كيفكم يا بنات ؟؟؟
اول شيء انا راح اعلمكم طريقتي الخاصة في تفتيح البشرة وتخفيف الكلف والنمش بنسبة 80% في خلال اسبوعين فقط والأهم من هذا كله واللي يهم كثير من البنات وهو آثار حب الشباب اللي تطول ما تروح وخاصة اذا كانت على الوجه.
انا بصراحة تعبت وانا أجرب انواع كثيرة من الكريمات والخلطات وبرضو جربت المقشرات اللي عدمت وجهي ولا نفعتني وبالعكس ضرتني وما احصل منها على نتيجة مرضية وعن تجربتي بصراحة هذي الطريقة هي افضل ما وصلت له من نتائج وكل زميلاتي واقاربي يقولون لي وش نوع كريم الاساس اللي تستخدمينه وانا والله ما حطيت شيء.
اليكم الطريقة :
تحتاجون لثلاثة اشياء :
1- صابونة اكسترا ديرم للتبييض.
2- كريم اغادير للتبييض ( الأصلي ) سعر الاصلي تقريبا 45 ريال. وانتبهوا من المقلد لان السوق مليان من المقلد وخاصة عند العطاريين وسعره يكون رخيص علشان كذا اشتروه من الصيدلية أضمن وركزوا في خامة الكريم لان الاصلي يكون ثقيل وتشربه البشرة وما يبين على الوجه اما التقليد يكون زيتي شوي زي الفازلين يعني فيه لمعة هذا انتبهوا منه.
3- كريم اولاي الليلي مع ضعف خلاصة ورق التوت.
وهذي صورتهم :
المرفق 99177
الحين باعلمكم الخطوات :
1- تغسلين وجهك بالصابونة كل يوم مرتين يعني قبل النوم وبعد ما تصحين من النوم وتخلين الرغوة على وجهك حوالي دقيقتين.
2- تحطين كريم اغادير المبيض قبل النوم وبعد ما تغسلين وجهك بالصابونة ونامي بالعافية.
3- بعد ما تقومين من النوم تغسلين وجهك بالصابونة وبرضو زي ما قلت لكم تتركون الرغوة دقيقتين على الوجه.
4- طبعا اذا كنتي ما تطلعين من البيت وقت النهار فبعد ما تغسلين وجهك بالصابونة بعد ما تقومين من النوم حطي كريم دوف علشان ترطب بشرتك وما تتحسس بشرتك بعد الصابونة يعني ضروري تحطين كريم بعده اما اذا انتي تتعرضين للشمس فحطي كريم دوف النهاري ( انا افضل الليلي مع ضعف خلاصة ورق التوت لان مفعوله قوي ).
واكرر اهمية ترطيب البشرة بكريم دوف لانك اذا ما حطيتية راح يتكون حول شفايفك وحول الخشم بقع حمراء يعني طبقوا زي ما قلت لكم اوكي ؟؟؟
اول شيء يا بنات راح تلاحظون في كل يوم يمر إن بشرتكم افتح من اليوم اللي قبله بشكل ملحوظ والكل بيلاحظ الفرق وخاصة في ثالث يوم بيبين الفرق وهذا بيحمسكم تستمرون على هذي الطريقة.
طبعا الكلف بيخف كثييييييييير كثيييييييييييييير والنمش برضو بيخف معاه وآثار حب الشباب قوقو لها باي باي وآثار الجروح بتطير بس باعلمكم بحاجة :
انا اسوي هذي الطريقة اسبوعين الى ثلاثة اسابيع فقط واوقف عنها لان هدفي هو اني ابي آثار حب الشباب تروح بس او لما احس ان بشرتي اسمرت من السفر او من البر واستمر على الصابونة طبيعي ومع كريم دوف واوقف عن اغادير واحط بداله دوف لانهم ما منهم اضرار واما اغادير اوقف عنه مع ان اكثر من صيدلي قالو لي ماله اضرار بس انا ما احب استخدمه على طول لاني اخاف.
جربوا الطريقة وان شاء الله توصلون لنتائج حلوة وانا متاكدة انكم بتفرحون بالنتيجة.
الروابط المفضلة