مين عنده خبره بالعدسات من المصريين يساعدني؟

**أم جني** · 20-10-2007, 01:17 AM

كنت عاوزه اعمل عدسات ملونه وتكون شكلها طبيعيه وتكون مش غاليه
لو حد يعرف يساعدني انا من مصر غربيه يا ريت حد يفيدني

**هالة بهاء** · 20-10-2007, 02:19 AM

العدسات الملونه اللى موجوده فى السوق حاليا فى مصر معظمها اى كلام

ولو تحبى تعملى عدسات يبقى لازم تكون ماركه

انا بعمل عدسات اسمها comfort اسألى عنها وهى مش غاليه
سعرها معقول الشفافه منها تقريبا ب 70 ج
واسالى عن النوع ده
واهم حاجه متشتريش اى عدسه تعجبك من عنده وخلاص
اهم حاجه يكون لها ماركه معروفه
واللون اللى عاوزاه هوة يعملهولك فى كاتلوج فى كل الالوان اللى انتى عاوزاها

ولو عوزه لونها يبقى اقرب للطبيعى قوليله ان العدسه ميكونش فيها تحديد من بره
دى بتخلى شكلك يبان انك لابسه عدسات

وان شاء الله تتوفقى فى الموضوع ده

مع خالص تحياتى

زينب سلامة · 20-10-2007, 02:55 AM

اختي انا ا تعقدت من حاجة مصر اللي اي كلام
و حاليا بجمع طلبية لعدسات توتي نضيفة و حلوة
الي هية مشهورة بعدسات حليمة بولند

**chicky** · 20-10-2007, 03:19 AM

انا استخدم bausch& lomb

ماركة كويسة اوي انا بلبس عدسات بقالي 7 سنين وهي دي احسن ماركة جربتها
اخر واحدة جبتها كانت ملونة ونظر ب 250

**أم جني** · 20-10-2007, 04:00 AM

شكرا ليكوا خالص علي مساعدتكم انا عاوزه اعملها نظر وملونه وانا من الغربيه انت كنتي عملاها فين يا chicky علشان اروح اعملها وطمنيني كان شكلها طبيعي
يريت تردي عليا بسرعه علشان عندي فرح قريب اوي ونفسي احضر بيها
وياريت توصفيلي المكان بالظبط
سلام

**rousha1510** · 20-10-2007, 06:50 AM

استعملي بوش اند لومب
انا بستعمل العدسات من زماااااااااان
وهي حلوة جداااااااا جداااااااااااا
وحاجة مصر زي الفلين

واستعملي معاها غسول رينيو حلو جداااااااا
(المحلول الجيد برضه مهم)

سعر العدسات دي من 260-280 ج تقريبا
بس حلوه جداااااااا
(بوش اند لومب بتقعد من سنة لسنه ونص )
انا كنت برميها بعد سنة و3 شهور بالكتير عشان الامان

ولو عايزة حاجه أرخص يبقى فريش لوك سعرها حوالي 180-200ج
(بتقعد من 6-9 شهور وكنت برميها برضه بالكتير بعد 8 شهور)
و أهم حاجه العناية والنظافة

وانا بروح عند مركز النيل للعيون (متاح صباحا ومساءا)
امام السراج مول في مدينة نصر
22703684

وليه فرع تاني بالقرب من الجامعة العمالية مدينة نصر عمارات مايو
22754760

وفرع ثالث عند بيتزا هت المعادي
23804138

وما تشتريش عدسات غير من مراكز طبية متخصصه

يعني اطباء مش من أي مكان

ياريت أكون أفدتك

**أم جني** · 20-10-2007, 06:18 PM

متشكره خالص يا روشا انت والله جبتيلي كل التفاصيل بس المشكله ان الاماكن كلها في القاهره
وانا من الغربيه كنت عاوزه مكان قريب مني طنطا او المحله علشان اعرف اروح
بس علي العموم متشكره والله وياريت الاقي حد من الغربيه يساعدني بسرعه ربنا يساهل
سلام