السلام عليكم..
أختي نبض.. ألف مبروك والله يتمم عليك بخير..
أنا مثلك تمام.. جسمي مبقع بآثار الاكزيما وعجزت عجزت ألقى علاج لي وعانيت منها كثير..
لين لقيت حل ربي ارسله لي ويااااااارب لك الحمد..
أقدر أقول الى الآن اختفت بنسبة 50% والباقي بالطريق ان شاءالله..
والحل كان بدون مراهم أو خلطات أو خرابيط.. لأني كنت لين قريب ضد الخلطات ..
والآن غيرت رأيي بس بشي محدود وشي على مزاجي وواقعي فعلاً..
شوفي يا حلوة..
تجيبين شي مدري شيسمونه موجود بكل الصيدليات والسوبرماركتات والبودي شوب وكل محلات التجميل..
المهم هو يستخد لحك القدم وله وجهين وجه خشن ووجه للتنعيم..
اشتريلك كذا وحدة وحطيها في الأماكن اللي عادة تجلسين فيها ..
أنا قلت تجلسين .. مو تتواجدين.. لأنك لازم تجلسين رايقة وتشتغلين باللي اقولك عليه..
عاد تاخذين الجهة الناعمة..وحطي في بالك انه الأجزاء اللي بتحكينها لابد تكون ناشفة مو مرطبة..
وتبدأين تحكين بنعومة بس حك بشكل دائري مثلاً ومكرررررررررر على البقعة..
لين ماتشوفين زي البودرة البيضاء.. اذا حسيتي انك بتجرحين المكان أو بدأ يحمر وقفي..
كل مافظيتي اجلسي حكي في البقع..
وبعدها رطبي باللي تحبين.. عادة أستخدم أنا الفازيلن..
غير انه هذي الطريقة تخفي آثار الجروح تدريجيا .. فإنه تنعم جدااااااااااااااااااااااا
الشي الثاني ..
اني زي ماقلتلك ضد الكريمات والخلطات..
وخوافة جداً من آثارها على المدى البعيد.. وبعد ماكنت ادور شي يفتح لوني (أنا حنطية ونفسي أبيض بس أدري انه كل كريمات التفتيح تسبب سرطان)
قد ما إني أبي شي يصفي البشرة ويبعد آثار الجروح والاكزيما..
المهم.. رحت لطبيب وصّونا عليه انه أمين وشاطر ويعرف يوصف العلاج بإذن الله..
والدكتور وصفلي كريم فيتامين سي..للآثار الداكنة..
وقالي انه حتى اللي ماعندهم شي في بشرتهم.. فهم بعد يستخدمونه للنضارة..
واسمه:Rexol
vitamin c-10
treatment
anti-aging cream
الكريم أمريكي.. وأنا مقاطعة البضائع الأمريكية الحمدلله.. بس لأنه علاج ومافيه حل ثاني
لو أعرف كريم مكافئ له من صناعة ثانية كان استخدمته لكن للأسف
والدكتور وصف لي اياه من اول ولا اشتريته.. وبعد سنة تقريبا رحتله على مشكلة ثانية في بشرتي وبعد سألته مرة ثانية عن حل آثار الاكزيما ووصفلي نفس الكريم..
وبعدها بفترة شفت في منتدى ثاني أخت كانت تتكلم عن شي خلا قريبتها تصير زي بياض الروسيات وهي لونها اصلا مثل المغنية أحلام هداها الله..
وشو؟؟
تجييب تقريبا لتر موية .. مع قشور ثلاث حبات برتقال وقشور ثلاث ليمونات
وتغليها عالنار لين تصير الموية صفراء..
وتحطها بالثلاجة.. وكل ما استحمت تغسل فيها..
زي ماقلتلك ماااااااااااااأقتنع انا بسهولة وأخاف من النتايج وماأقدم على اي خطوة الا بعد استخارة وسؤال وبحث..
فمرة قريت اخصائية بشرة تقول انه فيتامين سي مفيد جداً لنضارة البشرة وهذا أكد لي كلام الدكتور وكلام الأخت (البرتقال والليمون يحتوون على فيتامين سي) ..
وهذي الأخصائية وصفت بعد وصفة مشابهة..
لتر ماء + قشرة برتقالة + قشرة ليمونة + قشرة كيوي
وتغلينها عالنار لين يتبخر نص الماء..
خلاصة كلامي كله انه فيتامين سي مفيد للبشرة.. فخذي الطريقة اللي تناسبك وتتوفر عندك..
بصراحة جربتها يمكن مرتين بس ما استمريت عليها.. لكن بسويها ان شاالله..
أخيرا أقولك الحين صرت كذا مثلا.. مرة أحك بهذاك الشي اللي قلتلك عليه وأحط من هذا الكريم..
ومرة احك وأحط فازلين..
ولعلمك وجهي أحكه كله.. بنعومة لأن بشرة الوجه حسااااسة..
وذراعي وسيقاني وكفوف أقدامي.. والله أول مرة أشوق أقدامي حلوة ومو مبقعة زي دايم
أهلي لاحظوا فيني اني فتحت وبشرتي صفيت شوي..
أي سؤال أنا حاظرة.. وقريب اسمع منك الأخبار الزينة ..
الروابط المفضلة