ارجوكم ساعدووووووووووووونى.................

**nahed_love** · 01-07-2009, 06:44 PM

انا مخطوبه وان شاء الله فرحى قرب باذن الله وعايزة تساعدونى ارجوكم انا حلمه صدرى مش بارزة وغائرة ودة شئ قلقنى جداااااااااااا ومش عارفه اعمل ايه وظروفى متسمحش اروح لدكتور انا حلمه صدرى الشمال ساعات بعرف اطلعها لكن اليمين مش راضيه تتطلع اعمل ايه لان خايفه معجبش زوجى ان شاء الله ساعدونى بالله عليكم وطلب كمان عايزة اعرف الكوافيرات المشهورة فى اسكندريه وعنواينها واسعارها وتكون مكياجها ولفات طرحها حلوة علشان باذن الله حكون محجبه ولكم جزيل شكرى وادعولى ربنا يسهل امرى لى ولخطيبى ويوسع عليه كمان وكمان .

**princess_sarah** · 01-07-2009, 06:56 PM

الف الف مبروك يا حبيبتى
باين من كلامك انك قلقانة جدا...انصحك انك تهدى شوية عشان تقدرى تركزى فى اللى انتى عايزاه و كمان عشان الهدوء هينعكس عليكى و يظهر جمالك
بالنسبة للموضوع الصدر فانا مش عارفة بس ممكن حد من الاخوات يفيدك
و بالنسبة للكوافيرات هنا فى اسكندرية فيه كذا واحدة

miss one ده فى رامادا جنب الفندق فى الشارع الخلفى مش على البحر انا سمعت عنه و شفت عرايس من عنده حلويين اوى ..عقبالك
طبعا فيه وليد الجيجى اللى فى الوطنية مول بلوران حلو اوى بس اعتقد غالى
و لسه فى كمان كذا كوافير بس رايحين من بالى دلوقتى و كمان انا مش عارفة حدود ميزانيتك اد ايه ...انا شايفة انك تاخدى جولة علي كذا مكان و تشوفى بنفسك و تعرفى الاسعار
و كمان الاخوات يفكرونا بكوافيرات هنا فى اسكندرية
الف الف مبروك...و طمنينا وصلتى لايه

**princess_sarah** · 01-07-2009, 07:21 PM

بصى يا حبيبتى وانا باتجول فى المنتدى لقيت موضوع يمكن يفيدك هو كله وصفات طبيعية و تمارين عموما اقرأيه يمكن يفيدك
موضوع بقى صح الصح لتكبير الصدر وتجميله وشده
ربنا يوفقك ان شاء الله