رجيم السعرات بطريقة سهله مررررره نحفت 103 الي 74
[COLOR="Blue"][رجيم سعرات
الاسبوع الاول من4 ل7 كيلو (حسب طبيعة الجسم والسن واذا كان اول رجيم او لا)
الاسبوع التاني من 2 ل4 كيلو
الاسابيع التالية كل اسبوع اتنين كيلو
اهم حاجة الالتزام
خسيت عليه29كيلو من 103 ل74 بس خدت وقت شوية عشان ماكنتش منتظمة
وماما خست50 كيلو من 120 ل 70 كانت بادية قبلي وخلصت بعدي
النظام
يحتوي النظام على 6 بنود ده هيبقى اكلك طول اليوم قسميهم بالطريقة اللي تناسبك
البند الاول: الالبان:
كوب ونص لبن خالي الدسم او 2كوب زبادي لايت
البند الثاني:النشويات:
3/4 رغيف بلدي(ماعرفش عنكوا اسمه خبز اسمر ولا ايه)
او 3ملاعق ارز مسلوق(طبعا بمية بس من غير زيت)
او حبة بطاطس مسلوقة
البند الثالث:اللحوم:
ربع دجاجة (من الصدر مسلوقة او مشوية بدون اي سمنة او زيت ومنزوعة الجلد )
او سمكة بلطي في حجم الكف(مشوية طبعا)
اوقطعة لحم بتيلو في حجم الكف مسلوقة او مشوية
او قطعتين جبنة قريش في حجم البيضة(دي للمش عايزة لحمة)
البند الرابع:
بيضة مسلوقة
البند الخامس:الخضراوات:
كمية غير محددة من الاتي:
كرنب -جزر(واحدة فقط) -قرنبيط-خيار-سبانخ-طماطم-خس-كوسة-خرشوف-عصير لمون-فاصوليا خضر-بصل-جرجير
البند السادس:الفاكهة:
ثمرة تفاح متوسطة الحجم او 1 موزة صغيرة او 2 جوافة صغيرة او 1 برتقالة متوسطة او 2 كمثرى صغيرة او 300 جم فراولة او 500 جرام بطيخ او500 جرام شمام او2 خوخة متوسطة او3 يوسفي كبيرة او 3برقوق كبيرة او1 مانجو صغيرة
----------
يتم اختيار صنف واحد من كل بند يوميا
ملاحظات:
-يجب شرب كوب ماء دافيء على الريق وقبل النوم
-ممنوع الشرب اثناء الاكل اوقبله او بعده بربع ساعة
-يمكن اضافة الملح والفلفل والبهارات والاعشاب والجيلاتين والبصل والتوم
-يمكن عمل الارز او الخضار على شوربة الدجاج او اللحمة المسلوقة(البند الثالث)
-عند الجوع ممكن اكل جريب فروت اوخضراوات(الموجودة في البند الخامس)
-يمكن شرب الشاي القهوة الليمون عصير جريب فروتعصير طماطم بيبسي او سفن دايت(باي كمية)
-ممنوع استعمال الزيت او السمن
-ممنوع استعمال السكر الطبيعي ويستبدل بسكر منخفض السعرات
نصائح تساعدك على انقاص وزنك:
-يجب ان تقتني ميزان صغير الحجم لمتابعة وزنك
-لا تاكلى الا عندما تشعري بالجوع
-يجب ان يكون غذائك في متناول يدك
-عدم شراء طعام غير الموجود في النظام
-عدم شراء اطعمة وانتي جوعانة
-لاتضعي على السفرة اكتر من الكمية المقرر تناولها
-يجب الاكل ببطئ ولا تبتلعي الطعام الابعد مضغه جيدا
-تناول الطعام بالشوكة والسكين
-حاولى ان تفعلي شيء اخر بجانب تناول الطعام
-عند الشعور بالجوع حاولي ان تشغلى نفسك بشيء اخر
(المشي الاستحمام الكلام في التليفون قراءة كتاب)
_____________
طبعا تحاولي تلتزمي بالنظام على قد ماتقدري
اليوم اللي هتبوظي فيه النظام تعاقبي نفسك بعده بانك تمشي يومين بنص اكل(يعني تاخدي نص كل بند)منها عقاب ليكي ومنها تنزلي اللي زودتيه في التبويظ
--------------
التثبيت:مهم جدااا
لازم تثبتي عشان ماترجعيش اللي نزلتيه انا ماثبتش زيدت 10 كيلو
طبيعي اما بتبقى عاملة رجيم وبترجعي تاكلي الوزن بيزيد من2الى5كيلو(لانك بترجعى لنظام اكل طبيعي) عشان كدة اعملي حسابك تبقى منزلة وزنك عن المطلوب تقريبا5كيلو
فترة التثبيت 4 اسابيع وبيعتمد على العودة لنظام الاكل الطبيعي بالتدريج
الاسبوع الاول :الرجيم السابق ويوم فريfree
الاسبوع التاني:يومين فري (مايكونوش ورا بعض)
الاسبوعالتالت:الفري يوم بعد يوم
الاسبوع الرابع والاخير يومين رجيم والباقي فري(اليومين مش ورا بعض)
وبعد كدة تاكلي عادي ويفضل عشان تحافظي على وزنك تعملي كل اسبوع يوم رجيم ينزل اللي زودتيه في الاسبوع
بند الالبان:100سعر
بند النشويات:من200 ل280
اللحوم:220 سعر
البيض:75
بند الخضراوات:40
بند الفاكهة:من80 ل120
دهون(دي سعرات زايدة بتبقى في الاكل غصب عننا زي اللبن خالي الدسم بيبقى فيه برضو نسبة دهون اللحوم مابنقدرش نشيل منها الدهون نهائيا):من90ل135 سعر
بس احنا نحاول نلتزم ديما بالاقل يعني الحاجات اللي فيها من كذا لكذا نحاول يبقى الاقل (لان الرينج ده هو عامله احتياطي لان ماحدش يقدر يحسب سعراته بالمللي فاما يبقى اساسنا800سعر يبقى لوفيه زيادة مش مقصودة مش هنعدي ال1000 لكن لو عملنا الاساس1000يبقى هترسى على اكتر من كدة
---------
انا مش مقسماها تقسيمة معينة سيباها بظروفها كل يوم على حسب ظروفه
اما بجوع بشوف انا عايزة اكل ايه من اللي مسموحلي بيه وباكله
بس ممكن اللي عايزة تقسم
تفطر مثلا ببيضة ونص رغيف وفاكهة
تتغدى فراخ وخضار وسلاطة وربع رغيف
تتعشى زبادي
او العكس
اللي تحب فطارها يبقى خفيف تفطر بالزبادي وتتعشى بالبيض والعيش
وبين الاكلات لو جاعت تاكل خضراوات اوفاكهة (لو ليها اكتر من ثمرة)تشرب شاي لمون بيبسي دايت
كل واحدة تقسم بالنظام اللي يناسب يومها
ماما عشان بتشتغل بتفطر شاي بلبن بس وبترجع بقى
بتتغدى فراخ وسلاطة خضرا او سلطة زبادي وخضار وساعات ربع رغيف
وتتعشى بالبيضة ونص الرغيف وكوباية لبن
يعني اي تقسيمة بس المهم الالتزام بالبنود والكميات
-------------------
رجيم سعرات لرمضان انا لقيت ده شوفوا لو ينفعكوا
رجيم بحساب السعرات الحرارية
السحور اليومى :
طبق فول صغير بالبهارات والليمون وقليل من الزيت (حوالى 160 كالورى ) او بيضه (164 كالورى) او معلقة كبيره جبنه قريش (60 كالورى)
+ نصف رغيف بلدى (100 كالورى )
+ سلاطه (50 كالورى ) او علبة زبادى +معلقة عسل (115 كالورى)
الافطار :
عند بداية الافطار : اختارى صنف واحد فقط ....
كوب عصير برتقال (75 كالورى ) او 5 تمرات فى نصف كوب لبن منزوع الدسم (145 كالورى )او سلطانية شوربه منزوعة الدسم (75 كالورى )
اختارى صنف واحد من الاتى :
اللحوم : شريحة لحم مشوى او مسلوق او كفته مشويه (من 200 كالورى الى 300 كالورى على حسب نوع اللحم )
اوالفراخ : ربع فرخه مسلوقه او مشويه (200 كالورى )
او الاسماك : سمك مشوى او مدخن او جمبرى (من 200 كالورى الى 300 كالورى على حسب نوع السمك )
الخضروات : يجب ان تاكل يوميا اذا امكن بجانب البروتينات تطبخ الخضروات نى فى نى او بمعلقة صلصه واحده او يمكن الطبخ بالشوربه المنزوعة الدسم الخضروات مثل : كوسه - فاصوليا - بسله ....حوالى 70 كالورى على حسب النوع )
السلاطه : ايضا يجب ان تاكل يوميا اذا امكن طبق صغير من السلاطه ( 50 كالورى )
النشويات : الارز المسلوق 3 ملاعق كبيره (200 كالورى )يمكن طبخ الارز بالشوربه المنزوعة الدسم و اذا اردنا اضافة طعم الذ للارز يمكن وضع معلقة كارى صغيره لكل كوب ارز اوماج مكرونه مسلوقه (150 كالورى)
التحليه : ثمرة فاكهه ...(حوالى 50 كالورى وذلك على حسب نوع الفاكهه)اوشريحة كيك (100 كالورى ) او كاس جيلى (85 كالورى )اوقطعة شوكولاته (150 كالورى )
اذا لم تستطيعى مقاومة الحلويات فيجب ان تعلمى ان .......
البقلاه ال 100 جرام (حوالى قطعتين ) = 540 كالورى
الكنافه ال 100 جرام (2 قطعه متوسطه ) = 340 كالورى
ام على ال 100 جرام = 455 كالورى
الارز بالبن ال 100 جرام = 144 كالورى
المكسرات :
اللوز ال 100 جرام = 598 كالورى (الوحده حوالى 6 كالورى )
البندق ال 100 جرام = 289 كالورى
الزبيب ال 100 جرام = 247 كالورى
اذا اردتى المحافظه على الرجيم و على وزنك فى رمضان لا تزيدى عن 1400 كالورى يوميا وخاصة لو لم تقومى باى مجهود او عمل شاق خلال اليوم ....اذا كنتى تقومين بعمل مجهود او عمل شاق يمكن ان تزيدى عدد السعرات الى 1500 كالورى يوميا
يعني التمر ممنوع في ها الرجيم صح هذا اللي فهمته وانا كنت ابخلي التمر بدل الفاكهه عشان الصيام لازم تمر
بصى ياستي هو حاطط لبند الفاكهة من80ل100سعر
التمرة الواحدة فيها26 سعر فممكن لو عيزة تستبدليها بالفاكهة تاخدي من3ل4 حبات تمر والله اعلم
مشكوره جدا على النظام ..وانا من فتره كنت اتبع نظام الكربوهيدات
بس كنت الغي العشاء ..ونزلت 9 كيلو ب 5 اسابيع تقريبا منقول/COLOR]
رد مع الاستدلال
كتبت بواسطة { الآء }
الروابط المفضلة