خبر مهم جدا جدا جدا عن كريم كينا كومب

السلام عليكم
خبر مهم جدا عن كريم كينا كومب
قرأت في المنتدي وخلال المناقشات الهامه حول كريم كينا كومب انه فيه نوعين من كينا كومب مرهم وكريم
وان المرهم فيه كورتيزون عشان كده تفضلوا الاخوات مشكورين ونصحوا باستعمال الكريم بدل المرهم

المفاجأه

اني امبارح اشتريت كريم كينا كومب وسألت الصيدليي هل المرهم فيه كورتيزون قال لي لأ مفيهوش كورتيزون خالص
وسئلته ايه الفرق بين المرهم والكريم

قال

ان الكريم بيتتشربه الجلد بسرعه لكن المرهم بيفضل شويه لحد ما يتشربه الجلد

بس

هو ده الفرق الوحيد
وانا لما روحت البيت كان عندي النشره الداخليه لمرهم كينا كومب وقارنتها بالنشره الداخليه للكريم

تفتكروا لقيت ايه

لقيت انها هي هي نفس النشره مفبش اي فرق وانها هي نفس المكونات ومفيش في المرهم اي كورتيزون

ابشرررررررررررررروا
ومتخافوش مرهم او كريم الأثنين واحد

والله علي ما اقول شهيد

مرسى رنوش على الإفادة

وعليكم السلام
مشكورة على الافادة ولكن ماهي استعمالات كريم كينا كومب ؟؟
لاني اول مرة اسمع عنه..

السلام عليكم
كيرلي بالنسبه استعمالات كيناكومب
الاخوات في المنتدي عن تجربه بيقولوا انا بيبيض المنطقه الحساسه اذا استعملتيه لمده 3 ايام متواصله وللحبوب بعد استعمال الموس
اما عن تجربتي انا فأنا بستعمله لما احس بحكه بسيطه و حرقه في المنطقه الحساسه عند المهبل نتيجه كتمه المكان طول النهار
وبصراحه من اول مره بتحسي بالفرق انا استعملته امبارح وعلي الصبح كأن شيئا لم يكن
اما بالنسبه للتبيض والحبوب فانا مش عارفه مجربتوش قبل كده للموضوع ده لأني بحطه مره او اثنين بالكثير ومشكلتي الحمد لله بتنتهي
وهو بصفه عامه
للأتهابات
والحكه
والحساسيه
والاكزيما
ده اللي انا فاكرام من النشره الداخليه الخاصه به
وهحاول اجربه للتبيض
اتمني اكون افدتك

هاي رنوش ازيك علي فكرة في فرق كمان بالنسبه للكريم والمرهم الكريم ممكن تستعمليه للوش لكن المرهم للجسم والفرق ده الدكتورة الصيدليه هي اللي قالتلي عليه وعلي فكرة يا كيريلي كينيا كومب بيستعمل كمان بعد عمل الفتله للوش لاني سمعت انه بيقلل الحبوب بس انا مجبرتهوش بنفسي

شكرا للمعلومات الجميله اخوتى رنوس وانجل

ميرسي يا قمرررررر
وفعلا هو رووووووووووعه
انا بستعمله عند الاحساس بالحساسية
كانت الاخت نورا ام ملك هي اللي قالتي عليه الله يباركلها يارب

مشكوره على التنبيه والتوضيح

كينا كومب كويس اوى اى حساسيه بيضيعها على طول


وكمان مرطب للبشره

انا بستعمل الكريم عشان احسن بكتير من المرهم وكمان فعلا بتشربه البشره بسرعه

جزاكم الله خيرا على الافاده
وبجد شجعتوني اني اجربه

اولا كيناكومب كريم ومرهم واحد وفعلا

ان الكريم بيتتشربه الجلد بسرعه لكن المرهم بيفضل شويه لحد ما يتشربه الجلد

الكلام ده سليم 100%
بس والله ياجماعه انا لما روحت لدكتور عشان بنتى كانت عندها التهابات من البامبرز الكتور قالي حاولى تقللي منه عشان فيه نسبه كورتيزون وانك لو استعملتيه مايزيدش استعماله عن اسبوع بالكتير اوى اوى اوى على شرط انه يبقى مرتين بسسسس في اليوم

وانا اول مره اعرف انه بيبيض وارجوكم المنطقه الحساسه سمينها حساسه عشان بتتاثر من اقل حاجه

بلاش تستخدموها حقل تجارب لكل وصفه تسمعوها من هنا وهناك
اهم حاجه النظافه في الحته دى وان تجففيها كويس بعد تعرضها لاى بلل ممكن يسببلها التهابات او غمقان فى اللون بعد كده على فترات متباعده
وكمان مافيش احسن من الحاجات الطبيعيه فياريت كلنا نبعد عن اى كريمات كيماويه على اد مانقدر لانها لو كانت بتفيد 40 % فهي اكيد هتضر ال 60 % الباقيين
انا طولت عليكم اعذرونى لكن ده كله للمصلحه العامه


وهو فايدته انه بيقلل ويضيع الالتهابات والحبوب بعد الفتله والحلاوة وبس
وممكن تسالوا فيه اطبائكم
واسالوا اهل العلم