السلام عليكم ورحمة الله وبركاته

أخواتي ... أنا اليوم حابه نفتح موضوع نستفيد منه جميعنا إن شاءالله ... وهو شو الفرق بين الجليسرين و الجليسوليد ...

كلنا عارفين إن هذان المستحضران كثير ما نتناولهم في مواضيعنا للسواد وللبقع ولنعومة البشره وأغراض أخرى ...

خلونه نفيد ونستفيد وتكون هذه الصفحه مرجع لنا جميعا ... واللي عندها صور ترفقهم واللي عنها تقرير من أطباء أو بحث عن الموضوع تضيفه .. وإن شاءالله الكل مستفيد ..

إن شاءالله الموضوع يلقى تجاوب من الجميع والفائده تعم على الجميع ... حتى نتفادى الوقوع في خطأ بينهم ..




وبالنسبه لي ما عندي أي خلفيه عن الموضوع ولما رحت الصيدليه عشان أشتري المستحضر لرجولي إحترت كثير والله وياليت أستفيد من خبراتكم .........

وسلامتكم .. إختكم نيلا ..

والله ماعندي فكره ان شاء الله تلاقين احد يفيدك

وعليكم السلام ورحمة الله وبركاته
الجلسرين كريم عادي لكن الجليسوليد كريم ثخين يشبه الفازلين الى حد كبير وعلبته مدورة لونها احمر.
وكل واحد له استخدام.
اتمنى اني اكون افدتك

عزيزتي اللي اعرفه عن الجليسوليد فقط إنه علبته حمرا دائريه وهو كريم يباع في ركن الكريمات واحيانا في السوبر ماركت ومعروف
اما الجلسرين للاسف مااعرفه!!!

الراضيه ..
مشكوره عزيزتي .... وإن شاءالله أستفيد وتستفيدين من الأخوات

كيرلي وشروق الرضا

مشكورين عزيزاتي على المشاركه .....

ولكن ياليت المزيد من التوضيح ... يعني شو إستخدامات الجليسرين وشو إستخدامات الجليسوليد إذاعندكم إي فكره ومشكورين ...

شوفوا توضيح الإخت بسمة نوره في هذا الرابط في تناقض في المعنى ...

http://www.lakii.com/vb/showthread.php?t=278919


وهذا صوره أدرجتها الأخت الأميره جنان للجليسرين في موضوع آخر


وهذا رابط الموضوع

http://www.lakii.com/vb/showthread.php?t=278618


ياليت خواتي بسمة نورة والأميره جنان وكيرلي وشروق الرضا توضحولنا وتساعدونا أكثر
واللي عندها معلومات تساعدنا أكثر ومشكورين عزيزاتي

نيلا

بصرااحه الجليسوليد هو الاصلي وهو يشبه الفازلين بثقله

وعبلتهم قريبه من بعض

والجلسرين مثل ماقلت اختي كيرلي كريم عادي


لكن استخدام الجليسوليد في خلطة لتبيض المنطقة الحساسة والركب والاكواع فتحت جدا وبين الفخوذ خصوصا

فنجان القهوة التركي راح يكون لجميع المقادير:

ليمون \ زيت الجلسرين \ زيت خروع \ زيت اللوز المر \ نصف ملعقة صغيرة مسك ابيض مطحون
نضعهم جمعيا في الخلاط حتى ينخلط جيد نضع عليهم ملعقتين كبيرة جليسوليد

يصير كريم رائع برائحة اروع حتى ملابسك الداخليه بتكون رائحتها جميلة جدا

تقدرين تحطين الكريم في برطمان محكم انا حاطة نصه في الثلاجة والباقي تستخدميه كل يوم

بس يبيلها صبر وهذا اللي اعرفه ومجرب .... زيت الجلسرين تلاقينه عند العطار او في الصيدليه

وهذا اللي اعرفه واتمنى اني افدتك وكل الاخوات

دمتي بود

هلا عزيزتي غلا نجد ...

مشكوره الغاليه على التوضيح الرائع ...

ولــــــــــــــــــــكن عندي نقطه بسيطه مو فاهمتها ؟؟!!

إنت قلتي إن الجليسوليد هو الذي يستخدم في الخلطات ... وبعدين لما كتبتي الخلطه ... بينتي كلمه جلسرين ؟؟ وإنت قلت إن الجلسرين كريم عادي مو للتبييض ؟؟؟؟؟؟؟!!!!!



وياليت تقوليلنا هذا الذي في الصوره هو الجلسرين أو الجليسوليد

ليمون \ زيت الجلسرين \ زيت خروع \ زيت اللوز المر \ نصف ملعقة صغيرة مسك ابيض مطحون
نضعهم جمعيا في الخلاط حتى ينخلط جيد نضع عليهم ملعقتين كبيرة جليسوليد

هذي هي الخلطه

والجلسرين فيه منه سائل تلاقينه هو اللي في الصوره

وفيه منه كريم عادي

اي سؤال انا موجوده

دمتي بود