يا بنات ساعدوني قبل اجن

بسم الله الرحمن الرحيم
السلام عليكم ورحمة الله وبركاته


انا عمري 20 سنة ومعاناتي كثيرة وصعبة واختصر لكم مشاكل بشرتي
كانت بشرتي وايد زينة بس الحين عينكم لا تشوف والله استحي اطلع برى البيت لان بشرتي مو طبيعية نهائيا
كلها اثار حبوب واحمرار عند منطقة الخدين (( جان زين خدود وردية )) احمرار صاير كانه كلف لاني صراحة
مااعرف الكلف لان بشرتي كانت روعة ..... المهم الحين صارت بشرتي مو خوش بشرة وصرت مااتحمل اشوف
شكلي عالمرايا بس هذا اللي صار والحين صرت اعاني من هالحالات التالية :

• اسمرار البشرة مع انها كانت فاتحة يعني لا بيضاء ولا حنطية
• مسامات واسعة جدا وهذي المشكلة الداهية
• زيوان او النقط السوداء اللي تطلع عالانف وعالخدين اكثر شي ومنظرها مقزز جدا
• هالات سوداء وانتفاخات حول العينين
• حبوب حمراء اللون

ماادري مااذكر ان في مشكلة بعد لان هذي كل المشاكل اللي في البشرة
وانا والله العظيم قاعده أتعذب وقلت مالي الا الله سبحانه وتعالى ثم انتم لان انتم بالنسبة لي الامل بعد الله تعالى
وانا مااحب اروح للدكتور لان ظروفي ما تسمح ولاني مااحب الا الاشياء الطبيعية والخلطات وانا قريت كم خلطة
بس انا ماابي الا خلطة مضمونة ومجربة منكم شخصيا يعني ماابي الا خلطة تكوني مجربتها شخصيا واهم شي انها
تكون تصفي البشرة وتخليها خالية من اثار حب الشباب ومن النقط السوداء او الزيوان مع العلم ان بشرتي دهنية
الرجاء الرجاء الرجاء انكم ما تخذلوني لاني حبيتكم وحبيت منتداكم الجميل وقررت اقولكم مشكلتي واسال الله تعالى
انه ما يبليكم وما يبلي المسلمات بهالبلوة وان شاء الله مااكون ضيقت خلقكم وانا اسفة على الاطالة واذا ساعدتوني راح
ادعولكم بالسجود وانا صايمة ان شاء الله تعالى والله الموفق .........

اختي عسوله
انا اقولك بعض التجارب الي نفعت معي ........لكن لا تستعجلين النتائج بعد شهر
خلطه انا جربتها كانت ممتازه
ليمون + شوفان + حليب + عسل ماء عندي الحاجه مخلوطه ثم افركيها علي الوجه لمده ربع ساعه ثم اغسلي الوجه بماء الورد
ثم ادهني الوجه بكريم منعم استخدميها مرتين في اليوم
الخلطه الثانيه هذا لتفتيح البشره
بطاطس مهروسه + حليب ثم افرديها علي الوجه لمد ربع ساعه
الليمون مفيد للبشره ومنظف اما الثوم المهروس مفيد للبقع السوداء من اثر الحبوب
الماء افضل علاج للبشره
اتمنا اني افتكي اختي عسوله

منتجات نيتروجينا حلوة بالمرة والدكتورة صرفتها لي

الف شكر لكم اخواتي الاعزاء وانا ان شاء الله راح اخذ بنصائحكم الطيبة وان شاء الله بدعيلكم