السلام عليكم ورحمة الله وبركاته
اتمنى ان بعض الاخوات مايزعلون من موضوعي
لكن حبيت اخبركم عن تجربتي مع كينا كومب والي بعد ماقريت كل هالمدح له رحت طايره وشريت منه المرهم واستعملته 3ايام وبعدين رجعت وقرأت الموضوع مره ثانيه ورجعت وشريت الكريم وكملت ال3 ايام وصار لي الان 8 ايام وللاسف السواد الخفيف اصبح سواد شديد
واتمنى ان البعض يستفيد من تجربتي

الله يعينج حبيبتي ومشكورة لانج كتبتي تجربتج
عشان خواتج يستفيدون
والله بغيت اشتريه ..

شي كريم دكتورة مدحته بمقابلة تلفزيونية اسمه انديكوين اظن جي اسمه
قالت يبيض بس يباله وقت ..حبيبتي يفضل انج تراجعين دكتور جلدية لان مرات المكان المتاذي من كريم استعمل بالغلط
مايصير نستخدم وراه شي ثاني وبروحه مع الوقت بيروح .. لا تتضايقين كل شي له حل

أختي ... كان الله في عونك...

ولكن كينا كومب مرهم طبي خطييير...

يحوي على مادة الكرتيزون... والمفروض ان لا يؤخذ دون استشارة طبيه...

وأن شاء الله ما تشوفين الا كل خير..

كلام الاخت محبة القران صحيح 100%


الكريمات التي تحتوي على مادة الكورتيزون تعطي نتيجة حلوة للبشرة في البداية فقط لكن بعد ما يتعود عليها الجلد صعب جدا التوقف عنه لانه يتسبب في انتكاس الحالة والاسوداد مثل ما حصل مع الاخت

الله يعينك عزيزتي..
وإن شاء الله تلقين الطريقة المثاليّة لتصحيح الغلطة هذي..
وتقبّلي سلامي..

يالطيف00
الحمد لله ماتهورت واشتريته........كنت بحطه بوجهي كمان.....الحمد لله
مشكوره اختي والله يجزاك خير على النصيحه.....وافضل انك تراجعين اخصائيه.....

السلام عليكم ورحمة الله وبركاته
اشكر كل العضوات الي ردوا علي وعزوني
وانا فعلا ناويه اروح لاخصائية جلديه والي متاكده انها يابتضحك علي او بتهزئني على تصرفي هذا ........ والله يعين

الله يعينك اختي وانا كمان اشتريته لا كن مستخدمته كثير من اول استخدام صار يسمر ببشرتي لا كن مستخدمته الي على منطقه الا بط وحسيتها مسمره مع بقيه الجسم وحتى بالغسيل ميطلع من جسمي ماده دهنيه مره

وكل مستخدمه الكريم يزيد السمار فكرته او قفه نهائي احسن واستخدم حاجه طبيعيه ابرك لي

سبقتيني كنت ابغى اضيف تجربتي قبل كم يوم بس مافضيت انا استخدمت كيناكومب قبل اسبوع تقريبا من كثر مامدحوه المهم شوفو كيف استخدمته وايش صار حطيته في ابطي وانا احط قلت حطي في ابط واحد عشان يبان الفرق وقلت احط في ركبي ماراح يضر لان المنطقه ماهي حساسه واذا مانفع مالراح يضر اول يوم عدى الموضوع بسلام ثاني يوم حطيته ونمت صحيت من النوم احس حكه شديده مع ظهور حبوب يعني المناطق اللي استخدمة فيها الكريم صار فيها حساسيه والان انا اعالجها يعني اتحول جسمي من معاناه من سمار خفيف الى معاناه من الم وحكه وخشونه انا حبيت افيد اللي اقتنعت وناويه تستخدم الكريم قبل ما يوقع الفس في الراس بس انا موقصدي اللي كتبت الموضوع كذابه بس قصدي اللي يناسب وحده مو لازم يناسب الكل
يسقط يسقط كيناكومب

كينا كومب؟؟؟؟؟

هذا خبرته للألتهابات

وش حوله للتبييض؟؟

يابنات حرام عليكم في بشرتكم

خلقة ربي مافيه زيها

مايكفي كريمات البشره معبيه الدنيا ...لازم من الاختراعات؟؟؟؟؟؟