وقت الفسحه للأكل وهذي عاده مو كويسه
اتعودت انا على كذا
بس منتظمه على الفطار الصباحي امي الله ايخليها ويحفظها لي ماترضى نطلع بدون فطور
باكل الفطور واروح وطول الوقت على الفطور ارجع البيت اي شي قدامي باكله
كنت ارجع الاقي سندويشات باكل فطاير اهم شي اني آكل واسد الجوع
اخلص اكل اصلي وغدا بعدها لسه الاكل ماتحرك في بطني
بتغدا ونام وقت ماجلس الى الكتب عشان المذاكره
وانا اذاكر جنبي شيبسات وحلويات لاني بحبها كثير
وبيجي العشاء اتعشا ونام بعدها مباشره مانتظر حتى الاكل ينهضم
طول الاسبوع انتظر يوم الاربعاء متى يجي تعرفوا ليش ؟؟؟؟؟؟؟؟
طول الاسبوع مش باكل في المدرسه بجمع المبلغ للاسبوع كله ويوم الاربعاء بشتري كل شي بالمبلغ كله وباااااااكل الين ماقول بس
مااخلص اكل الا لما يخلص المبلغ من عندي
ارجع البيت غدا انام
اجلس المغرب بس اصلي ونجلس الى العشا اتعشا ونام بعدها
هذا يوم من ايامي قبل
كل سنه بوسع المريول لانه بيكون ضيق عليه
اتخرجت من الثانويه وعندي احلى وزن بس ماكنت دبدوبه كثير
بعد ماتخرجت جلست في البيت وماعندي شي انشغل فيه فكان كل وقتي اكل
ماكنت اكل اي شي
باكل شيبسات وحلويات (( بحب الجالكسي والمارس والباونتي )) ومع كل شيب او حلى باخذ عصير او شاني او ميرندا
كانت تمشي الايام مثل بعضها وباكل ونام
اول يوم اخذت فيه قراري للرجيم
كنا جالسين وكل وحده تتكلم عن الي تحبه ومثل كذا شغلات انا جلست اتكلم وعادي عندي
لقيت اخوي يقول لي انتي بتظلي تاكلي مابتدخلي من الباب (( هذي الكلمه هزتني كثير ))
جلست افكر في الكلمه كثير كيف وكيف ليش وتساؤلات ؟؟؟؟
كلمت اختي وقلت الها بصراحه قولي لي انا دبدوبه كثير او لا؟؟؟؟؟؟؟؟
قالت اي وبكل صراحه منها
قلت الها طيب ايش اعمل
عطتني كتاب من عدها
رجيم مافيه غير سلطات وبروتين بس
كان كيميائي شاااااااق متعب كثييييييييييييييييير
اتبعته اسبوعين كاملين
اول اسبوع لي لما اجا اخوي قال ضعفتي
الاسبوع الثاني قال ضعفتي اكثر اسكت ماتكلم
بعدها وقفت الرجيم ماتحمل ان في شغلات كثيره ماباكلها
قررت بعدها ادخل جيم واختي ساعدتني ودخلت معاي
لما قلت بدخل الكل بيعطيني دافع وتشجيع
كانوا يقولوا اي شي يطلبوه قولي وحنا نجيب الج مانقول لا
فرررحت كثير وقتها
اول يوم الي في الجيم (( النادي ))
لما رحت ودخلت بعد ماكملت البيانات بتاعتي
قالت لي روحي للمدربه عشان المقاسات والوزن
لما رحت الها وقاست وزني
والله وقتها ماتصدقوني كيف معنوياتي متحطمه كثير انحرجت من نفسي كثير
كان وزني 110 كيلو
صدددددمه قويه لي كان الوزن
بعدا اجت التمارين ماتشد عليه (( كنت اعاني من ضيق في التنفس كثيييير مش بقدر اتنفس كويس ))
اعمل التمارين على الي اقدر
لما نخلص تقول لي امشي كان وقتها نفسي اصعد على سير كهربائي
لكن مكتوب على السير ممنوع الأكثر من 100 كيلو
عطتني نظام اتبعه
اتبعته اسبوع كامل
الميزان الاربعاء
لما صعدت على الميزان 5 كيلو فقدت
فرررررحت بقووووووووه
كان كل اسبوعين نظام جديد والتمارين كل يومين احاول ازود
في الليل اطلع امشي ساعه ورجع البيت مع اختي
عدى الشهر الأول كله
فقدت 10 كيلو بشهر
فرحت كثير قالت لي الي نزل منج السوائل قلت الها اهم شي تحرك الميزان
بعدها صرت اروح واعمل الرياضه معاهم كامله
واصعد فوق السير الكهربائي
وهذي بعض التمارين
كل تمرين 100 او 50 مره
في تمارين للكره والاستبس والعصا حلوين كثير
ظليت ملتزمه بالرجيم والرياضه ساعه كامله في الجيم
وعلى حسب اذا قدرت اعمل مشي بالبيت اولا
نزلت 25 كيلو
نزلت من
110 الى _____________________ 85 كيلو
في 4 شهور
صار جسمي حلو تركت الرجيم
يتبــــــــــــــــــــــــــع ...........
الروابط المفضلة