اخيرا لاقيت خلطه سهله لمشاكل بشرتى ودلوقتى صفاء وبياض ومافيش سواد تحت عينى باركولى

السلام عليكم ورحمة الله وبركاته
بكتب تجربتى مع خلطتى لخاطراحلى بنات فى احلى منتدى
اولا لازم احكيلكم عن مشكلتى مع بشرتى بس ماتخافوش مش هاطوول فى الحكايه
فاجأه كده وبدون مقدمات لاقيت بشرتى قالتلى خدى عندك مسامات واسعه وشحووووووب ودهون مع ان بشرتى مش دهنيه وسوااااااااد تحت عينى قلت خلاص شكلها كده مافيش حل
وفى مره وأنا بصلى فى الجامع كانت قاعده جنبى واحده ست ربنا يبارك لها قعدنا نحكى ونرغى فى مواضيع كتير وحكيتلها عن مشكلة بشرتى فقالتلى عن الخلطه وقلت اجربها مع انى كسلت فى الأول بس قلت لأ لازم احارب كسلى وتوكلت على الله وقعدت مكتمه عالخبر وقلت لما اشوف النتيجه اقول للبنات فى المنتدى
فرحت اشتريت المكونات وعملت الخلطه وجربتها والنتيجه وااااااااااااااااااااااااااااا و تفرح والله يا بنات صفاء ونضاره وبياض فى البشره ومافيش مسامات واسعه ولا سواد تحت عينى
يلا خلصت الحكايه أقولكم بقى على الخلطه
المكونات :- 50 جرام عدس اصفر +25 جرام فول +25 جرام حلبه

الطريقه :- تطحنى المكونات كل حاجه لوحدها وتخليها ناعمه زى البودره وبعدين حطيهم مع بعض فى برطمان ولما تستعمليها تاخدى مقدار معلقة طعام وتعجنيها بالمايه او اللبن انا اوقات اعملها اعجنها بالمايه واوقات باللبن المهم الخلطه لاتكون سايله وكمان مش زى العجينه تكون متوسطه وبعدين تفرديها على وجهك حتى المنطقه اللى تحت عينيكى وتسيبيها لمدة ساعه كامله وبعدين تفركيها من على وجهك بشويش واشطفيها بالمايه الدافيه وبعدين مايه ساقعه وانا كنت اوقات بحط بعدها كريم دووف المرطب واوقات كتير لأ
ولازم تحطيها على وجهك كل يوم لمدة 45 يوم انا معاكى المده طويله بس النتايج روعه انا بقالى دلوقتى اسبوعين ومبهوره بصراحه ماكنتش متخيله ان السواد يروح او المسامات دى هاتقفل كده وبشرتى هاتبقى بالحيويه دى والله يا بنات جربوها ومش هاتندموا ابدااااااااااااا
اللى تجرب الخلطه تدعيلى ربنا ينولنى اللى فى بالى ويريح بالى ويرزقنا جميعا الجنه يارب
واى استفسار عن اى حاجه اتفضلوا اسألوا براحتكم انا موجوده

والله ياجورى انا ان شاء الله هجربها واشوف النتيجه

وهقولك على الاخبار بس ادعيلي الكسل يروح من عندي زي ماراح من عندك

ميرسي ليك وفي انتظار تجاربك وتجارب طنط اللي ناقله منها الخبره

هجربها ان شاء الله وربنا ينولك الي في بالك
بس معلش هو انا مش بعرف في الجرامات يعني ممكن تقوليلي 25 جرام مثلا يعني كميه قد ايه

ننوعية الفول ايه فول مدشوش ولا الفول بتاع التدميس

جزاكي الله خيرا يا قمر وربنا ينولك اللي بالك
ان شاء الله اجربها بس نوعيه الفول ايه

يارب يريح بالك يا ريت تقوليلى نوع الفول ايه تدميس ولا مدشوش وياريت تحددى الكميه بطريه غير الجرامات لان مش عندى ميزان
مرمر

جزاكى اللة خيرا
هجرب واقولك

السلام عليكم
جزاااااااااااااااكي الله خيرا يا أحلى جوررررررررررررررري بس السؤال نوعيه الفول إيه فعلا
وبالنسبة للأخوات اللي بيسألو عن الجرامات 50 جرام يعني حبة قد كف اليد و25 جرام نصف 50 جرام يعني نصف كف اليد ولو فيه غلط يا ريت يا جوررري توضحي

يعطيك العااافية
باين عليها خلطة حلوة

اهلا بيكم عند جورررررررررررررررري
احباء
الفول هو الفول المدشوش
والنسب 1:1:2