مرحبا احبابى النهارده جايبه ليكم ملف كامل
عن كل ما يخص جمال المراه
يارب يعجبكم

اسس وقواعد

1) المياه : كل يوم لازم تشربي 8 كبايات مية او لتر على الاقل
انا عن نفسى بشرب كباية قبل كل صلاة وبعدها

2) الرياضة: الرياضة جزء لا يتجزء من يومنا العادي دي مهمة جدا لصحتنا
مهمة لشد جسمنا حتي الرفيعة بتبني عضلاتها فيبان جسمها متقسم
على الاقل المشى نصف ساعة كل يوم

3) النوم: يجيب ضبط مواعيد النوم لكى تعالج هالات سودا وارهاق بشرة

جدول اسبوعى خاص بى

1) كل يوم باخد شاور عادي معناه
(شاور جل +زيت زيتون+مية ورد+نقطتين برفان مركز
وبعدين ترطيب الجسم بزيت زيتون او بيبي جونسون
نقطتين عطر مركز او بودرة معطرة

2) كل يوم 5 مرات بعض كل وضوء ناخد الحجر
الخفاف وندعك كعب رجليك خفيف خفيف

3) اول مانصحي من النوم وقبل مانام هانمشط الشعر بمشط خشب
مش فرشة ولا مشط بلاستيك لازم علي الاقل التمشيط
قبل النوم مساج للفروة بتونيك منشط للشعر يكون عندك
او حتي نقطتين بس زيت زيتون علي اطراف ايديكي
وعلي الفروة بس وتعملي مساج خفيف بعد ماتسرحي شعرك
وطبعا ده بليل بس الصبح بس تسرحي

4) كل يوم قبل النوم هاتجيبي علبة الجليسوليد
وتعصري عليها ليمونة وتدهني ركبك وكوعك

البشرة

للبشرة صافية
هتجيبوا صابونة اسمها (البابايا 5×1 ) من عند العطار وحطيها في الحمام قدامك
على طول وكل ما تدخلي الحمام تغسلي وشك اغسلي بيها وشك ورقبتك بس من غير اي حاجة تانية

قبل النوم رشي على وشك الكوكتيل دة
( عصير ليمون + مغلي شاي أخضر + ماء ورد )
وحطيهم في زجاجة ليها رشاش وحطيها في التلاجة
وكل يوم قبل ما تنامي على طول وانتي داخلة السرير
رشي منها على وشك ورقبتك ونامي والنتيجة 100%

للبشرة اكثر اشراقا
لكي تصبح بشرتك نظيفة وفاتحة استخدمي و بالتدريج هذهالمواد...
- اغلي البطاطا حتى تصبح قابلة للهرس (احترسي من حرقها)
- ومن ثم اهرسيها في صحن مع قليل من الروب وملعقة من النشا (نشا الذرة) وبذلك تصبح متوسطة لامائية ولا غليظة .
- ثم افرديها على وجهك أول مرة لمدة ربع ساعة في كل اسبوعومن
ثم 20 دقيقة وهكذا حتى يتعود وجهك إلى أن تصبح لمدة ساعة وستجدين الفرق في نص هدومي

النظام اليومى للبشرة

البشرة العادية او جافة : اغسلي وشك مرة واحدة بالغسول وبعدها التونر
(ممكن تستعملي مية الورد كتونر )
ومرة تانية بس بالتونر وبعدين ترطبي بشرتك بالكريم بتاعك
ويوم في ويوم لا هانعمل ماسك خفيف عبارة عن
(معلقة زبادي+نشا+لبن بودرة+مية ورد)

البشرة الدهنية : يبقي هاتغسلي 3 او 4 مرات بشرتك بالغسول وبعدها بالردة
(ردة+مية دافية)وادعكي وشك علي خفيف
وهاتعملي بردو نفس الماسك بتاع الزبادي والنشا
بس تضيفي ليمون (بس لو في حبوب نشطة يبقي لا)

للتفتيح البشرة

اللبن الرايب : يعنى حتغمسى القطنة فى اللبن الرايب
وتمسحى بها وشك وسبية ساعة وبعدين اغسلى وشك

الاقنعة الطبيعية للبشرة

1) قناع الشوفان

: يتم عمل قناع الشوفان بإضافة ملعقتين من نبات الشوفان إلى 150 ملليمتر ماء مع الغلى
برفق لمدة 5 دقائق وتصفيه السائل واستخدامه كقناع على الوجه
والعنق ليجف ثم يغسل بالماء الفاتر
ومن فوائد هذا القناع هو منظف جيد للبشرة ويشد البشرة ويزيل التجاعيد.

2) قناع الخميره

: هضعي ملعقه كبيره من الخميره
في نصف كوب من الماء الفاتر(يجب ان يكون لاحار ولا بارد)ثم حركيه جيدا
واتركيه الى ان ينتفخ وتتكون الرغوه ثم خذي الرغوه
(الرغوه فقط)وادهني بها وجهك واتركيها لمدة نصف ساعه
الى ان تجف ثم ازيلي القناع بغسل وجهك بماء دافئ .
هذه الطريقه تفيد لحب الشبا ب وتساعد في تنظيف البشره وتفتيحهاونعومتها

3) قناع الخيار والشوفان

لتنظيف البشرة وعلاج الحبوب :
المكونات : ـ 1 ملعقةكبيرة من عصير الخيار. ـ
1 ملعقة كبيرة من الشوفان.
التحضير والاستعمال : يخلط العصير بالشوفان جيداً لصنع
عجينة. تُفرد العجينة على البشرة لمدة 15دقيقة ، ثم تُمسح بالماء البارد

4) قناع التفاح

للبشره الدهنيه:
تفاحه مبشوره من دون قشر + ملعقة عسل + ملعقة طحينه
مزج الخليط سريعا ويوضع
على البشره لمدة 20 دقيقه ، ثم يزال عن الوجهبالماء...
ويوضع بعدها الكريم المناسب للبشره

5) قناع الترمس:

لمعالجة الكلف والبقع على الوجه
ضعي ملعقة صغيرة ترمس
وملعقة صغيرة حلبة
وملعقة صغيرة زبادي
ثم افركي فيها الوجه والرقبة
واجلسي ثلث ساعة بعدها قشري واغسلي إذا كانت بشرتك جافة ضعي ملعقة عسل ..
وأكدت دراسة علمية حديثة أن فوائدالترمس لا حصر لها ..فهو :* يقوى الأعصاب وينشط الجسم*
ينبه القلب* يحمى من الإصابة بسرطان الأمعاء* مدر للبول* طارد للديدان* مضاد للأمراض الجلدية كالإكزيما والصدفية*
يقللمن البثور فى الوجه*يزيل الكلف و القروح* فاتح للشهية لأنه غنى بالكالسيوم و الفسفور* مفيد لمرضى السكر .

منظّف الجريب فروت ودقيق الذرة

ـ للبشرة شديدة الجفاف :
المكونات : ـ 1 ملعقة كبيرة دقيق ذرة. ـ 1 ملعقة كبيرة من قشر الجريب فروت المبشور جيداً. ـ 2 ملعقة كبيرة من الكريمة
. التحضير والاستعمال : تقليب المكونات مع بعضها البعض لعمل خليط متجانس. يُنشر الخليط على بشرة الوجه مع تجنب المناطق الرقيقة
حول العينين ، وذلك بعملتدليك بأطراف الأصابع في حركة دائرية خفيفة ، مع تركيز التدليك على المناطق ذاتالخطوط مثل الذقن
وحول الأنف.. ثم يشطف الوجه بماء فاتر ، ويجفف يمكن استخدام هذاالمستحضر يومياً
. وهو يناسب خصيصاً حالات البشرة الجافة والبشرة شديدة الجفاف.. حيثيطرِّي الجلد وينظفه تنظيفاً عميقا

_________________

الرؤؤس السودا

1) ظبط النوم علي الاقل 8 ساعات في الليل

2)اكل طبق سلطة كل يوم ده ضروري عشان الحديد وتعصر عليه ليمونة كبيرة عشان فيتامين c

قناع للرؤؤس السودا

ملعقة عسل +ملعقة حليب يمزج الخليط جيدا ويوضع على العين
لمدة 3 دقائق ،ثم يزال بماء بارد
،ثم توضع كمادات بماء الورد البارد على العين لمدة 5 دقائق

منظّف البرتقال والزبادي

علاج ممتاز للرؤوس السوداء
المكونات :
ـ 2|1 و 1 ملعقة كبيره من الزبادي.
ـ 1 ملعقة كبيرة من قشر البرتقال المبشور.
ـ 1 ملعقة كبيرة زيت عُصفُر.
ـ 1 ملعقة كبيرة مطحون الشوفان
التحضير والاستعمال :
تُخلط المكونات جميعها ببعضها البعض لعمل عجينة.
تستخدم هذه العجينة في عمل تدليك للبشرة بأطراف الأصابع
في حركة دائرية ، مع تجنب المناطق الرقيقة تحت العينين..
ويستمر التدليك لحوالي 5 دقائق.. ثم يشطف الوجه بالماء الفاتر ، ويُجفف.
يعتبر هذا المستحضر من المنظفات القوية للبشرة ومن العلاجات الفعّالة للغاية
في التخلص من الرؤوس السوداء التي تظهر بالبشرة الدهنية.
وهو يستخدم بمعدل مرة واحدة يومياً بالنسبة للبشرة الدهنية.. أما لأنواع البشرات الاُخرى ـ أي العادية والجافة ـ فيكفى استخدامه مرتين اُسبوعياً

__________________

الشفايف

بليل لازم تدهن وصفة الفازلين ودم الغزال
والصبح بفرشة سنان علي خفيف ادعكيها بخفــــــــــــة (ياريت لو تدهني شوية زيت زيتون او عسل قبل الدعك)
وشفايفك بقي هاتبقي وردي وجميلة واستمري كدا كل يوم

___________________
الشعر

نظام ال3 شهور لشعر صحي ومكثف ولامع (نظام مكثف جدا)

نظام الاسبوع

الشعر:

النظام هايكون مكثف جدا جدا

وانتوهاتتعبوا معايا شوية بس صدقوني والله النتايج باذن الله تستاهل التعب

وانا ليا بقي تكنيك قبل الوصفات والذي منه:

1-هانحاول نستخدم شامبو طبي بقدر الامكان بلاش الماركات العادية او علي الاقل هانخفف الشامبو بالمية قبل الاستعمال

(وشامبو بانثينول ممتاز للشعر ولو في قشرة يبقي شامبو سيل صن بلو ممتاز للقشرة لو استخدمتيه عمرك ماهاتشوفي القشرة تاني)

2-طبعا لازم فيتامين مقوي للشعر (فور هيل اند نيل-هير تون-بانتوجار-او لو سينترم يبقي جنان-ولو حد مسافر برا يبقي عارف سترس تاب رهيب للشعر)وشرب المية

زي ماقلنا لازم علي الاقل 8 كبايات

3-زي ماقلنا التسريح يكون بمشط خشب ويكون كل يوم مرة الصبح ومرة بليل كل مرة مرتين او تلاتة من فوق لتحت ومن تحت لفوق(هايفرق معاكم جدا بعد فترة هايفرد الشعر ويزود الدموية للشعر وهايقلل الهيشان جدا جدا)

4-طبعا احنا هانبعد تماما عن الصبغة والفرد والسشوار وكل الحاجات المضرة دي علي الاقل لمدة سنة

5-هانعمل نظام عبارة عن 3 وصفات هايلين في الاسبوع (معلش هو مكثف زي ماقلنا)

6- لازم نقص اطراف الشعر المقصفة عشان العلاج يكون علي اساس صح لان التقصيف مش بيتعالج يعني اللي اتقصف خلاص مش هايرجع تاني والشعر المقصف للاسف بيسحب علي فوق

7-لازم كل يوم بليل نعمل مساج للفروة لحوالي 5 دقايق

تونيك فازلين حلو جدا بس مش هاتلاقوه الا في هايبر كبير او صيدلية كبيرة

وممكن يوم تونيك فازلين ويوم المساج

بتونيك عبارة عن مغلي زعتر وروز ماري ويتحط في بخاخ ونرش علي فروة الشعر بس

ونعمل المساج وبعدين نسرحه زي ماقلنا ونلفه وننام(مش محتاج شطف)

احنا قلنا طبعا مفيش صبغ ولا فرد ولا الحاج الوحشة دي لمدة سنة علي الاقل عشان نرجع الشعر زي زمان

بس انا عارفة العرايس نفسهم يعملوا نيو لوك

عشان كدا عشان خاطري حاولوا تعتنوا بشعركم كويس عشان يقدر يقاوم التلف مع الصبغة

وطبعا اللي مش هاتصبغ يكون احسن

انا الخلطات بتاعتي اولها حنة وطبعا دي ممنوع الصبغ بعدها الا بعد سنة عشان كدا اللي هايصبغ بلاش الحنة ويستخدم بس الاعشاب اللي هاقولها

:

كمية حنة كويسة مثلا ربع كيلو+زيها مشاط+زيها سدر مطحون كويس

ونص الكمية قرنفل مطحون ومحلب مطحون

هاتعجني بمية بصل وتوم (القرنفل هايصلح الريحة)

معلقتين زبادي

معلقتين كبار مايونيز

معلقة عسل اصلي

معلقتين خل تفاح

معلقة خميرة فورية وسط او حتة خميرة اد البندقة

الطريقة:

هاتخلطي كل المكونات الجافة وبكدا تكون دايما جاهزة عندك تاخدي منها علي طول (ماعدا الخميرة طبعا)

لما تيجي تستخدميها خدي المقدار المناسب لشعرك

وحطي عليه من المقادير السائلة اللي قلنا عليها(الخل والزبادي والعسل ومغلي التوم والبصل)

واعجنيها قبل بيوم او علي الاقل 8 ساعات

تان يوم تقسمي شعرك اربعة وتلبسي جوانتي وتدهني خصلة خصلة

وبعدين لفيها وحطي بونيه علي شعرك

واقعدي اقل حاجة 4 ساعات او اكتر

وبعدين اشطفي بالمية بس بس من غير شامبو وبعدين شوية بلسم علي الاطراف

واشطفي شعرك كويس اوي

واول ماتطلعي من الحمام وهو مبلول ادهني الاطراف نقطتين بسسسسسسس من زيت جوز الهند ونقطتين زيت لوز

متخافيش مش هايدهنن ولا حاجة بالعكس الشعر هايمتصه بسرعة جدا بشرط الشعر يكون مبلول اوي

وصفة حمام الكريم:

2 معلقة عسل

4 معالق زبادي

4 معالق كبار اي نوع حمام كريم انتي تحبيه

ياسلام بقي لو معلقتين كبار (نواة تمر محمص ومطحون دي رووووووووووووووووعة للشعر)

لو مفيش يبقي خلاص

ربع معلقة صغيرة خميرة فورية

اخلطي المكونات مع بعض قبلها بربع ساعة وبعدين حطيه ساعتين واشطفي شعرك

بالشامبو المخفف

وصفة الزيوت السحرية:
علبة زيت جوز الهند او تقريبا كوباية ونص
ملعقة كبيرة مطحون الزعتر
معلقة كبيرة مطحونة بذور بصل (بدل ماتبشري بصل الريحة اخف كتير 1

وتلاقيها عند بتوع الزراعة والمشاتل وممكن تستغني عنها بس هي روعة

لتكثيف الشعر ومش غالية

ثوم مطحون فص واحد ويكون صغير علشان الريحة+ ورقة نعناع طازة حبتين

عشان الريحة وكمان مقوي للشعر
اخلطي المكونات وحطيها في علبة او برطمان بغطا وانقعيها لمدة يومين

وبعد كدا استخدميها

الطريقة%

ينخلط مع بعض ويوضع على الشعر مدة 3 ساعات مع مساج لتحريك الدم في فروة الراس

وزي ماقلنا بعدها بردو ندهن الزيت _جوز الهند واللوز ونقطتين من ده ونقطتين من ده والشعر مبلول اوي لازم)

علي فكرة المكونات مش غريبة وهاتلاقيها كلها عند اي عطار كويس

___________________________

الميك اب

طريقة وضع الميك اب

اولا نقوم بتنظيف البشرة جيدا ونضع كريم مرطب

ثانيا : نضع كريم الاساس ( اما بالاصابع او اسفنجة خاصة )

ثالثا : نضع الكونسيلر ( سواء قلم او كريم سائل ) نوزعه على منطقة ما حول العينين

رابعا : نضع البودرة (يستحسن بفرشاة كبيرة)

خامسا : نرسم داخل العين بقلم اسود أو ازرق غامق ( نتبع خط الرموش )

سادسا : نضع أي شدو فاتح (يستحسن ان يكون مائل الى البياض ) نضعه مباشرة تحت الحاجب
حتى نبرز شكله ثم نحاول تدريج الالوان من الغامق الى الاغمق ( دائما من الداخل الى الخارج )

سابعا : نجمل الرموش بماسكرا ( توضع على شكل زيكزاك )

ثامنا :نضع أر الخدود ( bluch)

تاسعا : نرسم الشفاه بمحدد ( ليب لاينر ) نفس لون أحملر الشفاه

وأخيرا نضع احمر الشفاه ( يستحسن وضعه بفرشاه خاصة )

___________________

البرفانات

1) Flour Bomb

للمراه الرقيقه الحالمه
عطر الاناقة والجذابية الناتج عن امتزاج مجموعة كبيرة
من الزهور مثل المجنوليا والفيوليت مع الاورشيد والليلى فى
تناغم رائع

_________________

2) B Kisabl

همسات دافئة ورقيقة من وحى الطبيعة
برفان الرقة والنعومة الجاذبية
يعطى للعطر عمق ودفء ويمتزج
مع الياسمين والمسك وخشب الصندل

_______________

3)wish of love

عطرك الدائم
عطر زهرى ناعم ويفوح بالانوثة الناتجة
من خلاصة الورد البلغارى والياسمين
مع زهرة الزعفران وخشب الصندل

___________________

4) mid night poison

للمراه مرهفة المشاعر
عبارة عن مزيج زهور اللافندار الليلى
والبنفسج مع التفاح والجريب فروت
وتشعرين به من عبير المسك والعنبر

وفى النهايه اتقدم باجمل باقة ورد لاجمل زهرة
لفكرتها العظيمة
المبدعة
ريهام

موفقة غاليتى

وعليكم السلام ورحمة الله وبركاته

ما شاء الله ملف جميل لارا

كنت اتمنى ان يكون ان تكون المستحضرات من تصويرك الشخصي لمستحضراتك

حتى تكتمل شروط المسابقه

لكن مع ذلك سعيدة بمشاركتك معنا

موفقه حبيبتي

وشكرآ جزيلآ على الورد هذا من ذوقك : )



:

ملف راائع و معلوماات قيمه
مشكورة اختي الكريمه على المشاركه
*
*

اشكرك على مجهودك

لكنك نقلتي اجزاء من الموضوع من منتديات اخرى وايضا الصور ليست من تصويرك


شكرا لملفك المفيد

شكرا على فكرتك الرائعة
وبالتوفيق

لي رجعه للموضوع

بالتوفيق قرأت الموضوع على روااااااااااااااء

موضوعك رائع بتوفيق انشاء الله

مــــــــــشكــووورة خـــــــــــيتووو..

سلمــت أنــاآاآمـــلكـــ الرقـــيقـــة,,,