تحدي ال 100 يوم لأكثر من 100 كيلو
*********

كفــــــــــــــــــــــــــــايه




دي الكلمه اللي دايما بقولها لنفسي بعد ما أكل اكله كبيره و انا عارفه انها بتخن بس الضمير ده مش عارفه ليه مبيطلعش قبل ما افتح بقي و مش بس هنا

كفـــــايه:

1. عدم ثقه بالنفس.
2. اللامبالاه و انا عارفه ان الناس شايفني تخينه و بقول اعمل ايه يعني.
3. اللامبالااه تاني لما يعجبني اللبس في المحلات و معاكي فلوس في شنطتك و بردو مش عارفه تشتريه.
4. اختيار اذواق في اللبس مختلفه عنك و بقول عجباني اوي مع انها مش عجباني اوي بس ده اللي جه مقاسي.
5. حتى في الجواز لما يتقدملك واحد و مش مرتحاله أهلك يقلولك فكري كويس و هما في عنيهم فكري يابنتي .. انتي مش كل يوم هيجيلك واحد كده.
6. كسل و فرجه على التليفزيون و تشوفي دي رفيعه ازاي و دي حلوه ازاي و انا زي ما أنا
7. الإحساس اني مش أنا و أكني مسجونه جوا بني آدمه تانيه بشكل تاني.
8. الخوف من التصوير و كل محد يصورني اقول لأ مبحبش أتصور خالص.
9. حتى في الخروج اتكسف اخرج في أمكان مفتوحه او فيها جري و تنطيط عشان الناس متضحكش عليا و يا سلام لما أصحابك يقلولك رايحين نركب خيل تقولي لأ انا بخاف أوي مع اني ولا بخاف و لا حاجه بس صعبان عليا الحصان ده لو رضي هو أساسا.
10. عدم إهتمام بنفسك.

و ده أهم حاجه الاهتمام بالنفس أو حبي نفسك و مع اني الاول كنت بقول لأ اللي بيحب نفسه يبقى أناني بس كذا مره ربنا يخليني أقراه حاجات بالصدفه كلها بتقول أذا لم تكن قادراً على حب نفسك فلن تستطع حب الغير.

عشان كده هتعلم أحب نفسي مثلا لما بنحب حد و يبقى عيان بمرض مزمن مش ممكن نعمل اي حاجه عشان نساعده و نشوفه رجع زي مكان و مرضه راح ده ان شاء الله اللي هعمله لنفسي ، مش هقول تاني أنا عاوزه أخس لو قدرت أخس 10 أو 15 كيلو يبقى كويس لأ لأ لأ أنا مش هعيش في الجسم ده علطول أنا مثلا زايده 40 كيلو عن وزني عشان كده هقول أنا لازم أخس 40 كيلو أن شاء الله

اللي عاوزه تبدأ فيكو معايا رحلة ال100 يوم أهلا بيها طبعاُ مع أي نظام تحبه المهم تحلف قدام ربنا و نفسها انها ال100 يوم دول هتلتزم بجد و من غير تهريج و لو ضعفت أو بوظت زي ما بنعمل ساعات في الدايتس بتاعتنا يبقى لازم تتحمل العقاب اللي هتتفق عليه المجموعه و اللي هيكون في الغالب لمصلحتها زي مثلا نطلب منها تمشي نص ساعه زياده او تلعب تمرين معين أو تفوت العشا كده يعني.

ال100 حتى يوم 19\6 بإذن الله و أكتر واحده هتخس في الفتره دي مع الالتزام ليها هدية مني و دي بجد


ده الجزء السادس يا بنات لموضوعنا و بالنسبة للجزء الأول و الجزء الثاني و الجزء الثالث والجزء الرابعو الجزءالخامس وده رابط الجزء6
http://www.lakii.com/vb/showthread.php?t=551711
وده الجزء السابع
http://www.lakii.com/vb/showthread.php?t=554633
وده الجزء الثامنhttp://http://www.lakii.com/vb/showthread.php?t=556736
وده الجزء التاسعhttp://www.lakii.com/vb/showthread.php?t=558195
وده الجزء العاشرhttp://www.lakii.com/vb/showthread.php?t=559780

عاوزين نشاط زيهم كده اظن الاجازات بدات ومفيش حد مش هايخرج فى الصيف يالا قبل المصيف وقبل حلول رمضان عاوزين نقطع شوط كبير فى الريجيم نحو رشاقتنا وجمال اجسامنا

السلام عليكم ورحمه الله وبركاته
مبروك علينا الجزء الجديد ياا لهام
وانشاء الله يكون فتحه خير علينا جميعا

الجزء الجديد


يا رب تكون فتحة خير علينا يارب

ازيك يا حوا حبيبتى عامله ايه
طمنينى عليكى وعلى اخبارك

الهام عامله ايه فى الدايت ربنا يوفقك يا رب

انا الحمد لله تمام وماشيه زى الالف

الفطار 2 بيضه مسلوقه ونص برتقاله
الغدا لحم مفرومه وسلطه
العشا 2 بيضه عيون فى الطاسه من غير اى دهون( يعنى نوع من التغير وبرتقاله

فيروزتى عامله ايه يا روحى
على فكره فيروز رجليها تعبانه قوى النهارده وبناتها الاتنين تعبانين
ربنا يشفيكم يا رب

ازىكو يا كتا كيت عا ملين ايش
الفطار نسكافية باللبن منغير سكر وتفاحة
الغداء علبة تونة وسلطة وعيش سن
العشاء كوب زبادى

حوا انا بعتلك رسالة خاصة رديت فيها علي رسالتك
ابقي اقوليلى بس جت ولا لا لاني لسة مستجدة في الشات وكدة يعنى

جيجانووحشتىنى يا قمر واللة كلامك حلو وبيصبر الواحد
شوىة على فكرة انا رديت عليكى بس في الجزء الى فات
وربنا معانا كلنا ونخلص من شبح السمنة بس منخلص من بعض

الهاملازم طبعا نكون واثقين من نفسنا
واللة اوعدكو كلكو انى هحاول هتغلب علي الحالة دى ان شاء اللة
لانى زهقتكو انا عارفةوانا هقول لنفسي واقولوكو من النهاردة
يجب ان نحب ما نعمل حتي نعمل ما نحب
ولالا لا لا لا لا لا لا لا لا للسمنة بعد اليوم
فيروزالف سلامة علي رجلك يا قمر
والف سلامة علي بناتك هو دور ماشى ان شاء اللة ربنا يطمنك عليهم ويبقوا كويسين
بس بصرة عندك بنتين زى
ام لؤلؤ فينك يا قمر مش باينة خير ان شاء اللة
رفيقةانت كمان مش موجودة بقالك فترة ان شاء اللة تكونى بخير
سكن الوحينانت فين مش موجودة لية معانا
انا من يوم ما دعتلك وانت مختفية
انا دعتلك ربنا ان شاء اللة يرزقك بالخلف الصالح انت واختي وميمى وكل من عايز
انا دعيت كدة مدعتش انك تختفي
ربنا يطمنا عليكو كلكو ان شاء اللةوترجعو علي خير

بنات يلا نقول

يجب ان نحب ما نعمل حتي نعمل ما نحب
ولا لا لا لا لا لا لا
للسمنة بعد اليوم
الاكل حلو بس الصحة واللبس والثقة بالنفس احلى مليييييييييييييييييييييييييون مرة

ايه الحيويه والنشاط ده يا نونوش
ماشاء الله عليكى ياحبيبتى
ايوه كده احنا عايزينك تبقى متحمسه كده على طول علشان حتى تشجعينا احنا كمان
ربنا يخليكى لينا يا قمر
ويرفع من معنوياتك دايما يا رب

وانا هقول زييك بالضبط


يجب ان نحب ما نعمل حتي نعمل ما نحب
ولا لا لا لا لا لا لا
للسمنة بعد اليوم
الاكل حلو بس الصحة واللبس والثقة بالنفس احلى مليييييييييييييييييييييييييون مرة

يلا يابنات غيرو بقه من نونوش وخليكوا نشاط زيها كده
وعلى فكره انا قريت كلامك فى الجزء اللى فات ومبسوطه جدااااااااااااااا للى وصلتيله دلوقتى
علشان كده خدى منى اللى باقة الورده دى



يلا تصبحوا على الف خير وعلى صحه افضل يا رب

صباح الخير

عاملين ايه يا بنات
انا شايفه الريجيم ماشى تمام الحمد لله
حوا انتى فين مش موجوده اليوم

السلام عليكم ورحمه الله وبركاته

مبرررررررررررروك الجزء الجديد ما شاء الله
الجزء بيخلص بسرعه وده لاننا موجودين دايما
ياااااااااا رب ما يفرقنا ابدا