خواتي الحبيبات
أعتقد ان هالموضوع يهم جميع النساء والبنات والمتزوجات خصوصا..
بعد مدة من الزواج وعد انجاب طفل أو اثنين تلاحظ بعض النساء أعراض تبدأ عندهم مثل ..
- كثرة الافرازات واللزوجه على طول وخاصة وقت الجماع .
- تحس المرأة بخروج هواء من الأمام ويكون أحيانا مصاحب لصوت مما يسبب الاحراج الشديد وخاصة أمام الزوج .
- بعض النساء يصارحهن أزواجهن أنها صارت متوسعة مثلا أو انه مايستمتع معاها مثل قبل أو يسكت عشان ما يجرحها بس تشوف عدم الرضا على ملامح وجهه .
كل هذه الأعراض تدل على ان ( الخراب ) قد أصاب هذي المرأه !!!
وهذا يكون السبب الأول لتفكير الرجل في الزواج مرة أخرى
ولكن ولله الحمد هناك عدة طرق لتعود الزوجة مثل ما كانت من قبل

تبون تعرفونها ...




نطروني شوي ...

هلا والله فيكم خواتي وحبيباتي ...
أنا بقولكم تجربتي الشخصية اشلون كنت (( خربانه )) وشنو سويت واشلون حسيت بالفرق وقام زوجي يلحقني من مكان لمكان وانشالله تستفيدون ويلحقونكم رجالكم من غرفة لغرفة قولو آمين ... بس ادعوا لي
أنا بين عندي التوسع والخراب بعد ولادتي لطفلي الثاني لدرجة اني أمشي ويطلع مني هوا وصوت (( من جدام )) وكانت فضيحة جدام زوجي هاذا بالأضافة لكثرة الافرازات واللزوجة ومع اني رحت المستشفى وسويت فحص وقالو لي ما عندج التهاب ولا شي بس ما كنت أحس بنفسي ناشفة أبدا وأحس أثناء العلاقة انه ما كان منبسط .. مع انه ما قال شي بصريح العبارة عشان ما يحرجني .. بس قام يباعد في أوقات الجماع >>>> أدري قمت أقول تفاصيل وايد بس عشان توضح عندكم الصورة حبيباتي ..
المهم انه في هالفترة كنت مداومة على الدخول لمنتدى واحة المرأة وظهر موضوع فيافي ونظام فيافي اللي انتشر ألحين من كثر ما قامو البنات الله يجزاهم خير بنقله من منتدى لمنتدى وكنت أستفسر منها مباشرة وأتناقش وياها لأنها كانت في هالوقت هي اللي تكتب الموضوع مو منقول >>>>>> يالله خلصينا
ورحت العطار وشريت كل الشغلات اللي قالت عنها ومع اني ما مشيت مضبوط على النظام بس حسيت بفرق شاسع .. ( اللي تحب أحط لها نظام فيافي وتمشي عليه أنا حاضرة بس هو فيه وايد شغلات تشترينها وعدة خطوات تسوينها )
المهم بعدها تركت النظام وخليت لنفسي قوانين أمشي عليها في فترة العادة الشهرية أو فترة النفاس
ودورة بعد دورة تشوفين نفسج رجعتي مثل قبل .. يمكن ما بتحسين بنفسج بس شوفي التغيير والوناسة على وجه زوجج ...

نطروني شوي وبرجع لكم بالتعليمات

Mawdo3 gameeeeeeeeeeeel

تعليمات اتبعيها أثناء الدورة الشهرية أو النفاس ...


بالنسبة للنظافة الشخصية

- بالنسبة للأستحمام يجب عدم الاستحمام بكثرة في هالفترة يعني مسحي جسمج بفوطة مبلله وشوية صابون .. واذا كان لا بد من الاستحمام .. مو طايقة نفسج يعني دش على السريع واحرصي على انج ما تتعرضين لتيارات الهواء البارد .
- لا تغسلين منطقة المهبل بالصابون في هذه الفترة أبدا .. وحذاري من استخدام الدش المهبلي أيضا في هالفترة .. أو التنقع في ماء أو ماء وملح أو أية أعشاب أخرى ( التنقع مو زين )
مثال : شوفي قطعة اللحم مثلا اشلون يصير شكلها اذا نقعناها في ماي لمدة طويلة ( لزجة ومهترئة وحالها حالة ) .
- بالنسبة لي أنا أستخدم نوع من الأعشاب اسمه ( الأرطا ) شكله مثل شكل أعواد خشبية ..
تاخذينة تكسرينه وتحطينه مع ماي وملح خشن أو فارسي على النار بتشوفين لونه يتحول للأحمر .. بعدين اخذيه وصفيه وحطيه في دلو وغطيه وتركيه في الحمام .. استخدميه كغسول كلما دخلتي الحمام واستعيضي عنه بالماء بعد .. لا تخافين هالغسول مطهر وقابض لأنسجة المهبل مما يساعد على شده وتضييقه وحتى ريحته حلوة مو شينة ..
ولا تقولون عندنا الصابون والمطهرات ونروح نستخدم شغلات ما ندري عنها
بالعكس ألحين الكل قاعد ينادي بالرجوع للطبيعة والدليل شوفو آخر تحذير منتشر في المنتديات عن مادة سلفات لورييث الصوديوم المسرطنة والموجودة في أغلب منتجات الشامبو والصابون وحتى معجون الأسنان .
- أبدا لا تمشين حافية على البلاط البارد وحاولي تلبسين جوارب وسروال قطني يعني على طول دفي روحج
- لا تقعدين مقابل المكيف ولاتعرضين نفسج لتيارات الهواء الباردة .

النصائح القادمة تتعلق بالأكل والشرب
أنتظروا شوي

يالا يا نسرين

منتظراكي

لا تتأخرى

ح اسمع كلامك

بس لو جوزي ما جاش يجري ورااااايا

ح تعرفي شغلك

انشالله حيجري وراكي يا نورا يا حبيبتي وحيطلع عينيكي وحتقولي نسرين قالت

كتبت بواسطة نسرين البحرينية

انشالله حيجري وراكي يا نورا يا حبيبتي وحيطلع عينيكي وحتقولي نسرين قالت

ربنا يسمع منك يا أختي

النصائح المتعلقة بالأكل والشرب


- يمنع أكل الأطعمة والمشروبات اللزجة مثل الملوخية والبامية الموز والبصل والشمام والحامضة مثل الليمون .
- لا تأكلي الأطعمة الباردة مثل المثلجات والايسكريم .. لاتقولون الممنوعات وايد كلها خمسة أيام أو ست أيام والشغلة تستاهل .
- الماي بعد شربيه فاتر مو بارد .
-ابتعدي عن الجوع يعني لا تسوين رجيم أبدا في هالفترة .
- زيدي الفلفل الأسود في الشوربات والأطعمة عموما لأن الفلفل الأسود يساعد في تنظيف الرحم وانزال الدم الفاسد كله وله ميزه حلوه وهي انه يخلي المهبل ساخن أو دافي من داخل مما يزيد استمتاع الزوج أثناء العلاقة .
- سأذكر لكم طريقة لعمل التمر جدا ممتازة لهذه الفترة تنظف الرحم كذلك وتطلع الأوساخ :
تاخذين التمر وتشيلين النواة منه وتحطينة مع زبدة على النار وبعدين تنثرين عليه كمية من الرشاد الناشف .. ممكن تكورينه وتحطينة في الثلاجة وتاكلين منه كلما جعتي .
- أشربي يوميا منقوع الاعشاب التي سأذكرها على الريق ..
ملعقة كبيرة كمون ( حب مو مطحون ) + ملعقة صغيرة قشر رمان مطحون أو القشر العادي تحطين قطعة صغيرة منه تحطين علي ماء مغلي وتغطينه وتتركينه ساعة وبعدين تشربينه وممكن تحلينه بعسل .
الكمون ينشف ونتيجته تبان بسرعة عند المداومة عليه أنا كنت أشربه عشان أروح الكرش بس اكتشفت هالميزة فيه بعد وقشر الرمان يعمل على تضييق المهبل .


للنصائح بقية ....

- زيدي الفلفل الأسود في الشوربات والأطعمة عموما لأن الفلفل الأسود يساعد في تنظيف الرحم وانزال الدم الفاسد كله وله ميزه حلوه وهي انه يخلي المهبل ساخن أو دافي من داخل مما يزيد استمتاع الزوج أثناء العلاقة .

متأكدة يا نسرين ؟؟؟؟؟

متأكدة حبيبتي ولا تخافين من الفلفل الأسود ..
معلومة من أحد مواقع الأعشاب ...
يعتبر الفلفل الأسود "ملك البهارات" على اختلاف أنواعها ‏وأشكالها وباستطاعته القضاء على عدد كبير من الميكروبات وهو مسيل للعاب وفاتح ‏‏للشهية وهاضم جيد وطارد للغازات واستخدمه البعض كعلاج للسعال والربو وبعض أمراض ‏‏القلب.‏
هذا بالاضافة للفوايد اللي ذكرتها