مرحبا بكِ في منتديات لكِ! هل هذه هي زيارتك الأولى لمنتديات لكِ؟ اضغط هنا للتسجيل

للبحث في شبكة لكِ النسائية:
الصفحة 1 من 3 123 الأخيرالأخير
عرض النتائج 1 الى 10 من 21

الحجاب والمكياج للمحجبات

(العناية بالجسم والبشرة والمكياج والعطورات - منتدى لكِ)
"جيلان عاطف": اعتبري الحجاب شعرك * اشربي مية وكلي خضار وخففي المكياج * ربطات جديدة للمحجبات من تصميم "جيلان عاطف" مع قمر 14 هتكوني أحلى ...
  1. #1
    سهر الليالى's صورة
    سهر الليالى غير متواجد النجم الفضي
    تاريخ التسجيل
    Jul 2005
    الموقع
    *(أم الدنيا )*
    الردود
    1,675
    الجنس

    الحجاب والمكياج للمحجبات

    "جيلان عاطف":
    اعتبري الحجاب شعرك
    * اشربي مية وكلي خضار وخففي المكياج
    * ربطات جديدة للمحجبات من تصميم "جيلان عاطف"



    مع قمر 14 هتكوني أحلى من القمر "بجد".. هننقل لك كل جديد في لفات الطرح وعالم المكياج والعناية بالبشرة وأحدث خطوط الموضة "العملية" للبنات.. كل ضيف في بابنا هو مستشارك "الخصوصي جداً"، وكمان هنوفر لك فرصة للكلام معاه واستشيريه بنفسك في كل حاجة نفسك فيها..

    أغلب البنات النهارده محجبات وأصبح اهتمامهم بالحجاب يوازي أو يفوق اهتمامهم بشعرهم، وأصبح البديل للكوافير والبحث عن قصة جديدة أو لون مختلف هو لف الطرحة بألوان زاهية على آخر موضة.. أشكال ربطات على هيئة تسريحة شعر "ضفيرة وكحكة"، وأما الأقمشة (دي فيها كلام كتير) "تل" و"شيفون" "وترتر"، الصبح والضهر وفي كل وقت...
    المعادلة الصعبة في كل الحاجات دي ازاي أكون محجبة أحترم "حجابي" وفي نفس الوقت شكلي حلو "ستايل" على الموضة ومش "مبهرج" ولافت للنظر لدرجة تثير انتقاد الآخرين..
    "جيلان عاطف" مصممة متخصصة في المكياج "وإيشاربات المحجبات" مشهورة بربطات مبتكرة للسواريهات وللعرايس المحجبات لأنها شايفة إن العروسة هتكون أحلى وهي بالحجاب في أي مناسبة, المهم اختيار ألوان ونوعية قماش الحجاب المناسب لكل بنت..

    "جيلان" عندها نصائح ذهبية لكل بنت محجبة ازاي تتعامل صح مع الحجاب..

    ألوان الموضة في الإيشاربات لشتاء 2006؟
    لون الطرحة حسب لون اللبس ولكن اللون البني هو الأساس السنة دي وبيدخل معاه البرتقالي, التركواز, الروز, الزيتي بدرجاته, البني لوحده, البني المحروق مع البني العادي موضة جداً واستخدام الألوان الجديدة وتداخلها بيعطي نتيجة حلوه جداً..
    هل البني المحروق ممكن "يغمق" البشرة وخاصة إن لوننا خمري أحياناً مائل للاسمرار؟
    لا أبداً البني جميل جداً مع كل ألوان البشرة، على فكرة أنا عندي مبدأ إن كل الألوان تليق على البشرة السمراء أو البيضاء بنفس الدرجة، حكاية إن الروز والموف لا تصلح للبشرة السمراء أو الخمرية أو إنه "بيسمر جداً" ده كلام مش صحيح، النهارده مافيش لون صريح.. الروز له درجات مختلفة وموجودة في كل أنواع المكياج، كمان الموف, والأخضر.. المهم اختيار الدرجة من اللون القريبة من درجة لون البشرة وأكيد هتكون مناسبة ولا تعطي نتيجة عكسية.
    لو واحدة لونها يميل للسمار أي درجة من درجات اللون الغامق مناسبة للون سمارها؟
    من خبرتي ممكن أطمن العروسة السمراء وأقول لها لا تقلقي من اللون الموف في الخطوبة.. الآن ظهرت درجات جميلة من المكياج تناسب العروسة السمراء وتخليها حلوة وكمان لا "تغمق من لونها أبداً" اختاري اللون اللي يعجبك.. الأخضر, الأحمر، لأن المكياج النهارده أصبحت ألوانه صريحة جداً ومتنوعة المهم تختاري ماكييرة شاطرة تستخدم الألوان صح مع لون بشرتك.
    ازاي تختاري خامة أو قماش الإيشارب صح؟
    نوع القماش أو خامة الإيشارب تعتمد على نوع اللبس، كمان فيه أنواع من الأقمشة من المفضل نتجنبها حتى لو عجبك لونها أو تطريزها أو نقشتها.. من الأقمشة المزعجة في لبس الحجاب "الأوراجنزا الهايشة".. ابعدي عن الأقمشة "الناشفة" لأنها صعبة في الربط، خلي عنيكِِ على نوعية الأقمشة الناعمة والأقطان، الحرير، الحرير على قطن، الشيفونات بأنواعها كلها خامات حلوة جداً ومناسبة وعملية والتل كمان... بأكد إن الإيشارب مهم إنه يكون عملي في اللف، ممكن الإيشارب يكون غالي ووحش في ربطته وبعد شوية هتكرهي الإيشارب وهتركنيه على جنب بعد ما غرمتي ثمنه.
    نوعية القماش المناسبة والعملية للبنت في الجامعة عشان يكون حجابها مريح وفي نفس الوقت شكلها مش مبهدل؟
    تختار الأقطان والشيفونات المطفية "بدون لمعة".. الأقمشة دي بتستحمل جداً الحركة طول النهار، فالأقطان فيها ألوان كثيرة وأشكالها حلوة جداً، والقطن على حرير فيه تطريز خفيف حلو كمان وموضة جداً يكون في طرف الإيشارب تطريز أو ترتر بس المهم يكون "Simple" جداً.. عشان الجامعة ممكن تختار الإيشاربات الأقطان المخططة أو المنقوشة، فيه مساحة تنوع النهارده وألوان ينفع تدخل مع بعض تدي شكل جديد في كل مرة.
    مساحة التطريز المقبولة في الصبح وخاصة إنها موضة جداً، وأغلب الإيشاربات فيها تطريز بأشكال مختلفة؟
    مافيش حاجة محددة... فيه حاجات مطرزة لكن ممكن تناسب الصبح ونصيحتي لو الإيشارب فيه تطريز خلي هدومك "Simple" جداً على قد ما تقدري.
    بنشوف بنات بتلبس إيشاربات تل أسود وتحتها ألوان صارخة، وأحياناً شيفونات بتلمع.. رأيك إيه؟
    بصراحة البنت المحجبة اللافتة للنظر في رأيي منتقدة في عيون الجميع، أنا لا أعترض على لبس التل والشيفون الصبح أو في الجامعة بس يكون ألوانها هادية، والشيفون بدون لمعة إلا إذا كانت فيه مناسبة بالنهار.
    أفكار لحجاب ممكن يناسب لفترة بعد الظهر أو بالليل؟
    ممكن تحتفظي بشكل ربطتك اللي بترتاحي معاها والمناسبة لشكل واستدارة الوجه وتستخدمي إكسسوار مختلف.. حلق كبير، سلسلة فيها دلاية فيها حجر فيروزي، خاتم فضي بفص ملون.. النهارده مافيش لبس محدد للنهار وآخر لليل، مساحة الحركة تكون إضافة حاجة جديدة للبسك حسب وقت الخروج وطبعاً المناسب للمكان.
    ازاي البنت المحجبة تختار الربطة المناسبة لشكلها؟
    لازم تعرف هي بتحب إيه، الربطة التقليدية أو الربطة "الاسبانش" المربوطة "على ورا" عشان تكون مرتاحة ومقتنعة بربطة الإيشارب، ولو هي محجبة جديد ماتستعجلش على نفسها "شوية..... شوية" مش معقول هتقدر تلف الإيشارب زي واحدة متحجبة من زمان.. البنات بتكتئب وبتزعل قوي عشان شكل حجابها مش "مظبوط" عشان كده لازم المحجبة جديد تلبس في الأول حجاب ربطته سهلة ولا تستخدم أنواع ناعمة جداً ممكن تتزحلق بسرعة وتظهر شعرها، ممكن تستخدم الأقطان في البداية لأنها بتثبت، وعشان تلم شعرها كويس جداً تلبس "بونيه" قطن ولا تظهره، ومهمته مساعدتها في تثبيت الإيشارب ويمسك الشعر كله وتختار ربطة سهلة.
    الربطة "الإسبانيش" موضة جداً، ازاي نربطها "صح" خطوة خطوة....؟
    أولاً نلبس بونيه قطن يلم الشعر كويس وبعد كده نجيب طرحة مستطيلة لون تاني، فلو إن البونيه بني محروق تكون الطرحة تركواز تبين جزء من البونيه ونحط الطرحة الثانية بمحاذاة خط البونيه ونربطها على ورا كويس جداً وممكن نجيب طرحة تانية شيفون مثلاً وتكون لونها بني محروق ونربطها فوق التركواز، بعد كده نبين جزء منها زي ما عملنا في الخطوة السابقة ونربط كويس جداً، بعد كده نبدأ في ربط أطراف الطرحتين البني والتركواز بحيث ممكن نربط طرف الأولى مع الثانية والعكس، وإنتِ قدام المرايا هتلاقي نفسك بتربطي الأطراف، وممكن تبتكري تعملي الأطراف "كحكة" أو تعملي بطرف "كحكة" وتسيبي الطرفين نازلين على كتفك على حسب ذوق وشكل وجهك.
    نصيحتك للف الطرح التقليدية؟
    لازم تلبسي بونيه قطن وتحطي الإيشارب على حرف البونيه عشان يختفي وتمسكي الطرف القصير بدبوس مشبك بالطرف الكبير وتلفي الطرف الطويل حول الرأس وتثبتي بالدبابيس، وبلاش أكتر من إيشارب في الأول.. كفاية لفة بسيطة.
    ولو عاوزة تدخل ألوان في اللفة التقليدية؟
    زي ما قلنا البونيه وبعد كده الإيشارب على حرف البونيه وبعدها تمسك الطرف القصير بالطرف الطويل عند الرقبة، وبعد كده الإيشارب الثاني بعده بمسافة من الأول وتمسك أطرافه وتلف طرف الأولى وطرف الثانية في اتجاه واحد بشرط طرف يظهر لونه قبل الثاني، أو تحط الطرفين فوق بعض وتلفهم مرة واحدة وتحط دبابيس للتثبيت.

    ممكن تلبس "بندانا" وتلف الطرحة، ونصيحتي بلاش وضع شريط بلاستيك في مقدمة الطرحة.. ممكن تستخدمي "اسبراي نشا مخصوص للمكوى"، عشان تنشي الطرحة.
    إيه رأيك في إضافة الضفيرة من قماش وعمل "الكحكة" بالربطة "الإسبانيش"؟
    بصراحة لا أفضل الإضافات الكثيرة للحجاب طالما اخترتِ الحجاب عن قناعة لازم تكوني محتشمة وبسيطة في نفس الوقت... لازم تتعاملي مع الحجاب وكأنه شعرك وتحبيه عشان شكلك يكون حلو فيه ولما توصلي للدرجة دي أكيد هتبتكري في الربطات أكثر.

    مش معنى الحجاب "أي طرحة وخلاص" ونهمل في شكلنا، بالعكس لازم تهتمي أكثر.. كنتِ زمان بتهتمي بشعرك وبتروحي للكوافير وبتهتمي بكل خصلة في شعرك، اعتبري الحجاب شعرك وامنحيه نفس الحب والاهتمام، فالحجاب لا يعني "البهدلة".

    باعتبارك "ستايلست" وخبيرة في وضع مكياج للمحجبات، ازاي أحقق المعادلة.. .. أحط مكياج يخفي الإرهاق والشحوب وأحتفظ بوقار "الحجاب" وأتجنب لفت الأنظار؟
    أتعجب من كميات البودرة وكريم الأساس اللي بتحطها البنت المحجبة وغير المحجبة بالنهار.. ماينفعش أداري عيوب في الوجه بوضع طبقات من المكياج.. لو لونك شاحب أو عندك هالات سوداء تحت ع**** اهتمي بنوعية أكلك، قللي من النشويات وكتري من الفاكهة والخضروات، "الشوام" بشرتهم حلوة عشان كمية الخضار كبيرة في وجباتهم، كمان بيهتموا بزيت الزيتون.. احنا بناكل أي حاجة "المحمر، والمكرونة... أي حاجة" وده غلط بدل ما تدور ازاي نتقل المكياج لازم نعيش وناكل صح.. جربي شرب المية بكميات يومياً هتلاقي بشرتك اتحسنت كثير جداً، واسألي نفسك "أنا باعمل إيه غلط في نظام حياتي اليومي"....!!
    كمان ليه مابنحبش لون بشرتنا، البنت السمرا تحط بودرة فاتحة بكميات كبيرة وطبقات كريم أساس عشان تفتح لونها... ليه..؟!! ربنا أنعم علينا بلون حلو احنا مش بيض قوي أو سمر خالص، البشرة الخمرية جميلة جداً.
    كل بنت عاوزة تحط لمسات تضفي على وجهها نضارة وهى في الشغل أو في الجامعة، تعمل إيه من وجهة نظرك؟
    ممكن تستعمل كريم حماية للشمس وتكتفي بكريم حول العين فقط وقلم كحل وماسكرا و"Blusher" خفيف و"Lip gloss" فاتح.. ولو شكلها مرهق ممكن تستخدم بودرة شفافة أو بودرة لون بشرتها، وعلى فكرة لازم تجربي البودرة على خدك لأن الإيد خادعة جداً في تجريب درجات الألوان في المكياج، ممكن تحط "cover stick" خفيف حول العين وبلاش طبقات، وطبعاً البودرة الشفافة وكحل في العين أسود أو بني وبلاش ألوان، والـ"Blusher" إما روز أو بيج الألوان الطبيعية.... هي دي اللمسة البسيطة جداً.

    تذكري دايماً إن المكياج مواد كيماوية وكتره يؤذي البشرة على المدى البعيد، ومن تجربة خاصة للحفاظ على البشرة ونضارتها استخدمي زيت الزيتون على الوجه وحول العين هتلاقي نتيجة هائلة... وعلى فكرة أنا مش ضد إن البنت تحط مكياج ولكن بالمعقول.
    أحيانا تضطر المحجبة لخلع الحجاب عند الزفاف أو الخطوبة خوفاً من أن تكون وحشة أو أقل جمالاً من أقرانها؟ نصيحتك إيه؟
    بصراحة باشعر إن البنت اللي بتخلع الحجاب بيكون شكلها وحش وهي من غير حجاب يوم الفرح... وليه أصلاً تخلعه؟ الآن فيه ربطات جميلة ومبتكرة وحلوة جداً للعرايس، وكمان الزهور المعمولة مخصوص بالأبيض والروز من الأوراجنزا وتزين بها الطرحة بتضيف جمال للعروسة المحجبة.. من خلال شغلي باحاول إني أبتكر وأجدد في الربطات والإكسسوارات عشان العروسة المحجبة تحب شكلها... وسؤال لكل بنت "تحبي تبدئي حياتك بمعصية؟"... ليه؟! طرحة المحجبة النهارده بيدخل فيها ألوان جميلة جداً، والتل ممكن يكون من تحته روز, تركواز, ذهبي عشان نكسر حدة الأبيض الكامل، وبتعوض غياب تسريحة الشعر أو الفورمة.
    نصيحتك للعروسة المحجبة؟
    تبحث عن لون مناسب لبشرتها يبرز جمال لونها تفكر في موديل مناسب لجسمها وتفكر ازاي يكون شكلها مختلف وجديد، ومش شرط إن موديل أو ربطة عجبتك إنها ممكن تنفع معاك أو تليق عليك، وكمان تختار حد يساعدها في ربط الطرحة لأنه متخصص وبيتحكم أكثر في الربط وله خبرة في ابتكار ربطات جديدة.
    نرجع للبنت المحجبة في الجامعة ازاي تشتري إيشاربات تتناسب مع ميزانيتها؟
    لازم يكون عندها الألوان الأساسية السادة، الأسود، الأبيض، بني، سماوي، كحلي عشان تمشي على الجينز.. مش شرط تكون الإيشاربات غالية، المهم لونها ينفع مع هدومي، وبالألوان تدخلي وتشكلي ألوان، ويظهر شكلك جديد في كل مرة.
    ممكن تغيري في ألوان البونيه وتظهري طرفه ومن فوقه الإيشارب الأساسي دي حاجة عملية جداً ومناسبة لمصروفك، المهم اعرفي ألوان هدومك محتاجة إيه، وعلى فكرة الأقطان المصرية حلوة وأسعارها حلوة جداً.
    الإكسسوار المناسب لبنات الجامعة المحجبات؟
    الفضة مناسبة جداً لأن الإكسسوار العادي أصبح غالي جداً، الحلق التارة الفضي مش غالي وبيليق مع كل الوجوه وينفع المحجبة والرابطة "الإسبانيش" جداً.. ممكن الحلق يكون فضة وعلى شكل عناقيد وفيه فصوص فيروز وتلبس خاتم له نفس الفص، أو بلاش حلق وتلبس دلاية.. حاجات بسيطة ولكن المحجبة لازم تختار إكسسوار حجمه كبير شوية عشان يظهر شكله.
    رأيك إن الرابطة "الإسبانيش" هتستمر شوية؟
    أعتقد إنها هتكون خط عام بعد كده لأنها "عملية" وبتسمح للمحجبة أن تظهر جمال ملابسها لو كانت لابسة جاكت أو بدلة، وطالما الرقبة متغطية خلاص وبتسمح كمان باستخدام الإكسسوار.
    سلبيات بتقع فيها المحجبة؟
    لازم المحجبة تهتم بنفسها وفي نفس الوقت تحترم حجابها، البسي على الموضة زي ما إنتِ عايزة، ولكن راعي الحشمة، فالبنات النهادره بيلبسوا جينزات ضيقة جداً ولوويست وعلى رأسهم "إيشاربات".. حاجة متناقضة جداً!! ومش معنى كده كمان إنها تكون مبهدلة..!!


  2. #2
    abouki غير متواجد عضو جديد
    تاريخ التسجيل
    Dec 2003
    الموقع
    algeria
    الردود
    33
    الجنس
    امرأة
    goood يعطيك العافية

    ASSIBA SMILE


  3. #3
    يويو من مصر غير متواجد عضو نشيط
    تاريخ التسجيل
    Mar 2006
    الردود
    435
    الجنس
    أنثى
    ممكن تجيبى شكل اللفات


  4. #4
    روح زايد's صورة
    روح زايد غير متواجد عضو نشيط
    تاريخ التسجيل
    Jun 2005
    الردود
    201
    الجنس
    مشكوره على الموضوع القيم حبيبتي...
    والله في بنات فاهمين فكرة الحجاب انه بس غطاء للشعر و خلاص, و اللبس يكون عادي. الجمعه كنت طالعه اتغدا مع اخواني في المركز و شفت اشكال ماعرف على ايش لابسه حجاب!! المكياج كاااامل, حجاب بس الإذن طالعه عشان الحلق الكبير, اللبس ضيق, انواع التنانير و اغلبهم لابسات لو-ويست!! و اللي صدمني كانت بنت لابسه تنوره ضيقه جينز لو-ويست و قميصها ضيق ع الآخر, مكياج كامل, حجاب, و اهلها معاها الأب شكله مطوع, و الأم حرمه كبيره حجاب و عبايه وااااسعه... قمة التناقض,
    الله يهدي بنات المسلمين يا رب

    ربي يعطيج العافيه و ننتظر جديدج اختي سهر الليالي



    إليك يارب اشكو ضعفي وقلة حيلتي وهواني على الناس يارب تعرف الحال والشكوى لغيرك مذله فوضت امري إليك فنعم المولى أنت ونعم النصير

  5. #5
    Lovely's صورة
    Lovely غير متواجد زهرة لا تنسى
    تاريخ التسجيل
    Dec 2005
    الموقع
    فى قلب يحبنى **..**..** و جسد يحمينى **..**..** و عين تحرسنى **..**..** و وطن أدافع عنه **..**..**
    الردود
    3,637
    الجنس
    أنثى
    مشكوووورة






  6. #6
    سهر الليالى's صورة
    سهر الليالى غير متواجد النجم الفضي
    تاريخ التسجيل
    Jul 2005
    الموقع
    *(أم الدنيا )*
    الردود
    1,675
    الجنس
    السلام عليكم ورحمه الله وبركاته اتمنى يا اخواتى يكون الموضوع حلو واوعدكم ان شاء الله هعمل موضوع للربطات الحجاب وفعلا اختى روح زايد الحجاب بقى موضه غريبه وليس احترام لديننا الاسلامى


  7. #7
    سهر الليالى's صورة
    سهر الليالى غير متواجد النجم الفضي
    تاريخ التسجيل
    Jul 2005
    الموقع
    *(أم الدنيا )*
    الردود
    1,675
    الجنس
    اتفضلوا ربطات الحلوة ومكياج خفيف جدااااا للحجاب





    يتبع الاخرين


  8. #8
    سهر الليالى's صورة
    سهر الليالى غير متواجد النجم الفضي
    تاريخ التسجيل
    Jul 2005
    الموقع
    *(أم الدنيا )*
    الردود
    1,675
    الجنس
    البااااااقى


  9. #9
    سهر الليالى's صورة
    سهر الليالى غير متواجد النجم الفضي
    تاريخ التسجيل
    Jul 2005
    الموقع
    *(أم الدنيا )*
    الردود
    1,675
    الجنس
    البااااااقى اتمنى يعجبكم المكياج


  10. #10
    سهر الليالى's صورة
    سهر الليالى غير متواجد النجم الفضي
    تاريخ التسجيل
    Jul 2005
    الموقع
    *(أم الدنيا )*
    الردود
    1,675
    الجنس
    البااااااقى اتمنى يعجبكم المكياج الرقيق


مواضيع مشابهه

  1. أخر مشترياتي من العطور والمكياج %
    بواسطة عطني امل في العناية بالجسم والبشرة والمكياج والعطورات
    الردود: 22
    اخر موضوع: 11-01-2011, 10:09 PM
  2. الردود: 4
    اخر موضوع: 09-10-2007, 08:48 PM
  3. الحجاب حرية(للمحجبات وغير المحجبات)
    بواسطة النصر لنا في روضة السعداء
    الردود: 16
    اخر موضوع: 10-12-2004, 01:49 PM

الروابط المفضلة

الروابط المفضلة

قوانين الكتابة

  • لا تستطيع إرسال مرفقات جديدة
  • لا تستطيع إرسال ردود
  • لا تستطيع إرسال مرفقات
  • لا تستطيع تعديل ردودك
  •  
لكِ | مطبخ لكِ | جمالكِ | منزلكِ | جوالكِ | طفلكِ | تحميل صور | تكرات | المجموعة البريدية | لكِ أطباق لاتقاوم

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97