السلام عليكم ورحمة الله وبركاته
إزيكم يا أخواتي عاملين إيه كلكم يارب تكونوا بخير النهارده راجعه لمنتداي الجمييل بخلاصة تجربتي الخاصة في تبيض وتوريد المنطقة الحساسة الداخلية ( منطقة الشفرين الداخليين - منطقة البظر - منطقة فتحة الشرج ) أنا المنطقه دي كانت غامقه عندي جدا عن لون بشرتي نتيجة الإحتكاك وإستخدام الفوط الصحيه وقت الدورة الشهرية أكرمكن الله وجربت كريمات كتير للتفتيح وبرضه ما لقتش النتيجه إللي أنا عاوزاها لحد ماجربت الطريقة إللي هقولكم عليها والحمد لله النتايج مذهله مهما وصفتها مش هقدر أقولكم المهم علشان ما أطولش عليكم
المكونات :
1- ملعقة كبيرة نشا .
2-بعض قطرات زيت عنب وزيت ليمون.
3- ملعقة كبيرة حليب بودرة .
4-عشبة البابوننج من عند العطار
5- صابونة تفتيح أي نوع عندك تاخدي قفشة بابوننج بملئ كف اليد وتحطيها في إناء وتضعي عليها 2لتر ماء وتغليها علي النار وبعدين تطفي النار وتسبيها تبرد وبعدين صفيها وخدي الماء بتاعها وإحفظيه في علبة زجاج لها غطاء محكم وضعيها في الثلاجة للإستخدام المتكرر ......خدي شوية ماء بابوننج حوالي نصف كوب أو كوب وإبشري جزء صغير من صابونة التفتيح وإتركي الصابون ينقع ليلة في ماء البابوننج وفي اليوم التالي إدخلي الحمام إدهني بين الفخدين والمنطقة من فوق مكان العانة ومنطقة الشفرين الداخلين وفتحة الشرج وركزي الصابون عليهم ودلكي الأماكن دي برفق بإيدك مش بالليفة وبعدين إدهني طبقة صابون مشبعة بماء البابوننج أخري علي نفس الأماكن وإتركيها عليها مدة نصف ساعة أثناء النصف ساعة بردي كعوبك بمبرد القدم أو ليفي جسمك أو إعملي أي حاجة لحد ما يعدي النصف ساعة وبعدين إستحمي عادي وإشطفي جسمك ونشفيه ولما تطلعي من الحمام إلبسي بس قميص نوم أو عباية نظيفة تكوني مخصصاها للوصفات إللي زي كدة أو للحلاوة ومتلبسيش أندر عشان تعملي الخطوة التانية من الوصفة
وهي إنك تجيبي ملعقة النشا +ملعقة الحليب البودرة +نسب متساوية من زيت العنب والليمون يكفي لجعل النشا والحليب عجينة وضعي عليهم بعض قطرات عصير ليمون ليصبحوا عجينة لزجة لكي تلزق علي المكان وتثبت عليه ويسهل تشكيلها طبعا هتدخلي لغرفتك وتقفلي على نفسك الباب من جوه علشان محدش يدخل عليكي وإفرشي حاجه على الأرض ونامي على ظهرك على الأرض وجيبي مراية صغيرة عشان تشوفي المكان وسمي بسم الله قبل ما تبصي في المراية عشان ربنا يحفظك ....إفتحي رجليكي وجيبي قطعة من العجينة وغلفي منطقة الشفرين الداخليين والبظربالعجينة يعني غطيهم بالعجينة ولفيها عليهم .......يعني مثلا أكنك جبتي قطعة لحم مفرومة وعملتيها دائرة وغلفتيها ببطاطس مسلوقة ومهروسة فلي بيكون متشاف من برا البطاطس فهمتوني ؟؟؟؟؟؟؟وقوام العجينة حيساعدك وحيخليها تثبت علي المكان زي التمثال الحجر عشان النشا إلي جواها .........وضعي أيضا بين فخودك وعلي فتحة الشرج وعلي منطقة العانة إلي هو مكان الشعر طبعا بعد ما تكوني شيلتي منها الشعر .....وإفتحي رجليكي عشان تفضل العجينة علي المنطقة الداخلية ومتتمسحش ونامي علي ظهرك وإسترخي وإنتي فاتحة رجليكي وبعداهم عن بعض إسترخي لمدة ساعة ...متقوليش الوقت طويل لأنك مش في الحمام لأ ...إنت حتكوني في غرفتك عني في مكان دافئ وكمان لابسة قميص نوم أو عباية ياعني منتيش عريانة وإلي حيخليكي تصبري إنك ممكن تتفرجي علي علي التلفزيون أو تقرأي مجلة والله حتلاقي الساعة مرت كأنها 5 دقائق ولما يعدي الوقت إدخلي الحمام وإغسلي الأماكن دي بصابونة التفتيح بماء فاتر وبعدين ماء بارد عشان يشد المنطقة ....وبعدين نشفيها كويس من الماء لأن الماء هو السبب الرئيسي للعفونة والسواد وبعدها إلبسي شورت قطن أبيض ونامي .........
يعني الجدول ده إعمليه قبل النوم عشان مش كل شوية تدخلي الحمام فتغسلي الكريم ...... وأيام الدورة الشهرية إستخدمي فوط قطن متسببلكيش حساسية
دي الطريقه إللي أنا جربتها وكانت النتايج مذهله والله فحبيت أفيدكم وأي إستفسار أنا تحت أمركم وآسفه على الإسهاب وعلى جرأتي في الشرح ويارب أكون أفادتكم
رد مع الاستدلال
الروابط المفضلة