هل يوجد خلطات طبيعيه تزيل آثار حب الشباب .. (اتمنى؟؟)

السلام عليكم اخواتي الحبيبااااااات ..

شخباركم عساكم بخير

عندي مشكله صغيره واهي اني اعاني من آثار لحبوب في وجهي واجزاء من جسمي ..

والشي الي متعبني اني بيضا .. والآثار مبينه بشكل واضح .. حتى أحس اني صرت سمره منها !!!! (آثار بنيه مو حمراء )

تكفون ياقلبي ،،
ابي حل يزززيل هالآثار .. اثاري مو عميقه وايد بس يعني اسمها آثار وشكلها مطوله =\


.
.

لاتقولون لي سوي تقشير .. لأننني مابي اسوي تقشير (يخوف) .. اشحادني عليه (مايحدك على المر إلا الأمر منه ) ههههههه

ادري شي عادي والناس كلها قامت تسويه .. بس أنا مابي اشياء كيميائه ابي اشياء طبيعيه .. و كذا وحده من اهلي سوت تقشير وصراحـه تصير كأنها محتررررقه أول شهر!! .... وبعدين اشوي اشوي يفتح ويرجع طبيعي وصافي (بس أنا ابي خلطه طبيعيه)!

مابي ا اصير مثلهم !

.
.

ابي مواد طبيعيه(تكفون ساعدوني) .. وبأذن الله راح راح القى عندكم خلطااااات .. أنا معتمده على الله ثم عليكم

تكفوووون حاولوا تعطوني خلطات تحسون إنها تصفي البشره من الآثار .. أو وحده منكم مثل حالتي ولقت لها حل ؟؟ تعطيني اياه او تنصحني بشي ينقى البشره !

بس غييير خلطة البيض والماء ورد والعسل .. لأنها ماتسوي شي


.
.
.

بتوكل على الله ثم عليكم ..
واتمنى تعطوني حل بأقرب فرصه ..
وجزاكم الله ألف خيييير (F)

اشدعوه وين ردودكــــــم =(

معقوله مافي حل =| !!!!!

هلا عزيزتي مطيوره

مو كانك راده على اموضوعي اللي يشابه موضوعك والا انا غلطانه بلأسم ؟؟

امزح معك

انا عندي لك حل بس ماجربته لكن الكل يمدحه وينصح فيه : جربي عصير الطماطم على الوجه مدة ثلث ساعه يوميا..

وكذلك الملح + الكركم ورح تلاحظين الحب رح يخف خلال اسبوع ( واغسلي وجهك زين بعد الكركم عشان اللون )

وكذلك : بيضه بدرجة حرارة الغرفه + عصير ليمونه + ملعقة شوفان مطحونه مدة نصف ساعه على الوجه

وانشالله تفيد ووافيني بالنتايج لأني نويت على عمري ورح اجربها وياك

تحياتوووو لك خيتوو

هلا ومرحبا فيك هدي تجربتي انا عمري 22اعاني لي 6سنوات من البشرة الدهنيه وحبوب الشباب وعملت طريقه لنفسي والآن جابت نتايج مره حلوه

اولآ في كل اسبوع مره واحده فقط تحطي في وجهك زبادي لمده 20 دقيقه ولبد ان تكوني مسترخيه ثم تغسلينه بما فاتر

ثانياً و في كل اسبوع مره واحده فقط تحطي عسل عايد الموجود البقلات


ثالثاً في كل يوم لبد ان تشربي عصير جزر لوحده اما انا استعمل عصير سيزر باالجزر والبرتقال


رابعاً ان تشتري دواء اسمه oiI-free Acne Wash من شركة نتروجينه وعلى فكره في علبه تضغطي عليه ويصب على شكل سائل وقيمة 30ريال مرتين في اليوم



ملاحضات
استمري على هدي التعليمات مدى العمر لآن مافي دواء ينهي حبوب الشباب نهائياً بسبب بشرتك دهنيه مثلى اناء
اناء استعملت ومازلت استعمل هدي الشياء 80% ازيلت حبوب الشباب واثارهاء السوداء

ياهلا وغلا خواتي فداء ومحبه الرياض ..

فداااااء تسلمين بعد قلبي على الخلطات الطبيعيه راح احاول ابتدي من الأسبوع الجاااااي لأن هالأسبوع ماقدر =(
المهم .. بحاول احط طماطم احسه زين (الله يستر) ههههههه ........ بس يافداء ماقلتيلي اشلون يعني اجيب طماطه واحطها في الخلاط وبس على على وجهي مباشره ؟؟ وكم حبه طماطم ؟؟؟

ثاني شي بالنسبه لكركم والملح (اتوقع ه>ا تقشير طبيعي) بس كم تكون الكميه لكل منهم ..... وكيف طريقة وضعه على الوجه .. هل اخلطهم واحطهم على وجهي او اني افرك فيهم الوجه ؟

وشكرا على الخلطه هذي بعد : بيضه بدرجة حرارة الغرفه + عصير ليمونه + ملعقة شوفان مطحونه مدة نصف ساعه على الوجه .......... بس (ماتخلص البسات مالتها هههههههه) شنو المقادير بالضبط .. والبيضه احط صفراها أو بياضها ؟؟

وسلامتــــــــــــــــــج
بس جيبي لي المقادير بالضبط ونبدأ مع بعض ونطالع النتايج

اختك / مطيوره

محبه الرياض تسلمين على النصايح والخلطات والدواء ..

زييييين الحمدلله .. الله يهنيك ياررررب .. وعقبالي يارررررب

بس انا بشرتي جافه اشووي.. و الحبوب الي تطلع يمكن لأنها حساااسه =(

.
.


عالعموم يالغاليه .. بجرب احط زبادي لأني فعلا سمعت انه زين وايد .. والعسل بعد !
والعصير بعد .. بحاول ولو إني ماحببببه =\ هههههههه

بس بالنسبه لـ (oiI-free Acne Wash من شركة نتروجينه ) ماحب استخدمهم .. لأني جرررربت وايييد انواع سواء نيتروجينا وإلا كلين اند كلير وكل هالخرابيط .. مانفع وياااااااي صح إنها تنعم بس تطلع حبوب في بشرتي خصوصاً نيتروجينا من الصابونه إلا الغسول (مأساه) لازم ا>ا اغسل وجهي تطلع لي حبه اليوم الثاني =| لووووول

بس انا الحين استخدم جونسن كغسول .. حلوو الحمدلله متأقلم معاي .. هههه .. طبعاً مايزيل الآثار بس ينظف من قلب !

عالعموم أنا ودي استخدم أشياء طبيعيه أو مقشرات طبييعه مابي اقرب من شي كيميائي ... حتى لو كانت تاخ> فتره طويللللله P=

.
.

وألف شكر لك يالغاليه (F)

اختك / مطيوره

محبة الرياض هلا وغلا ويعطيــــــــك الف عافيه

تحياتووو لك

هههههههههههههههههههههههههههههه

هلا والله عيوني مطيوره

نسيت لا اقولك ان الخلطه (بيضه بدرجة حرارة الغرفه + عصير ليمونه + ملعقة شوفان) لازم تخلينها نصف ساعه بعد ماتخلطينها وبعدين تحطينها على الوجه ( اشوا انك مابديتي اليوم والا كان ابتلشت ) والبيض حطيه بصفاره وبياضه (والله يعينك على الزفره ) بس مافهمت وش قصدك " المقادير بالضبط ؟؟" يعني المقادير مضبوطه بيضه بدرجة حرارة الغرفه + عصير ليمونه واحده + ملعقة اكل شوفان ومو شرط بس على الوجه حطيه بلأماكن اللي تبين حب الشباب يختفي منها

والكركم مع الملح لاتفركين وجهك فيهم اخلطيهم مع مويه وحطيهم عادي اقل شي ثلث ساعه بعد ناويه تسوين لنا سالفه والكميه على حسب حجم الوجه

وبالنسبه للطماطم تاخذين اللب و للعدد على حسب حجم الوجه كذلك اذا يحتاج 2 او 3 والا 4 لكن انا اليوم حطيت 1 وكفتني انتي عاد ماادري

كذلك انصحك بصابونة ديتول بصراحه كذا لأن فيها مركبات طبيه وتخفف كثييييييير من حب الشباب وانا مجربتها وماضرتني ابد ولها ريحه متقبله

وسامحيــــــــني على القصور واي سؤال انا حاضره

تحياتووو لك

ياحياتي انتي والله شكرا لج على التفاعل

اي صابونة ديتول .. صح ممتازه (بس كل مره اشتط واروح اشتريها) مادري وين تروح يستخدمونها البيت كله يا تروح عند المسبح أو لغسيل اليد أو انساها في بيت جدي او تضيع ههههههه
وأنا ماستخدمها إلا أول مرتين بعدين انسى عنها (عمري ماشريت شي وأستخدمته لمدة اسبوع متواصل مافيني صبر ) ههههههههههههه

انزين يالغاليه .. بالنسبه لخلطة البيض واليمون ومادري شنو (فهمت عليج) خلاص ماله داعي مقادير
ونفس شي الطماطم .. اتوقع انا بعد تكفيني طماطمه وحده وسط او كبيره مادري


.
.

بس بالنسبه للكركم والملح .. ........ انتي قلتي على حجم الوجه .. يعني كم مثلا برأيك .. ملعقه كركم صغيره الي ياكلون فيها الحلى + ملعقة ملح صالي ياكلون فيها الحلى (كل اشوي تعيد) ههههه + فنجان ماء ؟؟؟؟؟
<<--- على كبفها من قلب =|
ههههه

انتي شقد حطيتي ؟


.
.

وبالنسبه للزبادي اشاريج بعد نحط =) ؟؟

انا ببتدي احط من الاسبوع الجاي كل هالخلطات من ابتداء من السبت .. (لان انا الحين ماقدر فشيله بيت جدي اسبوع)

وتسلميين ..
عاد لاتنسين تعطيني النتايج وإ>ا ماصار شي قولي ماصار شي (ححلوه صراحتج ) عشان ندور غيرهم -----> جاهزه هههههههه


اختج / مطيوره

ههههههههههههههههههههههههههه هلا والله حبيبتي مطيوره

اقول صج انك مطيوره داجه ببيت جدك وتقول عطوني وسوو لي

واشتري لك صابونه وحافظي عليها مو تستخدمينها يومين وومدري ووين تطيرينها بعدين بعد ماتستخدمينها حطيها بغرفتك او بالدولاب اللي بالحمام ( وانتي بكرامه ) او اشتروا كميات مناسبه لكم وكذلك صابونة ( كلير اند كلين ) الصراحه كذا انا جربتها والصراحه احسن من السائل

بالنسبه للكركم انا للحين ماجربته لأني اول ماقريته كنت يائسه من نفسي بس اظن ان تقديرك للكميه صح <<<<<<< تنصح غيرها بالزين ولاتسويه الا بالمقلوب

بس محنا خسرانين شي اذا مانفع ماضر وانا ابجربه اكيد واوافيك بالنتايج

ورح ادور لك على وصفات ثانيه انشالله اذا توفر لي الوقت

تحياتوووو لك