هام بخصوص كريم اويس وستلمانز

**رمايه** · 19-04-2002, 12:37 AM

السلام عليكم
المهم حبيت اخبركم ان موضوع كريم ستلمانز وايس هو في الاصل موضوعي وانا كنت طارحته في منتدى قمر 14 واسمي فيه first_girl
وبعدين الاحت شيماء من منتدى حواء انقلته عني والحين اشوف الاخت بارعه ناقلته والله اني فرحانه لان موضوعي انتشر بسرعه وان شالله بيفيد البنات المهم اي استفسار يابنات انا حاظره لان انا الي مجربه الكريمات وانصحكم بالذات بكريم اويس صج عجيب

**بارعه** · 19-04-2002, 01:43 AM

ياخت رمايه كريم ستلمانز من قديم وانا واخواتي نستعمله ومجربته بنفسي وطلع نتائج مبهره انا من زمان عندي الكريم من حوالي 3سنوات ولكي تحياتي

**رمايه** · 19-04-2002, 02:38 AM

معليش اختي قلنا قديم بس ايش دراج اني كاتبه في نفس الموضوع عن كريم ستلمانز وايس وكريم ليلي وانا الي كاتبه انه قديم مافيها شي اذا نقلتي هل هو صدفه انج كتبتي نفس موضوعي بالضبط ان كريم ستلمانز حق سواد الكوع والركبه وكريم اويس حق المناطق الحساسه وكريم ليلي
اشهالصدفه الغريبه مش عيب انج تنقلين الموضوع بالعكس العيب انج تنسبين موضوع مش لج وتنكرين

http://hawaaworld.com/vb/showthread.php?threadid=45393
واهنيه الدليل اقرى اشكاتبه الاخت شيماء الموضوع منقول وهو للاخت فرست جيرل first_girl واذا تبين موضوعي الاصلي بتلقينه في منتدى حوارات قمر14
بصراحه مش حلو تنكرين وتنسبينه لج كذيه يضيع تعبي وجهدي
المفروض كنتي تقولين لهم انج ناقلته على الاقل من احد المنتديات
وشكرا

**بارعه** · 19-04-2002, 03:23 AM

اقولك وللمره الاخيره ا نا ماكتبت عن الكريم الااني مستعملته من زمان صدقتي ولا ماصدقتي وبعدين مافي احد مستعمل الكريم الاانتي ليش مصدر لكي خصيصا فرضا نقلته ماهي جريمه انتي نزلتي عنه في منتدى لتعم الفائده ونقلته وحده من الاخوات لمنتدى ثاني لتعم الفائده يعني يصبح في نظرك اننا سرقنا موضوعك مليون المواضيع تكرر في جميع المنتديات واقول مانزلت عن الموضوع الا اني مجربـــــــه الكريم من زمان وبعد ينا نا كاتبه مواضيع واشوفه منقوله بمنتدى اخر الله يجزاهم خير نقولها لتعم الفائده

**lolla_kuwait** · 19-04-2002, 12:38 PM

أخواتي بارعة ورماية:
تحية عطرة لكما معا ولكن كلمة حق تقال أنكما ما قصدتما من عرض الموضوع في المنتدى هو الاستفادة للجميع وهو جهد تشكران عليه وأرجو أن لايكون للخلاف نصيب بين أعضاء منتدانا الغالي......فالقصد واحد والنية سليمة الحمد لله.
و أرجو من جميع العضوات ضم صوتهم لي.
أختكم لولا

**دمعة القلوب** · 19-04-2002, 01:21 PM

السلام عليكم
ياريت تقوليلي كريم ستلمانز الاخضر احسن او الاحمر للركب ومفاصل الاصابع
باي

**رمايه** · 19-04-2002, 02:03 PM

عزيزتي انا ماتكلمت عن كريم ستلمانز انا تكلمت عن الموضوع كله كريم ستلمانز +كريم اويس+كريم ليلي
انا كتبت عن هالمكريمات الثلاث مع بعص وعادي عندي النقل مافيه شي بالعكس حلو علشان كل حد يستفيد بس الي زعلني يوم قلت انا صاحبه الموضوع الاصلي علشان شفت وايد بنات يستفسرون منج عن الكريمات الثلاثه واني يمكن جربتي كريم ستلمانز فقط على حد قولج اما انا جربت الكريمات كلها يعني لو بنصح بنصح بالي جربته صج واستفدت منه وبعدين زعلت يوم قلت اني انا صاحبه الموضوع وانتي نكرتي وقلتي ان الموضوع من عندج انا يوم شفتج ناقلته والله فرحت بس زعلت وايد يوم انتي نكرتي
المهم حصل خير بس حطي نفسج مكاني
اما يادمعه القلوب انا انصحج بكريم ستلمانز الاخضر وانصحج بكريم اويس هو افضل شي حق السواد وبعد حق الحرق وهو مصنوع في المانيا خصيصا حق سواد الكوع والركبه وسواد الابط والحروق البسبطه والسواد في جميع الجسم وباقي المناطق الحساسه وشوفي والله اني جربت كريم اويس على سواد الكوع كانت نتيجه اكثر من روعه ماقولج واقص عليج انه بيروح في اسبوع ولا اسبوعين بس من الاسبوع الثاني بتلقين السواد خف الى النص يعني يمكن تلقين النتيحه في شهر اذا حطيته مثلي مره في اليوم بس اذا حطيتيه مرتين في اليوم بتلقين نتيجه اسرع وبعدين انصحج نصيحه قبل لاتحطين الكريم امسحي المنطقه السوداء اما بالاسكينول او ديتول مخفف بالماء ثم ضعي الكريم

**لوميه** · 19-04-2002, 04:28 PM

يا اخت رمايه ممكن تكتبين اسم كريم اويس بالانجليزي مادري اذا مكتوب على العلبه بالانجليزي او بالعربي

**دمعة القلوب** · 19-04-2002, 07:58 PM

مشكوره ويعطيكي العافيه اخيرا احد عبرني وبالنسبه لكريم اويس دورت في الصدليات بس مالقيتوا وكريم ستلمانز اقدر استخدموا في الاماكن الحساسه يعني بين الفخدين والابط (شكلي ماأنعطي وجهه"K)( )وكمان اخر سوال كم مره يستخدم في اليوم
باي

**azxs** · 20-04-2002, 05:17 PM

لو سمحتي يادمعه القلوب تقوليلي وين حصلتي كريم ( ستلمانز- stillmans)
في اي صيدليه بالشرقيه اذا كنتي من اهل الشرقيه جد وراح اكون ممتنه
لكي اذا جاوبتيني بسرعه وشكرا مقدما