امين حبيبتي الله يسمع منك
والف مبروك الولادة وقومتك بالسلامة
حبيبتي هيدا الي طبيعي بالنسبة للترهل اما العلاج فهو بياخد وقت طويل مع الوصفات الطبيعية
بس المحاولة افضل من لا شئ
شوفي حبيبتي اولا اتبعي التالي
وانتي واقفة او جالسة قومي بشد بطنك ( بلعها ) للداخل باي وقت
رح تحسي مع الوقت ان بطنك شدت
وخصوصا هلء بعد فترة الولادة بتكون البطن والجلد لسه طري اتبعي هالطريقة خطيرة والبنات هون شكروا فيها كتير
تاني شي ممكن انتي وواقفة باي وقت توقفي علي اصابع اقدامك 8 مرات كل 5 دقايق اعمليها علي قد ما بتقدري باي وقت حتي وانتي واقفة عم تطبخي
بس طبعا بعد ما تتخلصي من القطب اي الخياطة لانها لسمح الله ممكن تعملك فتق بالبطن
اشربي كتير ماء دافية عالريق
نجي للوصفات الطبيعية المعروفة لشد البطن والتخلص من الكرش
ملعقة زنجبيل + ملعقة قشر رمان يابس + ملعقة قرفة ناعمة
تغلي عالنار لمدة 10 دقائق وتتركيها لتبرد شوي وتشربيها دافية عالريق وان شاء الله رح تلاقي نتيجة
وصفة اخري م الزنجبيل
تحطي زنجبيل اخضر بالخلاط مع القليل من الماء مقدار ملعقة وتخلطيه ليصير متل الكريمة وتدهني فيه البطن وتغلفيه بالنايلون تبع الاكل
لفترة ساعة كل يوم
هو بيحرق شوي بس طبيعي مافي منو خوف بأذن الله
الزنجبيل بيحرق الدهون وبيشد الجلد هذه وصفة نزلتها اخت هنا بالمنتدي وشكرا فيها كتير البنات ومن نتائجها
وهذه صورة الزنجبيل ازا مابتعرفي شكلو
ان شاء الله كون افدتك
دعوة منك بظهر الغيب حبيبتي لاني محتاجتها
وموفقة يارب
الروابط المفضلة