الله يحيك ويبقيك يا جهينه ....لساني يعجز عن الشكر لإهتمامك لموضوعي ...
اما بالنسبه لبشرتي فهي الحمد لله مافيها مشاكل ...ما عدا انها دهنيه على الأنف وجوانبه...
و هذا هواللي متعبني وقت لما اضع بودره اوكريم اساس لمناسبه ما...
وانا ماتفرق معاي سواء كانت المنتجات من البودي شوب اوغيره المهم انها تكون مجربه
ومضمونه سواء كان المقشر او المرطب...وانا قلت البودي شوب تدرين ليش لأنها اعتقد
ما فيها مواد كيميائيه كثيره لكن سمعت من اخوات ان منتجات البودي قد تحتوي على جراثيم او ميكروبات لأنها ما فيها مواد حافظه لذلك تضر البشره....
وانا اعرف بنت عمي استعملت مجموعه من مستحضرات العنايه بالبشره ماركة roc من بيضون
وكلفتها مبلغ مو بسيط بعد فتره من استعمالها ظهرت حبوب سوداء على بشرتها ........
عاد تعرفين انا اخاف احط اواجرب شئ ما اعرفه ولااعرف احد استعمله لذلك اتمنى ان خبرتك وتجربتك تفيدني واشكرك مره ثانيه والله يجزاك خير على اهتمامك...

اختك انفال

سبحانك اللهم وبحمدك استغفرك اللهم واتوب اليك

اختي جهينه عسى ما شر ....
ما زلت لانتظار ردك ..... وعسى المانع خير انشاء الله.

انفال

اختي العزيزه انفال
اسفه جداااااا اني تاخرت بالرد عليج ,ما حطيت بالي ان فيه رد منك ...عموما بشرتك من النوع المركب اللي دهني عالانف والجبهه ولو لاحظتيمناطق الدهون بوجهك تشكل حرف T .
مستحضرات البودي شوب ما فيها شي وماعتقد ان الكلام اللي قالو لك عنها صحيح ...انتي محتاجه تونك لتنظيم افراز الدهون ومرطب حتي ماياذيج افراز الدهون مع كريم الاساس مبدئيا البودي شوب زين لكن اسمحيلي بفرصه ادور علي ماركه ثانيه جيده من ناحيه الجوده والماحيه الماديه..وابلغك باسم المستحضرات ..وتحت امرك يالغاليه

اشكرك يا جهينه وما قصرتي عسى عمرك طويل ....

ادري تعبتك معاي ... وكلفت عليك...وما قصرتي الله يجزاك خير وانا بانتظار ردك انشاء الله.
اختك انفال

اختي الغاليه انفال حاولت اني ادور اكبر قدر ممكن من الماركات
عندك كريم اويل اوف يولاي المرطب (كومبليت) ممتااااز جدا ممكن انك تستخدميه كبدايه مع تونك جونسن -الازرق-وهذا مجرب....ايضا في كريم لانكوم للبشره المركبه جيد ..واستي لودر ..وطبعا لازم اقول لج ان مجموعه لانكستر لبشرتك وايد حلوه وصدقيني تري سعرها معتدل يعني نوعا ما غالي لكنها تكفيج لمده 3اشهر واكثر يعني لو حسبناها نفس سعر الكريم الرخيص اللي نشتريه كل شهر انا شريت المجموعه كلها ب28دينار يعني تعادل 290ريال عندكم وكانت وااااايد حلوه وشفت نتيجه ممتازه بعد فتره بسيطه ...
انفال بغيت اسالك سؤال صغير اذا سمحتي انتي قلتي انك تعاني من القشور علي منطقه الانف وبعدها قلتي ان هالمنطقه دهنيه ممكن تشرحي هالشي مره ثانيه ..لاني بصراحه شاكه ان بشرتك جافه مو دهنيه..اسمحي لي عسي ما ازعجتج وطولت عليج..

يا هلا والله بجهينه ويا مرحبا .......وابد والله ما ازعجتيني افا عليك ولا شي ...
وانا جدا اشكرك على اهتمامك ومستمتعه بالتواصل معك على هالموضوع....واستفيد منك باللي جربتيه ... واحب اكر لك شغله وهي اني من الكويت...يعني ال28 دينار بتطلع علي 28 دينار
وانا قلت من الأول اهم شئ ان يكون مجرب وله نتائج فعاله ومومشكله الماركه او قيمتها ...اهم شئ النتيجه(بشره نضره ومرتاحه)....
وانا بشرتي دهنيه في منطقة الأنف حتى الجبهه على شكل حرف T....

وجزاك الله خير وما قصرتي.
اختك انفال.
سبحانك اللهم وبحمدك استغفرك اللهم واتوب اليك

هلا عزيزتي انفال انا عضوة جديدة اتمنى ان القى عندكم القبول ..
سوي هذي الوصفة وان شاء الله حتدعيلي وعلى فكرة النتائج فورية ..
خذي ملعقة قشطة وملعقة حليب سائل ونصف الملعقة ملح ناعم
امزجي هذه المقادير جيدا افرديها على الوجه مع التدليك البسيط واتركيها على وجهك من الليل اي قبل النوم الى الصباح .. اغسليها بالماء جيدا ولاحظي الفرق ... هاه لاتنسين تدعين لي .

يا هلا والله باختنا العزيزه فراشه....ويا مرحبا..
اشكرك على ردك وراح اجرب وصفتك انشاء الله ...وابدعيلك مقدما ..الله يوفقك يا رب ويجزاك خير وما قصرتي لكن عندي استقسار الله يعافيك ..
يعني اغطي وجهي فيها حتى تابس او افرك فيها البشره ...وانا اشكرك مره ثانيه الله يعطيك العافيه.
اختك انفال
سبحانك اللهم وبحمدك استغفرك اللهم واتوب اليك.

شوفي يا عيوني :
افردي الخليط على الوجه بكامله ما عدا منطقة العينين يعني قناع للوجه بعدين تسيبيه ينشف على وجهك طوال الليل , وفي الصباح تغسليه .. ارجوا ان تكون وضحتلك الطريقة . وبالتوفيق .
الفراشة .

جزاك الله خير .......
عافاك والشر ما جاك يارب.
اختك انفال