مساء الخير


كيف حالكم حبايبي000


بصراحة مستحيه منكم لاني ما أشارك معكم كثير000 لكن الجايات أكثر


حبيت اسالكم عن طريقة شيل شعر الوجة بالحلاوة00 لان عندي مناسبة بعد أسبوع وودي أعرف كيف الطريقة00 وبعد ما أشيل وش احط على الوجة عشان يخفف من الالتهابات والاحمرار00 وهل ياترى بتختفي الاثار قبل المناسبة؟؟





ياليت تفيدوني



بأي اقنعة أو خلطات تفيد لما بعد الشيل



دمتم لي



اختكم: الدانة

اختى الدانه بعد ما تشيلين حطى على وجهك ثلج وخليه فتره وبعدين سوى قناع من الروب وكل ماجف حطى غير وان شاء مايطلع لك حبوب بعد الشيل ...

.عزيزتي الدانة انصحك ما تشيلين بالشيرة لأن الوجه ما يستحمل الشيرة وراح يترهل وجهك بسرعة أحسن طريقه اذا الشعر مو كثيف شقريه انا عمري ما شلت وجهي دايما أشقرة ولا زاد الشعر فيه مثل ما يقولون والله يوفقك...

أفضل شي لآزالة أو أخفاء شعر الوجة
1-بالفتلة
2-بالشمع
3-بالتشقير
لكن بالحلاوة ما أنصحك أبدا لآنها صعبة والأصعب أنك تسوينها بنفسك، ولها مضاعفات مثل تهدل البشرة والحساسية والاحمرار.
وأفضل بعد ماتشيلين بالفتلة او الشمع عن اخصائية التجميل بعدها تحطين موية وملح كغسول للوجة
علشان الاتهاب وعلشان تاخير وتخفيف الشعر.
اما بالنسبة للمشقر فانا أنصحك بجولين تلاقينة في الصيدليات ،وأفضل أنك تشقرين وجهك كحل سريع.
أرجو اني افدتك
تحياتي لك

اختي الدانة كما قلوا الخوات ترى مو زين تشيلين وجهك بالشيرة واذا انت مضطره بالخيط ترى افضل

هلا وغلا فيكم والله

شاكرة لكم تفاعلكم




خوفتوني من الشيل بالحلاوة00


ولكن التشقير ماينفع لي لان عندي شعر كثيف يحتاج للشيل00

وماادري وش الافضل والاخف ألم والتهابات00

==== خايفة من الالم


واخاف يحمر وجهي او يطلع حبوب والمناسبة بعد أسبوع00

===محتارة من جد



لكن اشكركم على الافاده واذا فيه اي نصيحة ياليت ماتبخلون علي


دمتم

اذا كان ولابد انصحك بقناع المرة اختي يشد الوجه ويغلق المسام ويمنع الالتهاب .

اختي الدانه اعرف وحدة تعني نفس مشكلتك وقامة بازالة شعر الوجه بالليزر في عيادة خاصة عند دكتور جلدية وماشاء الله خف الشعر واجد

عزيزتي الدانة...

مادام أنه المناسبة قريبة أنصحك بالخيط لأنه سريع وبعده لازم تسوي مثل ماقالت الأخت سارة2002

وبس




ســـــــــــلام

الدانه حبيبتي بعد ماتختارين الطريقه اللي راح تشلين فيها وجهك
ضعي قناع بسيط جدا عبارة عن روب(زبادي) مع نشاء بحيث ان كميه النشاء تكون اكثر
اتركيه مدة ربع ساعه يزيل الاحمرار
ممتاز جدا جدا انا بالنسبه لي دائما استخدمه
اما عن طريقه الشيل انا مجربه الطرق الثلاث فتله,شمع,تشقير وبالنسبه لي افضل شي الشمع
بس مشكلته انه يزيد الشعر