افيدوني

عايزة حد يكتبلي الحمام المغربي اللي بطريقة الصندل ويكتبلي مش يديني رابط وياريت الطريقة الصحيحة الكاملة
وعايزة وصفة للتجاعيد اللي تحت عيني مع اني سني صغير ومحدش رد عليا خصوصا في الموضوع ده ونفسي حد يفدني لاني مقدرش اروح لدكتور
وكنت عايزة اسأل هو ليه بتبقي حلمة الصدر مختلفة بالنسبة للالوان من واحدة لاخري وانا حلمتي غامقة وخايفة لاني سمعت عن مشاكل الزوجات بسبب الموضوع ده فلو في طريقة لتفتيحها يبقي احسن
وعايزة صفة لتفتيح المناطق الغامقة اللي في الجسم

عايزة حد يكتبلي الحمام المغربي اللي بطريقة الصندل

أنا كنت كاتباها لك في موضوعك"أسهل حمام مغربى"
وممكن ترجعيله تانى هاتلاقيها وهتلاقي رد على أسئلتك عن الوصفةدى
بس هى مش حمام مغربى
لكن هى طريقة لتبييض البشرة والجسم
ولو تحبى أكتبها تانى:
المكونات:
ربع كوب رز مطحون
ربع كوب قشر بيض
كوب ونصف صندل مطحون
علبة زعفران كبيرة
ماء ورد
4قرنفل
عود واحد كركم
ويفضل أستخدام الكركم الخاص من عند العطار وأيضا القليل منه حتى لا يعطيك لون أصفر يخلط الجميع جيدا يحفظ لحين الأستخدام..
وحين الاستخدام خذي ماتحتاجين اليه وتخلطيه بماء الورد
ملاحظة:
يفضل أن يكون الزعفران ناعم وعند إضافة الكركم والقرنفل لا تكثري منه دائما الصندل يكون أكبر حجما..
لمدة أسبوع:
*تستخدميها بالليل وتنامي عليها كل يوم وتغسليها الصباح
*أو تستخدميها في الصباح حتى الظهر وهكذا بعد كل صلاة حتى النوم ليلا تغسليه وتنامي
*أو تستخدميه من الصبح حتى الظهر وبعدين من العشاء على أن يبقى فترة أطول
النتيجة:
إشراق ملحوظ وصفاء للبشرة كلما زادت المدة والأيام..
وتناسب جميه أنواع البشرة.......
وستجد البيضاء البياض المشرق اللامع.
وستجد السمراء البياض المشرق الامع.

وعايزة وصفة للتجاعيد اللي تحت عيني

بصراحة ماعنديش فكرة
بس أنا كانت دكتورة واصفة لى كريم اسمه"روتاج"للحماية من آثار الشمس
وكان مكتوب عليه من دواعى الاستعمال:
الهالات السوداء حول العين
وتجاعيد البشرة
ممكن يفيد في حالتك وهو كريم طبيعى مكون من عسل النحل ونباتات طبيعية"وللعلم هو ب27جنيه"

وكنت عايزة اسأل هو ليه بتبقي حلمة الصدر مختلفة بالنسبة للالوان من واحدة لاخري وانا حلمتي غامقة وخايفة لاني سمعت عن مشاكل الزوجات بسبب الموضوع ده

ده تبعا لاختلاف لون البشرة يعنى بتكون أغمق عند السمراوات عن البيض
وبتغمق أكثر بعد الحمل والولادة وده طبيعى حتى إن الطبيب الشرعى بتكون سمار المنطقة دي من ضمن الحاجات اللى بستدل بيها على إن الجثة"بعد الشر عنا لكن الموت علينا حق" كانت لسيدة أنجبت أم لفتاة

فلو في طريقة لتفتيحها يبقي احسن

آسفة ياجميل
بصراحة ماعنديش فكرة

وعايزة صفة لتفتيح المناطق الغامقة اللي في الجسم

فيه وصفات كتيرة فى المنتدىمنها:
للكوعين والركب:
السنفرة:ملح أوسكر مع الليمون وزيت الزيتون
وبعدين تدهني بكريم مرطب
وتعملى الماسك ده"حليب بودرة+ليمون+نشا+شوفان مطحون+ملعقة صغيرة عسل +ملعقة صغيرة ماء ورد"
لكن الموضوع ده عايز وقت وصبر بس أكيد نتيجته جميلة
وللمنطقة الحساسة:
1- كوب ماء ورد
2-نصف كوب او ثلاث 3 ملاعق زيت زيتون
3-معلقة ملح او سكر
4- قليل من الماء
5-نصف كوب من بودرة تالك للاطفال
اذيبي السكر او الملح في الماء حتى يختفي تماما واحرصي على ان تكون الكمية قليلة ثم بعد ذلك ضيفيها على باقي المكونات واخلطيهم جيدااا جدا
ضعي الخلطة على النار فترة قصيرة جدا حتى تكون دافئة فقط او مائلة للسخونة قليلا
ثم ضعيها على السواد في المناطق الحساسة وافركي جيدا برفق ودون الم

وأي خدمة ياقمر

بارك الله فيها الأخت لؤلؤة ما قصرت
وبالنسبة للون الحلمة ما تجربيش حاجه ابدا في المكان داااااااا

مشكوووووووووووورة جدا علي افادتك ليا يا لؤلؤة بجد افادتيني بس كان ليا سؤال هو الشوفان موجود هنا في مصر وبكام وايه فايدته وبتمني من البنات يفيدوني في الحمام المغربي وسوري اصلي طماعة عايزة وصفة حلوة وسهلة ومكوناتها سهلة للعرق وكنت عايزة اسأ اصلي بعرق كتير من اول شعري لحد ظوافري هو ده طبيعي وانا بدايق منه قوي مع اني حللت وملقتش عندي حاجة فلو في حل ياريت تساعدوني اتمني انكم تردوا عليا وماتهملوني بسررررررررعة

ليه محدش جاوب عليا ارجوكم ساعدوووووووووووووووووووووووووووني

مشكوووووووووووورة جدا علي افادتك ليا يا لؤلؤة بجد افادتيني

العفو يا هدى
لا شكر على واجب

وبالنسبة للشوفان طبعا موجود فى مصر وهتلاقيه إن شاء الله فى أى سوبر ماركت كبير
العلبة متوسطة الحجم بحوالى 5جنيه على ما أفتكر أصلى من زمان مااشتريتهوش
وهو نوع من أنواع الحبوب بيضاف للشوربة وممكن في عمل لحلويات وبيتعمل منه وجبات للأطفال
وفايدته للبشرة :تقشير البشرة وإزالة الخلايا الميتة
وبالتالى يساعد فى تنظيفها وعلاجها من البقع وتفتيح المناطق الغامقة

وبالنسبة للحمام المغربى ممكن تعملى عنه بحث بالركن تلاقيه مشروح فى أكتر من موضوع
وهو سهل مش صعب ومكوناته موجودة فى الصيدليات الكبيرة بس غالية شوية واحدة صاحبتى قالتلى أختها اشترتها قبل فرحها بحوالى 70 جنيه

وأخيرا بالنسبة للعرق متقلقيش منه لأن خروجه من الجسم مفيد جدا لأنه بيخرج من الجسم الأملاح الزايدة والمواد السامة زى البولبنا
وما عليك إلا كل ما تعرقى تشطفى جسمك من العرق بماء بارد هتنتابك إحساس رائع بالنتعاش
وفى وصفة رائعةفى المنتدى لإزالة رائحة العرق تحت الإبط وبستعملها من زمان وهى:

علبة كريم بشره النوع اللى تحبيه
معلقتين شبه
ماء زهر
معلقة نشا صغيره
زيت مسك ابيض ( مسك ابيض سائل )

الطريقه
اولا اخلطى معلقتين الشبه فى شوية ماء زهر وصفيها بشاشه عشان اى رواسب
وبعدين ضيفى لها النشا

ثانيا - ضعى ماء الزهر اللى عليه الشبه والنشا على الكريم واخلطيهم جيدا حتى يتجانس الخليط
ثالثا - ضعى عليه المسك السائل حوالى 4 ملاعق

ثم هاتى اى زجاجة مزيل عرق بليه دواره واخلعى البليه وضعى المقدار وضعى البليه مره اخرى ثم ضعى العلبه فى الثلاجه لمدة 3 ايام

ويارب أكون أفدتك

مشكورة جدا معلش ليا سؤال اخير ايه فايدة قشر البيض ده واذاي اعمله

مشكورة جدا معلش ليا سؤال اخير ايه فايدة قشر البيض ده واذاي اعمله

العفو ياهدى
اسألى براحتك ولا يهمك
قشر البيض هتطحنيه فى المطحنة بتاعة الخلاط اللى بتطحنى فيها البهارات
أما فايدته فى الوصفة فالحقيقة مش عارفة
وابقى طمنينا عن النتيجة ياجميل

جزاك الله خيرا اختي اللؤلؤة الصافية على كل اجاباتك الوافية والمفيدة

مشكووووووووووووووووووورة مووووووووووووووووووت الله يجزيك كل الخير ويحقق لك اللي بنفسك يااااااااااااارب وان شاء الله هبقي اقلك علي الاخبار