باركولي طلعت من النفاس وابيكم تساعدوني شسوي,يالله ادخلي شتنتظرين

السلام عليكم

انا الحمدالله طلعت من النفاس

وقاعدة اجهز الحين نفسي

ابي كل وحدة منكم تدلي بدلوها وتعطيني رايها

شنو ممكن أسوي من الناحية الجمالية

يعني شنو الصبغة والقصة الدارجة الحين

وشنو ممكن اجهز من ملابس

وكل شى ممكن تسويه الوحدة لما تطلع
من النفاس

ومن عندها افكار لاتبخل علينا ولها مني خوووووووش دعوة

واللي ماتقدر تساعدني ياليت لو تدعيلي ان الله يجملني بعين زوجي والله يعطيكم العافبة

شدعوه بنات 13 وحده دخلت ماسعدتني حتى ولو بدعوةوينكم يالله عطوني من افكاركم

وعليكم السلام ورحمة الله وبركاته

الحمدلله على سلامتك

بالنسبو للقصة والصبغة زوري ركن الشعر بتلاقي أحدث القصات والصبغات.

وبالنسبة للملابس ايضا بتلاقي طلبك بركن الأزياء بس الأفضل تنتظري لحتى الكروشة تختفي تدريجيا لانه بدها وقت.

وأي سؤال آخر جاهزين

ياملحك وانتي طالعه من النفاس الله يسهل عليك ويوفقك وتطلع النتيجه ميه ميه

المهم يالله بسم الله نبدأ
بالنسبه لبعض الاشياء المهمه مثل
-عطر جديد طالع مرررررررررررره يخقق اسمه (مونسيرا) من شركه مونتال ريحته على عود خوذي الذهبي قيمته حوالي 280 او اكثر شوي تلقينه عند هارفي او عند هريرا
-الصبغه نصيحتي تصبغين لو لايت يعني خصل مو فاتحه مره ولا تغيرين لون شعرك الاساسي
-بالنسبه للمشد عشان يبين شكلك حلو باللبس فيه مشد خطييييييييير اللي كامل مثل الشراب ولونه لحمي بس انه الحلو فيه انه له حمالات ولا يضغط على الصدر تطلبينه وبنفس اليوم يوصل لك من شركه راح ارسل لك الرقم عالخاص
--الملابس الداخليه وقمصان النوم يمدحون محل شيرلي اوف هوليود في مجمع بشرى النسائي وعندي برضه رقمهم
-نصيحه مجرررررررررربه من اخت (اذا بغيتي تشيلين المنطقه الحساسه بدون الم ) استخدمي معجون اسنان سيجنال 2 ادهني المنطقه فيه بتحسين بحراره بس عادي تحملي لمده نص ساعه او اقل بعدها اجلسي وخلي جنبك بودرة اطفال ويفضل تكون بيبي جونسون باللافندر ريحتها روعه المهم تبدين تشيلين بقطعه صغيره بالحلاوه بس ماراح تحسين بألم ابد وانتي تشيلين انثري بودره على هذي المنطقه وراح ترتاحين وينشال حتى الشعر الصغير مره ولا تنسين الدعاء لي
-اذا شلتي حلاوه كل جسمك اخلطي سكر+ليمون+زيت زيتون وافركي جسمك فيه فرك خصوصا الاماكن الخشنه وراح تشوفين كيف النعووومه.
-بالنسبه لخشونه الكعبين وعشان تصير كعب رجلك كانها بشره بيبي جيبي (كريم نير) حق ازالة الشهر وادهني باطن الرجلين فيه واجلسي 10 او ربع ساعه او حتى نص ساعه ان كان الكعب فيه جلد خشن قوي وبعدها غسلي بالماء والصابون وادعكي بالحجر او المبرد حق الرجول وراح يطلع الجلد الميت بسهوله.


واي استفسار انا حاضره بجد اختي اي شيء بس ما ابغى الا دعوه صادقه منك بظهر الغيب

شكرا اختي كيرلي

اهلين بعروس جديده

وعسى ربي يحلي ايامج كله وتصرين عروس دايما,وحنا شلي متعبنا غير هالرجال يبونا دوم عرايس

شجعتيني اشتري العطر صراحةبس اشرايج بمس ديون

,اما على المشد شقصدج ها قولي شقصدج ههههههههههه جنج عارفة والله ولاتنسين الله يعافيج ارسلي الرقم على الخاص

وبخصوص الشعر ودي اصبغ اشقر مطفي وتحته الخصل يعني مو حيل باينه شرايج

وودي أسألج عن القصات شنو الدارج الحين ,وشنو الصالونات الحلوة بالرياض اللي اروحله وانا واثقة اني اطلع منهم وانا مرتاحة

اما على الحلاوة الله يعين عليها هذي اكثر شي شايله همها

المعجون اخليه نص ساعة قبل لاشيل؟

وشكرا عروس واللع يسخرلج زوجج. شكلج من سكان الرياض ها شخبار البرد عندكم,لاني خايفه اروح الحين واخذ تؤامي هناك خصوصا انهم تعودوا على جو بيت اهلي